ياذويقات.. أي غرفة من الغرفتين أفضل لبنات في الثانوي والجامعة ؟؟ يوجد صور

السلام عليكم يا أهل الذوق

عندي بنتين الله يحفظهم وحدة حتكون في الجامعة السنة الجاية والثانية حتكون في الثانوي السنة الجاية بإذن الله


مشكلتي معاهم إنهم .........متناااااااقضتين في كل شيء.......تعبت معاهم :44:

المهم..........اختلفوا على غرفتهم الجديدة


الصغيرة تبغى الغرفة الموف إللي فيها دوائر .........وتقول : ياماما كلها سنة او اتنين واختي تتزوج واجلس انا في الغرفة اكثر منها



والكبيرة تبغى الغرفة الحمراء اللي بسرر سوداء ..........وتقول: ياماما الاولى حقت أطفال وإحنا كبرنا



شوفو المرفقات وقولوا لي ايش رأيكم

وللمعلومية إحنا عملنا في غرفتهم قاطع في الجدار يعني قسمنا الغرفة وأخدنا منها جزء حيكون وراه دولاب الملابس في الجدار
يعني غرفة ملابس زي الصورة لغرفة الملابس في المرفقات
وجاي على جنب في الغرفة زي مكان الستارة إللي على اليمين في الغرفة الموف
لأن إحنا بدأنا فيها على أساس هي الغرفة بكل مافيها.............بس استمرت المناقرات وقررت أعمل تصويت وأشوف أيهم أحلى


لا تخذلوني بانتظاركم أنا وبناتي............وشاكرين لكم كل الشكر