ياذويقات تعالوا ساعدوني بأثاث بيتي^_^

اب
مبوك البيت الجديد الله يبارك لكم فيه

مبرووك عليك ياقلبي

وهذا النت عندك وقوقل مايقصر اكتبي ديكورات وهو بيوريك انواع الديكورات

بالنسبه لمجلس الرجال اذا بتحطين الصاله منفصل او كلاسيك خلي مجلس الرجال متصل عشان تنوعين

أسيرة بدر الله يبارك فيك ي عمري
Wardhhي قلبي الصاله ابحطها جلسه لانها صغيره شوي
الجلسه يلي تجي كنها مخدات يقول ان اسمها كنب فرنسي
وانا مدري هو صحيح او غلطانه بس مدري كيف الالوان الحلوه
يعني انا من النوعيه يالي تموت بشي اسمه كلاسيك وكمان احب
المودرن بس المودرن فيه الوان ماحبها مدري هو الألوان اللي
تشوه التصميم او التصميم يشوه هالألوان
ع العموم مشكووووره ي قلبي

بإنتظار ردوركن الحلوه ي بنات

يا عمري اول شي مبروك الشقه
ثانيا من رأيي اول شي الصاله لازم تكون كنب أتيكيت وتطلع أنيقة يااختي ماتوا اللي يحطون مساند حتى وان تغير اسمها وسموها فرنسي وطبعا تكون سيراميك لانه أنيق وكشخه خصوصا بالصاله وخليها مودرن على شكل حرف ال واذا كان فيه جدار بيصير فاضي فتفصلين فيه كنبتين منفصله او اي حركه او تجيبي فيه كرسي هزاز او تسويه فيه ديكور خفيف ويكون ركن خاص بالتلفون .... واذا كانت الصاله هي مكان جلستكم وأكلكم فيها جيبي من البساط الخفيف وافرشيها واذا جاك ضيوف تشيلينها وربي أحلى واكشخ ..
ثانيا المجالس كلها تكون سيراميك ولاتفكرين ابد بالفرش وغرفة الحريم فصلي فيها كنب مغربي متصل فيه أشياء روعه وبألوان نعومه ويطلع جنان
اما مجلس الرجال طبعا سيراميك والكتب يكون كلاسيسك واختاري ألوان فاتحه وغالبا يكون البيج ...وعالعموم ترى الألوان على حسب انتي بترو حين تشوفين وب تختارين وبتلقين أشياء روعه ولا تكون ببالك ..
وغرفة النوم كمان خليها سيراميك وطبعا في الكل اختاري سجاد صغير ...
واذا عندك ملقط خليه بديكور شعبي وكمان فصلي عليه المخادالفرنسية اللي بغيتيها بالصاله مع كم حركه بالديكور والنجف على شكل فوانيس ويطلع جنان وذوق وليعتبر مجلس مختصر للرجال كمان وبكذا بيتك ليطلع من اروع ما يكون ..
وأختي اعتمدي على النعومه وأبعدي عن الدفاشه في الأثاث ترى الحلاوه والأناقة بالنعومه..
دعواتك أختي لي بالفرج العاجل والشفاء وان ربي يفرح قلبي ويرزقني باللي يستاهلني واجي أخذ رأيكم بأثاث بيتي ...هههه

إيه نسيت أختي لا تقولين ما اعرف أثث بالعكس أنا أتوقع انك رائعه ومبدعه في هالجانب لكن مؤ معطيه نفسك فرصه بالعكس خليك واثقه من عمرك وذوقك وباذن الله بيتك ليطلع من اروع البيوت وكمان شوف الموقع هنا فيه أشياء روعه ممكن تاخذين أفكار
دعواتك