n.2.n

n.2.n @n2n_1

عضوة جديدة

ياذويقات جبت لكم غرف عيالي ساعدوني بالاثاث

المنزل والديكور

السلام عليكم

انا صبغت غرفة الاولاد بهاللون .. بالضبط نفس اللي بالصوره ( درجات الاخضر )
ومثل مانتوا ملاحظين الغرفه فاتحه
وانا ودي احط طقم النوم بلون غامج
ياريت تقترحون علي لون الطقم اللي لازم اشتريه + لون الستاره + لون الموكيت لاني ناويه افرش الغرفه

على فكره انا صبغت طوفتين برسمة المربعات وطوفتين بلون اخضر ساده ( افتح درجه )



وهذي غرفة البنات .. نفس اللي بالصوره .. ( اللون الوردي والرصاصي )
وودي تقترحون علي لون طقم النوم اللي لازم اشتريه + لون الستاره + لون الفرش

وانا صبغت طوفتين بالخطوط الورديه والرصاصيه وطوفتين بلون رصاصي ساده



ساعدوني جزاكم الله خير

ترى انا هالاصباغ حصلتها من النت واعجبتني ووديتها لشركة الاصباغ واصبغوها لي نفس اللي بالصوره بالضبط

بس والله محتاره بالاثاث ,, عطوني رايكم ,, واقترحوا على الاكسسوارات وكل شي في بالكم
8
5K

يلزم عليك تسجيل الدخول أولًا لكتابة تعليق.

تسجيل دخول

lolooo-semsem
lolooo-semsem
ما شاء الله علي هذا الذوق العالي
الله يبارك لك فيهم يا رب
بصي يا ستي انا مش متخصصة بس دي مجرد وجهات نظر
بالنسبة لغرفة الاولاد اظن ان درجات البني هيا انسب شئ ليها و ممكن تقولي ان ده امتداد للطبيعة الشجر لون ورقه أخضر و لون الخشب بني
اما بالنسبة لغرفة البنات أظن ان اللون الكريم او السكريممكن يناسبها و ممكن كمان درجات الروز
ربنا يهنيكوا يا رب
n.2.n
n.2.n
مشكوره عزيزتي هذا من ذوقج

وانا رايي من رايج انه غرفة الالوان الطقم يكون بني لانه لون الغرفه فاتح ولازم نكسر اللون
بس شنو يكون لون الموكيت والستاير اذا بشتري طقم بني ؟؟
ونفس الشي بالنسبه للبنات شنو يكون لون الستاير والموكيت اذا الطقم سكري او كريمي ؟

جزاج الله خير والله يرزقج بالذريه الصالحه عاجلا غير آجل
أسماء
أسماء
هلا اختي ..هذه الاصباغ فعلا حلوه وانا اللي حطيتها في موضوع في المنتدى..وبالنسبه للغرفه الاولى اختاري الاثاث الخشبي الغامق والارضيه خشبي او بني متوسط والستاره أزرق سماوي مع نقوش او رسوم خضراء او اصفروممكن الاحمر وموديلها مثل السيدار تناسب الاولاد أكثر





الغرفة الثانيه لو لاحظتي بالصوره راح تشوفين السيرير لون بني غامق وطالع رووعه مع الالوان وممكن الخشبي الفاتح بعد بيكون مناسب ....الستاره ممكن بدرجة الموف الي مايله على الوردي وممكن الكرزي
n.2.n
n.2.n
هلا اختي اسماء
مشكورة عزيزتي ذوقج الاحلى

انزين حق الغرفه الخضرا
لقينا طقم اطفال لون ازرق سماوي واخضر فاتح .. الطقم روعه ولونه حلو وسعره حلو
احترت لاني كنت ابغى طقم بني .. بس هالطقم عجبني
رايج اذا شرينا هالطقم شلون نكسر اللون بالموكيت والستاره ؟؟؟
لحظة وفا
لحظة وفا
n.2.n n.2.n :
هلا اختي اسماء مشكورة عزيزتي ذوقج الاحلى انزين حق الغرفه الخضرا لقينا طقم اطفال لون ازرق سماوي واخضر فاتح .. الطقم روعه ولونه حلو وسعره حلو احترت لاني كنت ابغى طقم بني .. بس هالطقم عجبني رايج اذا شرينا هالطقم شلون نكسر اللون بالموكيت والستاره ؟؟؟
هلا اختي اسماء مشكورة عزيزتي ذوقج الاحلى انزين حق الغرفه الخضرا لقينا طقم اطفال لون ازرق...