~ام الخطاب~ @am_alkhtab_4

عضوة نشيطة

ياراعيات الشخصية القوية تعالي قوليلى شلون اتصرف معاها الي اخذت حقي ضلم...!!

السلام عليكم ورحمة الله وبركاتة

والله يابنات اني اكتب لكم من القهر الي اعيشة وما اعرف وش اتصرف وما ادري وش اسوي احس ماعندي احد ينصرني على الي ضلمني حسبي الله ونعم الوكيل..

يابنات انا متفاهمة مع اهل زوجي وامورنا عال العال ولما سكنا بيتنا الجديد سكنت بشقة فترة شهرين وكنت حامل بشهوري الاخيرة اصلا الشقة ما جلست فيها اسبوع كامل لو بحسب الايام..

ولما ولدت ورجعت بيتى بعد الولاد كنت اغلب وقتي تحت عند اهل زوجي لاني عملية وصعب انزل واصعد واهل زوجي يحبون ولدي .. واضطريت اني اسكن عندهم تحت وقلت الشقة بنأجرها ..

لحد كذا الامور تمام ... للمعلومية زوجي هو العائل الوحيد للعائلة يعنى مالة اخوان بس امة وخواتة ..

السالفة الي تقهر والشي الي انضلمت فية وااااااااااااااالله لا يجي احد منكم

اني نزلت اخر سهر ستة وشهر سبعة كانت الشقة ماهيب مسكونة وكان بشهر ستة فية وحدة تقرب لنا انا وزوجي تصير بنت خالتة انسانة فضيعة متزوجة من 12 سنة ودايم مشاكل مع زوجها

اثاريها كانت تخطط على شقتي وانا ما ادري .. طبعا هي يوم جا نهاية ثمانية جت زعلانة من زوجها عندنا

للمعلومية .. لي خالة كبيرة عقيم مربية زوجي واخواتة والحين هي في كنف زوجي يرد لها الدين والمعروف ومالها غير زوجي لانها تعتبر مثل امة

المهم هذي على الرغم ان عندها اهل بس جت عندنا على اساس انها جاية عند خالتها وبحسبة امها

ومعاها 5 عيال اكبر عيالها عمرة 14 سنة يعني عائلة ماشاء الله...

انا يوم جت مضروبة وان لها قصة مع زوجها قالو نبي الشقة بس شهرين تخيلو قالو بس شهرين

وبعدين بتنحل مشكلتها مع زوجها وتذلف

ياناس انا بنت ناس واصيلة ويوم ابوها طلبنا الشقة شهرين انا والله ماكنت موافقة بس قلت شهرين مافيها مشكلة

ماراح يتضرر الاثاث بهالمدة..

اةةةةةةةةةةةةةةةةةةةةةةةة يالقهر هالشهرين صارت سنتين لان مشكلتها ما انحلت

اثااااااااااااااااثي انعدم ويوم جيت اخذ مواعيني اول ماسكنت قالت قالتلى لا خليها بشتريها منك

واكلت بصل وسكت واةةةةةةةةةةةةةةةة يالقهر والضلم

ولما انتهى سنة كلمتها وقلت نبي الشقة بنرجع لها تلفضت على وقالت اذا زوجك رجال لا يرسل الحريم

وكلام كبير وشتم وكبرتها السالفة وكلمت هي اهلها وزعلو علي الناس واخواتها ووحدة راحت تتحسب على وتقول

ليش تطردينها ماتعرفين ضروفها

هي والله مرة كبيرة يمكن عمرها 35 اما انا تونى 23
وهي مدرسة وجامعية وين راح تعليمها ودراستها تتعامل مع الناس بهالشكل وتخرب اغراضهم
يوم الناس فتحو لها بابهم ..
وانا اقسم بالله اني ماطرتها

اصلا استحيت اقول كلمة اطلعي من طيب اصلي
بس قلت ترى اجاركم بينتهي اخر هالشهر واحنا نبي الشقة

يعنى ابيها تستحي على دمها وتفهمها ..وشكلها حقدت علي من هالكلمة
.......

انقهرت يعاملونها كانها نونو
ولدها انا اصلا اتغطى عنة

وابوها عطى زوجي 12 الف عن الشقة وهي تسوى والله 18 بدون اثاث

انا ماني منقهرة الا على اثاثي الي انعدم قسمن بالله تقلون جاي من البر

هذا غير الجدارن الي انحكت حك...

تكفون قولولي وش اقول وش اسوي
اطلب منها قيمة الاثاث

والله مجالسي الواحد على 4 الالف وفرني قسمن الله تقولون مطلعتة من فرن صاير اسود
ودولاب المطبخ متفجر مرة .. والمكيفات متكسرة ريشها .. والحمامات كل شفطاتها ودشها معدووووووووووم عدام

والله تحس انها اعمال تخريب ما هي معقولة سنتين تعدم الشقة بهالشكل المرعب
ارجوكم قولولي وش اسوي ؟؟ احس بالقهر والحرة في كبدي على اغراضي الي اغتصبت مني بغير وجهة حق

لا تقلون زوجك يتكلم مع ابوها زوجي يقول والله ما اكلم ابوها هو لة جمايل على وانا صغير وترى والله جمايلة ماتعد شي
انا احس ماعندي احد ينصرني ..
امي وخالتي يصيرون خالاتها ويقلون مانبي فضايح

طيب انا انا محد يخذ لي حقي انا والله ماغلطت يوم طلعت من بيتي لاني بنت ناس واصيلة

وطول هالسنتين الي عشتها مع خوات زوجي وخالاتى
ماشفت منهم الا كل طيب وهن بعد ماشفن مني الا الطيب..

يابنات هي الان طلعت لبيت ثاني وفضت الشقة بس صارت بقايا شقة

وانا مادخلتها الا لما طلعت
والان زوجي يأثثها من جديد وكل ماتعب من شي قال انتي السبب ليش تركتها من الاول انتي سبب الخسارة

لانة الى الان الي خسرة بصبغ وغرفة نوم ومجلس بس
20 الف ريال ..

بس انا مقهورة على حقي الي ضاع هدر ومانى قادرة حتى اخذ تعويض
تكون يالي شخصياتكم قوية قولو لي لو كنتم مكاني وشلون تتصرفووووون ؟؟!!

يلزم عليك تسجيل الدخول أولًا لكتابة تعليق.

تسجيل دخول

.:.الكروان.:. • 14 سنة

الله يعوضك خير في أثاثك اللي راح خلاص ما عاد ينفع تسوين شي اللحين
علشان خاطر زوجك وخالتك والناس اللي تحبك يبغالك تصبرين مادام زوجك ما يقدر يقل لهم شي
طنشيها والله يخلف عليك باين عليك بنت ناس محترمه الله يكفيك شرها

ام اثين • 14 سنة

الله يكون بعونك مدام زوجك مسكت انتي زني عليه لاتصير الشينه عليك انتي وهذا حقك واذا رفض قولي لهطلعني ببيت لوحدي بس ياروحي قيسي زوجك قبل تكلمين لاتقوليم بطلع ببيت وتحسين انه ماعنده نيه اواستحاله يطلع بس حاولي بالين

hamura99 • 14 سنة

الله يفرج لك

~ام الخطاب~ • 14 سنة

.:.الكروان.:. :

الله يعوضك خير في أثاثك اللي راح خلاص ما عاد ينفع تسوين شي اللحين علشان خاطر زوجك وخالتك والناس اللي تحبك يبغالك تصبرين مادام زوجك ما يقدر يقل لهم شي طنشيها والله يخلف عليك باين عليك بنت ناس محترمه الله يكفيك شرها

الله يعوضك خير في أثاثك اللي راح خلاص ما عاد ينفع تسوين شي اللحين علشان خاطر زوجك وخالتك والناس...

مشكورة ياقلبي على ردك والله هالكلام دايم يقولونة لي امي واخواتي وانا مقهورة

ادري ان الفلوس تجي وتروح بس والله خساااااارة

الاثاث عطيناة الخيرية وزوجي الان قاعد ينضف الشقة ويصبغها واثثها من جديد

والى هالحين بس كلفتنا 20 الف وباقي ما اثثنا المطبخ والفرن ..

والقهر ان زوجي يقول انتي سبب الخسارة ليش تنزلين من الشقة من الاول

امانة هالشي مايقهر

وانا وش خسرتة فية وماكنت ادري ان طيبي سبب تعاستي ..

والله اني ابكي من القهر والحر الي بكبدي والضلم

@حنين الايام@ • 14 سنة

شوفي ونا اختك في هل امور عندنا الرجال لهم كلمتهم يعني زي ماقالك انا ماقدر اطلعها وش بيقولون عليه الناس 00نضرت الرجال غير عن نضرتنا 000خلك فاهمه 00اذا اهي ماستحت على وجها وضلت في البيت 00تبقين زوجك اقولها اطلعي 00صحيح شي يقهر 00انه العبت بلبيت هي وعيالها 00بس اقولك ماردها تطلع وتفضالك الشقه والاثاث رح اجيبلك جديد 000ونتى غلطتي يوم انك خليتى اغراض المطبخ كلها تحت يدها كان شليتى بعضها 00اصبري ولا تجلسى تفتحي الموضوع مع زوجك كل دقيقه وطفشينه منك وشوفى الامور لوين توصل0