ياراعيات الليالي الحمرا والخضرا..يالرومانسيات ومدلعات ازواجكم ادخلووووا

السلام عليكم ...
بدخل في الموضوع دايركت .. من خلال جلستي عالنت لاحظت 90% من المواضيع تنقسم اما الى (زوجي ضربني وبهددني بالطلاق وش اسوي؟) ..(زوجي مايسمعني ويطنشني) ..
او
(كيف تعيشي حياة سعيدة بدون مشاكل) ===>>وتراها منزلة الموضوع من الخاص لعيونكم لانها مستشارة علاقات زوجية
(كيف تسعدين زوجك) .........(اساليب ..طرق..وسائل لخطف قلب الحبيب زوجك ) ........ ووووو الخ



وبعدين لحد متى هالمواضيع اللي تتكلم عن اسعاد الزوج .... ؟؟ طيب والحريم ياترى في منتديات للرجال يتكلمون عن طرق اسعاد الزوج واساليب الحوار معاها وتفهم حالتها النفسية واضطرابات الهرمونات ... وغيره وغيره ..
لحد متى تتكلمون وتقولون تغاضي عزيزتي الزوجة ... طنشي حبيبتي الزوجة ... تحملي التلطيش والكفوف والصراخ والصريخ عزيزتي الزوجة ........
وليلة رومانسية ... وليلة بحرية .........برتقالية ......... بطيخية !!! زيني فراشك بالورود والشموووع وحومة الكبد اللي لها اول مالها تاااااااااالي ......كوني له طفلة ناقزي ف وجهه كل ماجا من الدوام وكل ماطلع ولاتسالين ولاتقولين ولاتسووووين .......اسكتي ودلعي .......وغنجيه .. وسوي له اللي مااستوى بكل نساء العالم... وبعدين ؟:09:
اتحدى وحدة اجنبية ولااوروبية برى تسوي اللي تسوونه ........ومع كذا تراها محشومة عند زوجها وهو اللي يدلعها ويراضيها ويفاجئها بهدايا وورد ويعزمها على مطاعم ويحجز لهااجازات برى .......وانتم وش مكافئتكم ياحبايب الرومانسية والليالي الحمرا والزرقا ؟؟؟مفاجئتكم ان ازواجكم يسافرون برى عنكم ومايسمعون وش تقولون حتى لو سولفتي له عن الدوام والعيال يقول لك انطمي بتغدى .........ويخونونكم مع غيركم ....... ويهينونكم قدام اهلهم !!!

قسم بالله صارت المواضيع هنا شي موطبيعي .........شي ينرفز ...........يرفع الضغط ..........وماعندكم حل وسط يااما تقولون ضفي عفشك وروحي بيت اهلك ...... يامعليش حبيبتي تحملي ترى كل الرجال يسووون كذا ......لاحبايبي لاتدفنون راسكم بالتراب
مو كل الرجال سيئين وزي ازواجكم .........رجالنا فيهم الخير بدون خرابيط الرومانسيات هذي اللي تجيب الاستفراااااااااااااااااااغ ..........
عليش انا تكلمت عن واقع الرجاء تقبل كلامي ولو مااعجبك لاتغلطين علي لان انا ماغلطت على وحده فيكم والدليل اني جالسة اقرا موضوع من مواضيع اللي هنا تتكلم عن طرق اسعاد الزوج وارضاااااااااؤه !! وكتبت كل هالكلام في رد على موضوعها بعدين حبيت انه مايكون موجه لها شخصيا وان يقرؤوه عدد اكبر منكم ..عشان كذا افردته ف موضوع لحاله ...
ووالله العظيم ماكتبت هالكلام عن تجربة عشان لاتقولون انتي هذا واقعك ... يارب احمد لك نعمتك وماشاءاالله تبارك الله حياتي سعيدة صحيح فيه غفلات ومشاكل لكن بسيطة ... و زوجي يشوفني رومانسية وحساسة ودلوعة بدون مااحط الخرابيط اللي يقولون عنها توك اطفال ...علقي بالونة براسك ... البسي فستان اطفال وكوني له دلوعة ومدري ايه ...ترى الشي اذا جا طبيعي بيفهم الرجال واذا جا مصطنع وغريييييييب وبشع قسم بالله بتحوم كبده .......!!!


وسامحوني :26: