ياربيييييي...صبري نفذ..والمشكله ماقدر ارجع نفس قببببل ...

اااااااااااااااااه

ماحب الاهاات طول عمري كنت مرحه والكل يقول لي ماشاء الله دايما مبتسمه
الين اليوم...المشكله اني فالماضي كل شي كنت اخذه بهدوء وبرود اعصاب
وكنت راااضيه بحياتي وعبادتي 100%

الحيين بسرررعه اعصب حتى لو ما اظهر عصبيتي اتم كاتمتنها
ويلست البيييت كبرتي مليووون سنه داخليا يعني قلبي عمره فوق المليون احين..


من الملل ايلس اخرب غرفتي وارجع ارتبهااا عشن احصل لي شغله..

مب هذا المهم..المهم اني الحين عبادتي احسها واايد بدت تقل وتجمد
حتى القران مب قادره اقرااه الا بين يومين ومنزماان كنت يوميا اقرااه

يالسه افكر انا شو سويت من الذنوب مب ملاقيه ذنب وايلس استغفر وااايد
واسبح واحمد الله..لكن مادري ..احس اسوي هالاشياء بصعوبه..

والله اني مقطوعه من الحزن مبعثره خلاااااص دفنت عمري وانا حيه

مب عارفه كيف اطلع من هالاحساس... احس ان فيه وسوااااس
وااايد اوسوس..واذا ما صليت بسرعه اخربط فالصلاه وانسى كم ركعه
انا مصليه...

والله ودي اروح لدكتور نفسي بس مب عارفه كييف... حتى شكيت لأمي
قالت لي عن هالرمسه مافييج الا العافيه..وكل ما احاول اشكي لحد
اتراجع..اقول يكفيني ربي..لكن ودي افضفض ومالقيت الا المنتدى..

مب عاارفه شفيني والله متلخبطه عالاخر والوساوس بتذبحني..
مع اني احاول اني اكون قويه..والحمدالله خفت الوساوس

والله العالم اني الى اليوم اشكيه وادعيه عساه يخفف عني...بس
ماستجاب لي ..هذا الي يضرني نفسيا ودينيا...
ودي اعرف ليش ربي ماعطاني الاشاره او ضوء صغير..

اعرف عسى ان تكرهو شيئا وهو خير لكم...لكن حالتي ما احس فيها خيير
كلللله انااام عشن يمر الوقت..مب عارفه اكمل..

بس ياريت اذا فهمتو حالتي ماتبخلون علي..لأني فعلا محتاجه لأخوات في الله
يساعدوني..لأني صح عمري 23 لكن خبرتي جدا قلييله فالحياه..

كل علاقااتي سطحيه..حتى مع اهلي.. مع اني اظحك واسولف وياهم
ولا كأنه عندي مشااكل ومللللللل فظييع.. لكن يوم ايلس مع نفسي

احس اني ولا شي ..لاشغله ولا مشغله..مع اني يعلم الله اني قدمت على شغل
في واايد اماكن بس ماطلعت لي وظيفه.. وخذت عمل تطوعي فالكليه
لكن شهرين وطلعت حسيت ان الاجانب واايد مستغلينا,, عالاقل خذت خبره شوي
وشهااده..

ماادري اذا تعرفون فالنفسيات..ياريت تشخصون حالتي..

صح والزوااج تراا انسوو... امي مايعجبها العجب ولا الصيام في رجب
ماادري تتريا ولد زاايد يخطبني..الله اعلم..

والشخص اللي كنت اتمناه وادعي ربي اذا في الخير يكون نصبي ربي كتب انه يخطبني
وللللكن الصاااعقه ان امي رفضت مع ان الجمييع كاانو موافقيين..
ما اقول غير (عسى ان تحبو شيئا وهو شر لكم)

واستوت سالفه فالعايله وحلفت جداام الكل اني خلاااص اذا امي ما تباه
انا ما ابااه ولا ابا غيييره بعد.. ويوني 3 اشخااص الحين وامي رفضتهم..
الحمدالله لأنهم مستواهم عاادي مع انهم من اهل امي..
ترا امي من عايله عااديه وابوي من عايله معرووفه..

كل اللي هامني الحين هو ديني...احس اني بخسر ديني وعبادتي
كل شي صااار ثجييل... كأنه جباال على راسي.. وراسي داايما مصدع من التفكير..

مشكلتي العووده اني كتووووومه لأقصى درجه ما ابين لحد ..مب تصنع
والله..بس يوم اشوف الناس انسى همومي واسولف واظحك..وما اخلي سالفه ما افتحها.. عن البشره والشعر والاكل والسفر والهواياات والحياة والدين والعباداات
في كل شي ماشاء الله...

وبصراحه..في 2 احس من افعالهم
كأنهم يبوني مب احسن عنهم..وكل وحده الها سبب..بس هالشي
من الله..مايخصني اذا الناس يحبوني اكثر من بنتهم..
ومايخصني اذا الله يحميني من مشاكل الدنيا ووحده تبا تجرني لأشيا غلط
مثاال: التدخين وغيره...

من كثر مافااض بي الهم بس كتبت لكم..يمكن تقدرون تشرحون لي حالتي بالضبط
وكيف اقدر اعالج نفسي...

ابي اركز في عبااداتي وبسسس...مابا اخسر ديني ولا الجنه
والدنيا مهما كان اللي منتظرني..ابا اكون رااضيه دايما حتى لو شو ماصار...

في فكرره مجننتني مووووووت ودي اتخلص منها ..والله انها تبكيني من الحرقه والقهر..تبكيني نااااااااار ودموووعي حراااقه..

وهي ان منزمان امي قالت لي اني يوم كنت نونو في بطنها كنت كله ارفس
ويوم انولد كله اصييح صياااحه وااايد...

فشو الفكره الجهنميه لي داخله خاطري من فتره الله يسلمكم
لأني ادري ان حيااتي بتكوون عذااااااااااب كنت اصييح وارافس..

مادري والله هالفكره بتجتلني...لأني سمعت ان الياهل يمر عليه شريط حياته
من هو في بطن امه..


:( مب عاارفه.. تعقققدت .. وفعلا محتاجه دكتور نفسي..وحتى لو سرت عند الدكتور مابتكلم اعرف...لأني اعررف عمري مستحييل اتكلم...الا بالزور..


زين اني الحين كتبت لكم...والحمدالله طلع الكلام والحين برجع اقراه ومادري متردده
انشر الموضوع او لأ :icon33: