مساء الخير على كروشات حواء الحلوات
طبعا لما قريت الموضوع شدني كثير لاني بالتاسع و اعاني نفس اللي تعانينه بالضبط
طلقي بارد
وللي عندهم علم ولا خبرة تكفون فزعتكم
انا موظفة والمشكلة دوامي مو سهل تقريبا 8 الى 9 ساعات يوميا
ومثل ما تشوفون بالتاسع وعلى فكرة انا بكرية
الحقيقة اني امشي كثير من دخلت التاسع رسميا
والهدف اني بعجل الولادة
من بدت تنزل معي رطوبة مع الافرازات وانا مولمة شنطتي عند باب الشقة
السالفة
اني اطلق............................
ايوه فيني طلق بس مو متواتر يعني مو كل نص ساعة ولا ثلث ساعة لا يجي وقت يزيد
وبعدين يوقف فجاة خصوصا اذا نمت
قبل امس كعادتي صحيت من الفجر للدوام ورحت له
وطول ما انا هناك وانا احس بالم في ظهري
زي ما اقولكم حسيت اني من الوجع باولد الا شوي على قولتنا
التقلصات كانت فيه بس برضو مش متواترة يعني مرة فوق ومرة اسفل الظهر بس اهم شي انه موجودة
طبعا الافرازات زادت كثافتها ورطوبتها
ومرتين احس اني بفقد الوعي ولا تجيني كتمة واستمر الوضع حتى لما رجعت البيت وريحت شوي
شفت الوضع كذا قلت يله ركض على المستشفى وكانت الساعة 9
طبعا الاول حكومي واراجع فيه طول حملي
السكر كويس الضغط كويس الحرارة كويس الالتهابات ماعندي
قالت نقيس عنق الرحم وياليتها ما قاست عذااااااااااااااااااااااااااااااااااااااااااب
قالت مسكر ومرتفع وما بعد لان والراس حتى ما نزل
وبالنسبة للتعب نعطيك مغذي بس توك على الولادة انتي بكرية
جان احباط اقسم بالله
قالت تخطيط قلب الجنين اوكي
وطلق مافي طلق ولا ريحة طلق
طلعوها........................... رجعت البيت بخفي حنين وانا شكلي ينرحم مع الثقل
والالم اللي ماوقف مرة تحت ومرة فوق
دخلت دورة المياة والقى ملابسي دم
قلت اصبري وعيني من الله خير
مابغيت اجرجر زوجي مرة ثانية استحيت والله
الالم استمر بس صار اسفل بطني وظهري الى الساعة وحدة والدم قطرات ومايلة للبني
قلت قم نمشي للمستشفى شكلي باولد
رحنا مستشفى خاص
دخلنا وعقب الكشف واللذي منه جت الدكتورة تقيس عنق الرحم بس طلع معاها دم
وحطتني على جهاز التخطيط وحساب الطلق لقت انه فيه طلق بس مو ورا بعض
طب والدم اللي نزل..................... قالت لي هذا لان الدكتورة الاولى سوت لك فحص
قلت لها مو اول مرة يسوى لي فحص وما قد نزل معي ابد
قالت عادي على العموم انتي في بداية الطلق اوله
وعشانك بكرية ممكن يستمر الى 16 20 ساعة قبل المرحلة الاخيرة
اذا تبي تجلسي اجلسي واذا تبي تولدي روحي امشي افضل لك من جلستك هنا
واشربي لك قرفة
وطالما ان الموية ما نزلت معك ما انصحك تروحي للمستشفى
ربنا يسهل لك ويهون عليك
حجرتني العبرة وانا افكر اثر الدعوى مطولة يعني ........قالت لي هاه وش قررتي
طليت بوجه زوجي وكلنا على قومة الفجر وقلت بنفسي روحي ريحي بالبيت اصرف لك من هنا
واللي كاتبه الله بيصير
وفعلا رجعت البيت وحاولت اني انام وما شربت شي بصراحة
ولما صحيت الصبح لا طلق ولا وجع ولا شي بس قطرات دم خفيفة مع الافرازات
وعليها الين اليوم
مليت مليت والله اي مليت
ابخلص وش اسوي

قرفه حبيبتي وكلي عسل وبعدها امشي

شوفي عمري



حطي بقدر مويه وكمووون وخليها لييين تغلي


بعدين خليها تدفي

وتغسلي فيها من تحت

على طووول تفتح الرحم

وكل وحده قبل ماتروووووح المستشفى تسوي هالطريقه على طووول بعد ارادة الله ينفتح الرحم عندهااااااااا

نفس حالتك بالظبط

ولدت 3 ولادت كلها بتدخل منهم لاااااازم يعطوني الابره اللي تحمي الطلق ويفتحون المويا عشان اولد
ولاده وحده بس اللي ولدت بدون تدخل منهم ويااازينها من ولاده اتمنى اني اولد هالمره من غير ما يعطوني الابره ولا يفتحون المويا :(

والله الطلق البارد مشكله ياليت احد يعطينا حل :(


...

مشكورييييين ي بناااااات

والله هونتوها علي

الله يسعددكم ويفرجها عليكم كلكم