ياربييي بصيححح 😭💔

اكلمكم وانا احس الارض تسحبني
احس بدوخه
الموضوع ماله هدف بس خل اتكلم فيه عسى تخف روعتي 💔




السالفه بدت امس
انا عند اهلي من ثلاث ايام زوجي مسافر
المهم امس قلت خل اجرب خلطه الجلسرين و الليمون خاطري اجربها من زمان بما اني عند اهلي وزوجي موعندي خل اخذ راحتي
و بنفس الوقت اسويلي سناكات بالغرفه و اجلس على فلم بروق
و فعلا سويت الخلطه حطيتها بالحمام و لبست الروب و رحت ركض على الغرفه اللي مجهزتها بالسناكس و الموفي شغال
يا بنات ما تتخيلون قديش كنت ماخذه راحتي
الغرفه طفيت نورها و قفلتها و هي اصلا محد يجي ذا الغرفه الا نادر << هاذا الغلط 💔
عشان كذا شلت الروب
شلته و فرشته على السرير على اساس ما يتوسخ السرير بالخلطه
و جلست كذا 😭
اخخخخخخ يا رب رحمتك
المهم يا بنات بديت اتابع الفلم عادييي ما حسيت بشي !
الفلم كان ساعتين يمكن و انا خلال الساعتين اوقف الفلم و اجلس اصور تيك توك و سناب موفي تايم و مدري ايش !!
يعني جلستي كانت اكثر من ساعتين !!
ما حسيت بشي يا ناس !
المهم و يخلص الفلم
قلت بتابع فلم ثاني بس اروح اجيب سناكات جديده
يا بنات بس فصلت السماعات و لفيت بجسمي عساس اقوم من السرير
الا و القى كيان بالزاويه جالس يطالع فيني !!
اعوذ بالله من الشيطان الرجيم 😭😭
قلبي و قف يا ناس حرفيا و قف !!
احس بحراره بجسمي و دوخه
جلست يمكن 6 ثواني متشنجه < و الله لو الحاله هاذي مستمره ثانيه زياده لا يغمى علي من الصدمه
بعدين رميت البطانيه على جسمي و نزلت راسي و جلست اسمي
شوي الا اسمع ضحتها !!
و الف الاخشتها بالظلام تضحك
اختي !!!
يا ناس قسم بالله دخت زياده على دوختي و مسكتها هاوشتها ووش تسوين بدون حس و يالله مسكت نفسي لا امسح فيها الارض !! مع انه مو من عادتي امد يدي
اقوم اطردها
و نمت وانا ضايق صدري حتى الخلطه ما غسلتها ما لي خلق بشي
عاد توني صحيت من النوم
نزلت اخذ مويه
الا و القاها هي و اخوي بالمطبخ- هي بخامس ابتدائي و اخوي بثاني ابتدائي -
وانا جالسه اصب مويه
الا قالت لااخوي تعال ابغاك شوي
وهم يطلعون
انا مدري شجاني رحت وراهم كذا بدون تفكير رحت
الا و تدخله الحمام و تقول بقولك سر انا شفت رايو بدون ملابس وووووو << جالسه توصف له ادق التفاصيل 😭😭😭
اخخخخخ يا ربي
لا حول و لاقوه الا بالله
قسم بالله دخت و احس الارض تسحبني لها
شكل ضغطي انخفض بسم الله
رحت شغلت المكيف الي ما شغلناه من بدايه الشتاء من الحراره اللي بجسمي
احس عروقي نفسها تطبخ
صارلي ربع ساعه هنا قدام المكيف و اشرب ماء عسى اهدا بس ما فيه فايده
احس فيني غصههه بكيه مو قادره تطلع 😩
قسم بالله ماسكه نفسي عليها قهرتنيييي
شسوي فيها ؟!
يا ربي يا شين البزراااان
يا شين البزارين 😭😭
اخخخ بس
لا اله الا الله




صلوا على النبي