انتظار السنين :

أخواتي المهمومات أمثالي .........فرج الله همي وهمكن عاجلا غير آجل انه سميع مجيب رايت ان أقل أهل الأرض وفاء هم الرجال ..اذا فكروا بانفسهم ينسون العشرة والطيبة ويحللون كل شي وما عندهم معروف كل شي واجب على المرأة . أخو صديقتي تزوج قريبتها صغيرة وهو صغير عمرها 14 سنة وجابوا عيال بس ما عاش الا بنت لهم وبعدين صار له حادث بعدها ما خلفوا سنين وهو مركزه كبير وهي تموت عليه وخادمته وتقول للناس السبب مني مع انه واضح لو منها وهذا مركزه ما قعد عليها ومن حبها له خطبتله مره تقول جرب نفسك وما صار ..ويوم تقاعد وكبر وكبرت هي قربت من 50 ووقفت عنها الدورة راح تزوج بالسر بنت اصغر من بنته دفع عليها دم قلبه فلوس ..والله انها تبكي دم تقول كنت اقول له قبل خلنا نعالج خلنا نسوي تلقيح يجينا عيال يقول راضين بنصيبنا ..حتى انه عنده ضعف بالجنس والانجاب يسوي مع الجديدة أطفال أنابيب وسوى معاها ثمان مرات طوال 5 سنين ونجحت وحده وجاه بنت ويتفاخر ويقول بيجيني بعد . وأنا من يومين أنا والبيه اللي عندي متزاعلين تعرفون مشاكل زوجيه ..وتأخرت علي الدورة عشر أيام من زمان ما سوتها ..مع أني ماكنت متوقعة حمل بس قلت خليني اروح افحص اشوف السبب ..وقلتله ابي اروح المستوصف اشوف وهو منتفخ مني من أول وبزيادة اني قلت اني اجلت عزيمة أهله الاسبوع الجاي انقهر ..تدرون وش رد علي يوم قلت ودني .. قال ...امكن خلاص وقفت الدورة يعني ليش تروحين ( مع ان السبب منه وانا صابرة بس لان اصبحت بالاربعين وهو مثلي ) بعد كلامه نزلت الدورة على طول وهي متعسرة ..ايش رايكم ما اقول الا حسبي الله ونعم الوكيل )

أخواتي المهمومات أمثالي .........فرج الله همي وهمكن عاجلا غير آجل انه سميع مجيب رايت ان أقل أهل...