ياربي افرجها من عندك

السلام عليكم ابكتب لكم مشكله اخوي وانا جدااا حزينه علي وضعه وقلبي يتقطع عليه كل مااشوفه
اولا طلب منكم للدعاء له ب ان الله يشافيه ويرجع احسن مماكان
ويمتعه بشبابه وعمره وصحته
وثانيا لو احد يعرف يشخص حالته او مرت عليه حاله مشابهه او يعرف دكتور شاطر ومتعاون ماتبخل عليا
اخوي عمرة ٢٠ سنه بعد تخرجه من الثانوي التحق بدورة عسكريه اكثر من شهر بعدها بفترة قصيره اتغير جداا اتذكر الي اليوم اول يوم في مرضه في الليل اتضارب مع اولاد وراح اشتكي عليهم في مركز الشرطه وبعدها راح المستشفي ورجع البيت وفي الصباح فجاءه صار يهلوس ويتخيل ويتكلم كلام مو مرتب وغير طبيعي بعدها ولمده اسبوعين كان جدا عنيف وعدواني ويهلوس ويشك ويتخيل خيالات بصريه ب انه نزل مطر او انه يمتلك البيت اللي بجنبنا واشياء غريبه في البدايه شكينا ب انه اتعاطي شي وبعدين رحنا لدكتور وشرحنا له الوضع قال ممكن انه مريض ثنائي القطب بعدها لمده اسبوعين صار يقولنا انه يبغي ينتحر ووديناه مستشفي للامراض النفسيه كان المستشفي تجاري من الدرجه الاولي ومااستفدنا شي خرج من المستشفي وللاسف له الان اكثر من سنه ماعنده اي دافعيه للحياه مافي طموح ولايبغي يكمل دراسه وخسر الوظيفه اوقات يكون عدواني وعنيف مع اهلي واوقات هادي ومكتئب ولايخرج من البيت يحب يخرب ويكسرررررر كل شي يطيح في يده نتكلم معاه عن العلاج ينكر انه مريض ولا ياخد حبوب نومه جدا قليل واوقات يجلس يومين بدون نوم ويطلب منوم يحزززن تعبنا معاه جبنا له مشااايخ وسمع رقيه اكثر من مرة وجبنا واحد لشد الراس قالولنا ممكن عنده تنسيم الراس مانفع شي للاسف .....
والله يااخواتي انه الصحه و العافيه افضل شي في هذه الدنيا وكل مشاكل الدنيا تهون اذا احنا واحبابنا بصحه
والله حياتنا انقلبت وماصار في شي يفرح بعد اللي صار له

ادعووووووووله بالشفاء العاجل و بان الله يجعل هذه السنه خير عليه ويرجع افضل مما كان يارب ياكريم