اول شي سويته منعت عنهم الحلويات و العصيرات الصناعيه لاني لاحظت عليهم حركه زايده اذا اكلوها وكمان الشبس .... خليتها بايام محدده في الاسبوع وانواع انا اختارها لهم
ثاني شي حطيت لهم جداول عيشان اللي تصرفاته سيئه او ممتازه نحط عند اسمه اشاره
ثالث شي احاول اشغلهم عن بعض كل واحد في مكان بعيد عن الثاني او في شغله مختلفه
وكمان اخلي لهم وقت يلعبوا مع بعض باشرافي عيشان اذا صارت مشكله احاول انهم يتفاهموا ويتسامحوا
- وطبعا هذا شي يتعب كثير وياخذ مني جهد بس شفت نتايجه ممتازه والحمد لله
بالنسبه لبنتك طالما تستجيبين لها كل ماصرخت وبكت جيتي عندها راح تستمر على هذا الوضع
الحل انك تتخذين قرار حازم ماترجعين فيه ولا يحن قلبك او تضعفين
فهميها انه من اليوم خلاص لازم تنام لوحدها او مع اخوها للصباح ولا تسمحين لها تستعطفك بصراخها وبكاءها حطيها في الغرفه وروحي غرفتك وقفلي النور
واحتمال تجي لك اطلعي لها بهدوء واسأليها وش تبي منك اذا قالت نامي معي قولي احنا اتفقنا انكم تنامون لوحدكم ورجعيها الغرفه واطلبي منها تنام وروحي غرفتك وخلاص لا تستجيبين لها بعدين
راح تزعجكم يومين اربعه لكن بعدها بترضى بالواقع وتنام بغرفتها
بالنسبه للافلام او المسلسلات حقت الاطفال مافيها شي لكن انتبهي لا يضيع الوقت بالساعات وهم قدام الاجهزه مايتطور تفكيرهم ولا نطقهم ولا مهاراتهم