والحمدلله الكل يتكلم عن طريقة وضع المكياج لاني بالامانه احب الميك اب الطبيعي او ناتشورال ميك اب يعني اكون حاطه ميك اب بتناقس وابرز ملامح ويهي بدون خلط الكثير من الالوان او اختيار الوان الاساسات الفاتحه جداااا او الغامجه يعني اختار اللون المناسب لويهي والحمدلله انا ويهي مافي عيوب فالكريم الاساس ماحطه الا بالمانسبات فقط يعني ممكن مره بالشهر او مره كل شهرين
وميك اب الصباحي
احط كريم الحمايه عن الشمس ويكون مرطب بنفس الوقت
ثم
بيس من ميك اب فور ايفر الوردي (يعطي لمعه الفازلين مع لون خفيف جداااااااااااا) يعطي منظر حلو للويه
ثم
احدد حواجبي
ثم
اكحل عيوني بطريقه بسيطه جداااااااااا واضع الماسكرا
ثم
البلاشر
ثم القلوس او الحمره تكون ورديه فاتحه وطبيعيه
اميك اب المسائي تقريبا مثل الصباحي واللي يفرق اني اكثر الكحل نوعا ماااا استخدم الايلينر واكثر المسكرااااا واحط بلشر اكثر
طبعا امانتاً بنات انا وايد استخدمت انواع ميك اب
من الماركات مثل ديور جيرلاند شانيل جفنشي ..ألخ بس بكل ماركه شي يميزها يعني شانيل اخذ منها العطور والصبغ الاظافر والديور القلوس والسبري تثبيت الميك اب والانكوووووم القلوسااااات والجفنشي الحمر ..ألخ
يعني كل ماركه اخذ شي معين لاني اجرب منهم شغلات ماتعجبني ولا ترضي ذووقي عرفتوا علي
بس انا اليوم بقول لكم عن ماركه امانتاً عجبني كل شي فيها والصدمه تدرون وين؟ لمه شريت عطوني هديه والهديه كانت تححححححححححفه واول مره بحياتي استعمل التستر اللي ويا الهديه ويطلع اوكي
كل ما اشتري من الماركات الثانيه الفرنسيه امانتاً الحمره تكون غامجه ولا لونها غير مقبول والكونسيل يكون لون غااااااااااااااااااااامج جنهم بيصرفون منتجاتهم
امانتاً حسيت هالماركه انها مميزه وتهتم بالزبون وغير جذي الهديه كانت قيمه لدرجه رديت شريت لمه عجبني التستر
انا مابي اتكلم وايد بس حبيت اوضح لكم وبحط لكم بالصور وابي رايكم بالمنتجات
وهالماركه راح اعتمدها الاولى والمفضله عندي من جووووووده ومن اهتمام والوان..ألخ
الماركه اهيا MAKE UP FOREVER
والله اني اعجز اني اعبر عن هالماركه اللي سحرتني
غير جذي مادري حسيت براحه نفسيه لمه رحت لهم اولا انا وايد افتر واسأل بالماركات واحس اللي يشتغلون بيمشون بظاعتهم وبس وبالهم مو طويل وياي خصوصا انا اسأل وايد:42:
بس بميك اب فور ايفير للأمانه بقمة الاحترام والذوق وبالهم وسسسسسسسسيع وينصحون
نبدي بالشغلات اللي شريتها بصور من الانترنت ومن ثم اروح اصور لكم منتجاتي واعرضها لكم من عيوني@@
اول شي البيس وهذا يكون مرطب ومعاه لمعه الفازلين تحطينه قبل الاساس ويعطي منظر جميل للويه
وتقدرين تستخدمينه بروحه اذا بشرتج مافيها عيوب
وانا اللي عندي الوردي
طبعا الالوان الازرق حق اللي بشرتها شديده البياض والبهتان والاخضر اللي تعاني من الاحمرار وهكذا واللي بشرتها مثلي بيضه ومافيها عيوب تستخدم الابيض او الوردي وانا افضل الوردي
هالمنتج بشتري قريبا
اهوا حق البشره اللي تكون فيه مناطق معينه دهنيه مثل الخشم والذقن والجبهه تحطينه قبل الكريم الاساس يحاول على تقليل كميه الدهون
اللي تبي كريم اساس اوكي ويكون منظره طبيعي وجميل ومخملي
لازم يكون عندها هالمنتجات وانا بأذن الرحمن قريبا جدا بشتري الكريم الاساس والبودره البيضه والبيس عندي الوردي
اول شي الكريم الاساس يصلح للبشره المخلوطه مثلي ومميز جداااااا وافضل نوع لانه جديد
والبودره بعد ماتحطين الكريك الاساس تحطينه على البشره تثبت الكريم الاساس اولا وثانيا تعطي البشره شكل مخملي وجمييييييل طبعا الكلام مو من عندي لاني اساس جربته عندهم وكنت باخذه بس ترددت ليش؟ ماحط كريم اساس بالايام العاديه فقط بالمناسبات وقلت اذا يت مناسبه بشتريه بدون تردد
الكريم الاساس والبودره
تحفه البودره عجبتني مافيها قلتر يعني اضاءه خفيييييفه جدا وشكل مخملي
الكونسيلر بصراحه طبيعي شكله واهم شي تختارون اللون المناسب
هالمنتج ابداع تحطينه قطره فوق الجفن يثبت الشدو ويمنع الخطوط اللي تصير بالشدو ويصير منظر الشدو موحلو هالقطره تحطين على الجفن تثب لون الشدو
التاتو جميل جدااااا وثااااابت يصلح بهالجو الحار مايسيح ولاشي ضد الماي
اهما 4 الوان وانا خذيت رقم 3
حبيباتي يتبع
هذي الماسكرا سمعت عنها كثيييييييييير وهناك البائعه نصحتني فيها بقوه قلت لها توني شاريه ماسكرا قالت لي الهديه بيكون وياها تستر هالماسكرا وانا متاكده بتاخذينها طبعا انا اشتغلت فيني:eek:
بصراحه ابداااااع وانا استخدم ماسكرا ريميل الحمرا
بصراحه هذي كثافه وطول وتفرق الرموش
طبعا اول ماتخلص مسكرتي ريميل اشتري هذي بدون تردد وبعتمدها
الحمر خذيت منهم لون وردي باربي وايد حلو وهادي والوانهم تشووووووووق
بلاشر عجييييييييب انا ماكنت باخذ بس قالت لي باقيلج مبلغ بسيط عشان تاخذين الهديه قلت لها شنو ارخص شي لووووووووووول قالت لي اخذي بلشر ماخذيتي وفعلا كنت ابي الوردي ولمه ورتني فيه درجتين الفاتح والغامج وقالت لي الفاتح وايد فاتح وطبيعي والغامج ممكن تتحكمين بالدرجه ممكن يكون بسيط وقوي قلت لها بجربه وكان شكله كيووووووووووووووت وخذيته وماسألت عن سعره
اللون اللي مأشره عليه
طبعا الجلوس اللي كان تستر اللون البرتقالي ولونه طبيعي الصبح بس يكون برووووووووحه لاتشوفونه شااااااب بس هادي لونه وطبيعي
اهوا ثاني واحد على اليسار
اللي بالنننص
لمه رحت اخذه ولا حاطين صورة الميك اب بالصوره واللون صاير عجيب وشاب وكيوووووت قالت لي اخذي التحديد حددي شفايفج ورسمي من داخل بلون القلم وبعدين القلوس
وهذا القلم ترا لونه مو الوردي يصير لون بين البرتقالي والوردي لون طبيعي جدا
ثالث واحد من اليسار
طبعا شنو خلاني اشتري القلوس اول شي اهوا يعالج التشقق بالشفايف وغير جذي يعطي فوليوم وامتلاء للشفايف ولمعه عجيييييييبه انا حطيت من التستر قبل ماجرب ورحت ماكدونالدز بالسياره طلبات السياره ولا الفلبينيه تقول لي قلوسج وايد حلو شسمه؟ سألتني انا تشققت قلت لها من ميك اب فور ايفر وثاني يوم شريته ويا التحديد ههههههههههه
انا عاجبني بس قلت يمكن يتهيألي
وبروحه عجيب بالصبح والتحديد احلى يكون اغمج وحق المساء والسهره
وترا سعره اغلى من البلشر والحمره(الروج) يمكني سعره ب8 دنانير او شي
وهذي كانت مشترواتي من ميك اب فور ايفر بصور الموقع نطروني بحملها من تصويري الخاص حصري لككككم
وامانه اذا عجبكم الموضوع ادعولي بالصحه والعافيه ويخليلي امي وابوي
نطروني انزل لكم الصووووووور