يالله ليه تخرجوا عن صلب الموضوع وتبحثوا في الجنسية وتدخلوا في النية
وهي ما ذكرت الجنسية بالحرف قالت بس خليجية..
الله يصلحكم بنات ردوا عالمعطيات اللي عندكم وخلاص
المطبخ مطبخها والمفروض تستأذن
المهم الموقف ما يستاهل اختي عادي
الاغراض تاخذهم باذن والاكل ما يهم
وانت قولي لزوجك لو اروح اخذ من مطبخها واقول حق زوجي عادي!

ترا كله كم صحن على كم قدر ماهي نهايه العالم , خلوكم حبيبات مع الناس شوي 🍽
ما تدرين يمكن هالقدر اللي طبخت فيه يكون سبب مغفره لذنوبك ❤️

أنا رأيي اكسبيها ..وأحسني النوايا معها وتجاهلي تصرفاتها وجربي يوم استأذني منها تاخذين شي من بيتها ..علميها الاستئذان بطريقة غير مباشرة ..
التعامل باللين خير لك ولها ولراحتك النفسية .

بلا كلام فاضي ايش بيت ابوها ؟
بيت ابوها اللي فيه امها
اما البيت اللي انتي فيه فبيت زوجة ابوها
وله صاحبه وسيده تستأذنها اذا تبي شي
انتي ما غلطتي والبيت بيتك ومالها حق تخش مطبخك بدون اذن
مطبخ امها حلالها لوتشيله بكبره
لكن ما تاخذ عود كبريت من مطبخك
و عندها ابوها تقول له جيب كذا وكذا
و اللي سويتيه مو غلط
وعيدي و كرري على ابوها لازم تستأذن اذا بتاخذ شي من بيتي
لان انا ماخش بيتها واخذ بدون اذن
و تفرق لو طلبته منك يالاب هذي الساعه حلالها لانك انت و انا واحد
لكن ما تتجاوزنا و تروح بنفسها بدون اذن

حبيبتي شوفي الأكل عادي بس علمي ابوها علشان يحسب حسابها مايقول انك انتي مخلصه المقاضي هذي نقطه أساسية خلاص
الاواني لا ما يحق لها تأخذ الا تستأذن وإذا ما رجعتها عادي قولي لزوجك بروح اجيب وذكري الشي اللي أخذته من السوق لأن افلانه أخذته واحراج اكلمها الا ترجعه هي بنفسها وبكذي تكوني عندك اشاء جديده افضل من القديمه وكذا كلما أخذت شي كلميه تجيبين جديد كذا هو بيرجع يكلم بنته بنفسه وانتي تطلعين منها خليك ذكيه


أم هند اتوقع انك ملخبطه هي قال بنت زوجها اماراتيه وزوجها سعودي
أما صاحبت الموضوع قطريه وزوجها اماراتي ركزي زين😊