ياربي ليش يصير معي كذا مغبوووونه ادخلووو

كيف حالكم جميعا يارب الجميع بصحه وعافيه يااغلي خوات في الله

احب اجي هنا افضفض لكم وارتاح كثير لبعض الردود

اخواتي .. انا مغبونه والله يكفيكم شر الغبنه
يوم الاربعاء طلعت مع اهل زوجي لاستراحه بنات من دخلت واحسهم متغيرين علي قمت طنشت ورحت اسبح اطفالي
اخته الكبيره اكبر من زوجي هي يشهد الله اني اعزها واحترمها لدرجه انه احيانا افضفض لها عن زوجي او اهلي بس بحدود طبعا

من يوم الربوع واحسها متغيره علي بالمره

يعني مثلا هي من النوع اللي اذا جلست تاكل المجلس كله بالسوالف والتعليقات غير خواتها
تتكلم فس سالفه اجي انا اكلمها تهمشني والله لدرجه اني اجلس اناديها مره وثنتين علي بال ماتسمع وترد
ولو كلفت عمرها وردت احسها تسلك لي كلمه وتسكت.


كنا نتقهوي وانا جايبه قهوتي معاي وابي اذوقهم منها وكذا مرتين اسالها اصب لك تذوقين قهوتيترد بدون خاطر مااشرب قهوه.

طيب ليش هالنفسيه ماسرع ماتغيرتي
مرات لما نجتمع في بيت اهل زوجي تصير كويسه معي ومرات لاطلعنا خصوصا تتغير ابي افهم ليه كذا؟؟؟؟

وموقف ثاني سلفتي تصير بنت عمها وكانت تبيع ايس كريم سوت لبنتي ومامدها تمشي الا يطيح باالارض
جيت انا قلت حطي لها مجانا قامت ردت اخته الكبيره اذا حطت وش استفادت؟؟
جيت انا قلت جبر خاطر قالت جبر خاطر علي خساير ومشت وخلتني
بنات انا ينعقد لساني مدري وش ارد وش اقول بس ليش كذا

وكمان حامل ولاعلمتني واتفاجا بسلفتي الثالثه كمان تصير بنت خالها تحكي عن الحمل انا اتفاءجات بجد قلت ليه ماقالت لي مع العلم اني خبرتاها بحملي هذا اول وحده

سالت سلفتي مشاء الله متي دريتي فلانه حامل قالت كنت نايمه عندهم واتصلت في امها وعلمتها ودريت

وربي كنت بروح اتكلم معها واشره عليه بس ماصارت فرصه وقلت احسن الله اكبر ماهي اكبر همي
مع العلم انها لسه بالشهر الاول

حتي اسلوبها مو تمام مع بناتي عيالها اشقياء ويضربون ولاتعترف بذا الشي بس تحط العله من بناتي

اوف وربي زهقت واحس اني بديت اكرههها

مدري شلون اتصرف مع هالاشكال وربي اني طيبيه معهم ولا عندي كيد النساء بس الحظ ااخ بس


واللي يقهرني اكثر معاملتها لسلفاتي الثانيات غير بنت عمها وبنت خالتها
حتي بنت خالتها لما ترمي كلمه قويه وربي مايردون وياخذوها بحسن نيه ويضحكون
وربي لو انا اقول كذا حقدو علي
مدري ليه وربي التفكير هلكني بهالموضوع

والله اني سويت كل شي يخلي الحموله يحبون مرت ولدهم تقربت لهم اهديتهم بس لاحياة لما تنادي
ساعات اقول المعزه من معزة الاخ
يمكن لان اخوهم زوجي بعد عنهم حيييييييييييل غير اخوانه الباقين بس وش ذنبي انا وذنب عيالي زوجي من تزوجته وهو كذا مع اهله بعيد مره لايسولف ولا يجلس معهم الا السلام ويمشي


اخر موقف وانتو احكمو ان الناس صارت اوقح من مانتخيل
سلفتي الثانيه اللي بعدي علي طول كنا نتعشي وجاء ولدها الصغير عندي قمت انا اكله وكل شوي جاي قمت ناظرت امه وقلت ولدك معجب فيني
تخيلو اش ردت
قالت لا هو كذا ع الجميع
بالله هذي اخذها بحسن نيه ااااخ بس ليتني سكت وليتني ماتلقفت واكلته في قريح اهم شي عيالي

الزبده اني تعبت منهم وابي طريقه اتعامل معهم فيها لان اعصابي انحرقت وصرت اشيل هم الروحه لهم

حتي مشاكل الاطفال يتدخلون فيها ويجلسون يصارخون علي عيالي وهم اطفال مايفهمون مدري ليه يكرهوني ويكرهون عيالي
انا ماسويت لهم شي يستاهل هالمعامله لاتحسبون اني ابيهم يحبوني لا وربي ابيهم بس يحترموني لااكثر

شاريكم احكي لاخته عن سبب تغيرها علي ولا بيكبر راسها وبزيد الطين بله ولا اطنشها اذا شفتها الاسبوع الجاي

ابي ردودكم تكففون طلبتكم لاتخلوني