ياربي والحل مع سلفتي شكلها ماراح تسيبني في حالي

اول شي انا وزوجي لمن سمعنا من عيالي بيشتكو منها بطلنا نرسلهم نهاااااائي وتاني شي هي اللي بدت بالمشاكل وصرت حتا انا اعامل عيالها بنفس طريقتها وصارت هي تشتكي من معاملتي طيب انا اتعلمته منها ولمن تطمنت عيالي مابيطلعولها هي تنزل بناتها المهم من دا كله ... سمعتها من الطاقه بالصدفه تتكلم وبصراحه قعدت اتسمع قلت اكيد بتحش عني وفعلا طلع كلامها كله عني بتحرض زوجها علي تقوله انت لازم تشتكيها لاخوك خلي يضربها وتقوله هو دحين خايف علا شعورها عشنها حامل بس لازم ماتسكت وتقعد معاه جلسه تفهمه على كل شي وهو مايدري اش بتسوي من وراه قلها زوجها ايش سوت قالت اني طردت بناتها لمن خرج زوجي ونفس الوقت انا كنت قايله لزوجي اني خرجت بنت اخوه ومهي راضيه تتحرك امها حرضتها واقولها روحي اطلعي فوق تقولي لا ماابغا اطلع ماما قالتلي لو تقولك اطلعي لاتطلعي وانا اعطتيتها حلاوه و خرجتها بالقوه مهي راضيه تتحرك يعني هي حرضت بناتها ينزلو ويطفشوني وراحت تشتكي من ردة فعلي ضربني وبكى سبقني واشتكى ......وانا علاطول اتصلت علازوجي وقلتله انها بتحرض اخوك علي سمعتها من الطاقه قلي ماعليكي منها وانا الحمدلله اي شي اقوله لزوجي تخيلو تقول لزوجها هو يوديها مطاعم اسواق بحر ملاهي يالطيف منها وهي دايم كانت تسالني من فين تشتري الملابس اقولها عن اخص الاسواق ولا اجيب لها طاري التمشيات كيف لو قهرتها بالعنيه وقلتلها انه زوجي بيوديني ويمشيني واخر ماسمعته زوجها قلها انا مااراح افتح الموضوع لاخويه ولا اشتكيها قالتله دحين لي ساعه وانا اكلمك وجمعت كلام وتقولي في النهايه مااشتكيها مره انقهرت سوت جلسه ومافاد مع زوجها هي بتخططلي وتحاول تسببلي مشاكل ولو انها انسانه تخاف الله كان لمت بناتها وكفت شر نفسها .. الفرق بيني وبينها بس ازواجنا لحال الحمدلله .. لكن عمايلها وحسدها مثل حركات الطباين يالطيف ..بنااااات اخواتي ابغا حل اسويه تنقهر مني وتفر هي وبناتها عني ويبعدو كيف .. زوجي قلي لمن ينزلو بناتها عندك اكسبيهم في صفك وحببيهم فيك كده تقهريها وقال احنا مانرسل عيالنا عندهم لكن هي ماراح تسيبني في حالي اتاكدت من كلامها لانه انا اول مااشتكو عيالي منها علاطول سحبتهم منعتهم من الطلوع ولاكلمتها ولا حكلمها اما هي مهي راضيه تسيبني وتحرض زوجها وتعلم بناتها ينزلو عندي .. وتخيلو هي ماتشوف مني الا الظاهر انه زوجي مدلعني ويشتريلي والله ماتدري عن الخفايا ولو تعرف اني مقهوره اكتر منها لاكان فرحت واتشمتت فيني وسابتني في حالي وحزنت.. وبالعكس انا اللي اشوفها مبسوطه ومتفاهمه مع زوجها واني مااحسدها ..ودايم ادعي في صلاتي ربي ينصرني عليها ولمن سمعتها بتحرض زوجها علي مرره فرحت وانطفى النار اللي في قلبي لانه اخر مره اضاربت انا وزوجي بسببها هي وبناتها وصارت مشكله كبيره بس محد سمعنا الحمدلله وهي كل اللي قاهرها المظاهر انه بيخرجني ويمشيني ويشتريلي وكان في قلبي قهررررر لكن بعد كلامها الحمدلله راح قهري .... وابغى من كل وحده تعطيني حل يقهرها ويبعدها عني لاتجي وحده تقولي سكي بابك لاتفتحيلهم لانه زوجي مايبغا كده سواء من وراه او قدامه لانه يشتكوني لزوجي ويسببولي مشاكل انا حاليا لمن ينزلو مطنشتهم لانهم مشحونين مني ويبغو اشاره وحده مني ويخربو بيتي .وانا فكرت اني اصلح علاقتي مع بناتها واطنش امهم وقلت ممكن بهدي الطريقه تمنعهم يجو عندي .. واللي تقولي غلط اني اتسمعت عليهم من الطاقه دي الحمدلله مو عادتي بس وربي لاشعوريا حطيت ادوني في الطاقه وسكيت كل الاجهزه عشن اسمعها مزبوط وعرفت اش ناويتلي ولااني اقعد مغفله وحتا انا ابغا اخطط كيف اتعامل معاهم وربي كثيرر ارتحت لمن سمعتها ريحت قلبي ووصلت انا لهدفي انها كارهتني عشن تبعد عني ردو علي لو دعوه والله يسعدكم ويحفظكم من اشرار خلقه اجمعين