ياربي وربي تعبت أنا مو مثل باقي الحريم المتزوجات !!!!!!!

مساء الخير للجميع
حابه افضفض لكم وهذي اكثر من مره اكتب حالتي
بس بجد تعبت تعبت اجلس مرات وأبكي بكى من قلب على حالي
أنا صار لي متزوجه سنه و8 شهور وما تتم العلاقة مع زوجي بشكل كامل وطبيعي تعبت نفسيا رغم أني سليمه و زوجي سليم من ناحيه العلاقه حتى تتم لدرجه الحريم يبغون تضييق أنا أبغى شي يوسع !!!!!!!
خلاص كرهت نفسي وكرهت العلاقة هذي وما صار عندي رغبه من جد اكتئبت من هالشي أنا عندي تكيس بسيط وهرمون الحليب وجالسه أخذ علاجاتها وتقولي الدكتوره تعالي الشهر الجاي اعطيك منتشطات وانا بيني وبين نفسي اقول ايش لها داعي المنشطات وانا حالي كذا غير عن المتزوجات
يمكن ما تصدقون انه عندي الى الان قمصان للنوم جديده بورقتها من ايام جهازي ما لبستها ما انبسطت فيها ولا حسيت باللي يحسون فيه العرايس في شهر العسل رغم ان زوجي مره انسان طيب وخلوق ما قد حسسني بشي بس مرات من التعب النفسي اقول خلاص كل واحد يروح في حال سبيله مرات افكر وأقول الى متى حايتحمل زوجي هالوضع الرجال أكيد عارفين غير من ناحيه هالشي مو قادره اعطيه
اللي يبغى بس مو بيدي أنا اجهل السبب غير سلفتي تزوجت معايه في نفس اليوم وصار عندها ولد ما شاء الله والله ما احسدها الله يهنيها بس نفسي ينحل الموضوع واحمل
قريبا حاروح عند شبخ ان شاء الله من بعد الله احصل فايده وتحسن
ادعولي بتفريج همي والله يرزقني وإياكم الذريه الصالحه
واعذروني ع الاطاله