ياربي وش بلاني البسها ذهب >>وااااااااااء

السلام عليكم ورحمة الله وبركاته
..
بناات تكفووون بنتي شريت لها طقم حلق ولبستها هو .. بس الله يصلحها دايم تشده من اذنها .. ويطيح ويضيع وعلى هالحال من عمرها ست شهور >> هذا خامس طقم حلق اشريه ويضيع بسبب حركتها ذي .. وقبل امس قهرتني مع غلاء الذهب اللي شايفينه هذه الأيام شريت لها طقم على شكل نجوم حوافه حاده نوعا ما وداخله على جوا .. ولبستها وجلست تصيح وخفت تشده من اذنها قمت ركبت لها من ورا قطعه من اكسسواري ضيقه قلت عشان ماينسحب من اذنها وبغت تطلع عيونها من راسها من الصياح >> وفي الليل اكتشفت اني مع الضغط دخلت اطراف الحلق في شحمة اذنها وكل يوم يدخل اكثر ماتخلينا نقرب منها او نحاول نشيله حتى وهي نايمه وبدأت اذنها تورم وتحممممممر ويطلع منها اشياء غريبه :( وابوها قلت بنوديها المستشفى يقصونه والا يتصرفون فيه >> جلس يضحك يقول مهب مستاهله مسستشفى عشان يفكون حلق من اذنها انا افكه لها >> هو دفش اذا جاء يلعب معها يلاعبها وكأنها رجال او اربعين سنه مهب بنت وعمرها سنتين :angry2: واخاف يعورها اذا طلعه من اذنها .. ياقلبي عليها وربي راحمتها وضميري يأنبني ماكان تسوى عليها لو شريت لها كل يوم طقم وتضيعه فداها اهم شي ماتتألم والسبب مني :(
..
وش اسوي وش تنصحوني فيه الين اطلعه من اذنها الحين حطيت فازلين قلت يمكن يزحلقه شوي شوي الين يطيح ..
..
اللي ماعندها حل تدعي لها :(