ياربي وش هالعالم اللي بس يدورون عيوب

بنات انا مره متضايقه من هالناس اللي مدري وش يبغون

يحاسبوني ويعايروني بشي مالي دخل فيه

عايلتنا تفشل بكل معنى الكلمه اللي محاكم وقضايا واللي مخدرات واللي عقوق والام تسب اولادها عند الناس والاخت تسب اخوانها واولادهم حيلهم بينهم

مشهورين عايلتنا بهالشي

كنت احاول ابعد عن بنات جماعتنا في الكليه والمدرسه مااصادقهم لانهم يعرفون تاريخنا المجيد

فقلت علشان مايصير بيننا مشاكل ابعد عنهم

لكن هم مصممين ينشرون هالخبر عند زميلاتي

وحده من جماعتنا لما كنت ادرس قالت لوحده من صديقاتي عن عايلتنا وجات صديقتي تقول شفتي فلانه (وحده تعرفها ) قلت ايوه وتقول لي قصه صارت بعايلتنا ترى صار لهم كذا وكذا

تيغى تهزئني بطريقه غير مباشره مع انها صديقتي مره ومابيننا اي سوء تفاهم

قبل فتره بالمعهد قابلت وحده مدرسه طلعت تعرف عايلتنا الله لايوفقها يابنات نظراتها لي حقد وربي مااعرفها اول مره اقابلها

كل مااجلست بمكان هي موجوده تعطيني كلمه عن عايلتنا بس على انها ماتكلمني كأنها تكلم صديقاتها مادريتي يافلانه يقولون صار وصار

لو بيننا مشاكل وش كان سوت هذي اول مره بحياتي اقابلها وهذي حركاتها

اكثر من موقف صار لي واكثر من مره وربي مررره انقهر ماسويت لهم شي

حسبي الله ونعم الوكيل الله يباعد بيني وبين عايلتنا وجماعتنا كما باعد بين المشرق والمغرب اكرههم

كل مااروح مكان انبسط فيه تجيني كلمه صاروخ ارض جو

ماابغى اقابلهم ماابغى اعرفهم

متضايقه وودي اطلع اللي بصدري مافي الا انتم استحملوني