ياربي وين راحت الرحمه في قلوب البشر؟؟؟؟؟؟؟؟

:44:
وش اقول بس ومن وين أبتدي..:(

هذي يابنات وحده نعرفها متزوجه وماتجيب ألا بنات لها سبع بنات المهم ويتزوج عليها زوجها وتجيب الثانيه له ثلاث عيال..وتنجن الأولى ألا تجيب ولد...وتحمل وتجيب بنت وبالمستشفى يوم درت انها بنت وتدق على زوجها وتقوله انا جبت ولد ويجي الزوج طاير من الفرحه قاله الدكتور زوجتك جابت بنت مو ولد قالت هي لا انا جبت ولد وعصبت وعصب الزوج قال طلعو ولدي وقامو يصارخون بالمستشفى وهي تقول اكيد بدلووه ببنت ومع اصرار الزوج بالتحليل الحامض ومع حضور الشرطه طلعت البنت بنته...وتهاوش هو وزوجته وطلقها بعدين رجعها..وهي الى الأن مصره انها مو بنتها قالت مااربيها ولا لي دخل فيها مو بنتي!!!!...قالها زوجها غصب عليك تربينها هذي بنتك وهي رافضه...المهم بعد ماجوها حريم واسطات وحاله وقالولها حرام عليك هذي بنتك...قالت اذا ربيتها راح اخليها شغاله لبناتي.....وآآآآآآآآآآآآآآآآآآآآآآآآآآآآه فعلاً تممت رايها الحين البنت عمرها 12 سنه زي الشغاله عندهم تخدمهم...لما كانت صغيره عمرها سنتين تخيلو طلعت هالأم القاسيه مع بناتها المدلالات وسكرو البااب على هالمسكينه وخلوها بالبيت لحالها يوم جاء ابوها وفتح الباب لقاها منسدحه عند الباب وباكيه باكيه لين نامت والدموع على خدها وشالها ابوها وهو معصب:mad: ويوم جت هالأم قالها ليش طالعه وتاركتها وليش حفاظتها كذا<<<كانت متفتته الحفاظه من طوول ماهي مطووله عليها..قالت هالأم لي اسبوع ماغسلتها ولاني مغسلتها...قام الأب وضرب هالأم ضرب بالعقال وطلقها بعدين رجعها عشان البنات كانوا يصيحون يبونها..
آآآآآآآآآآه ياقلبي هالبنيه هالمسيكينه عمرها الحين 12 سنه نحيفه سمراء الحزن والقهر بعيونها:(
تشتغل لهم زي السرلانكيه<<لاوالله السرلانكيه ارحم حال تاخذ فلوس على شغلها..
تعطيها الكلوركس وتقول يالله نظفي الجدران وتكنس وتغسل وتخم غرف بناتها وهذوليك بنات دلع وكأنهن اميرات..ومره عصبت هالأم على هالبنيه وتقوم تشغل الزند<<تعرفونه ذاك اللي يطلع شعله من النار...شغلته وقربته من عينها وحرقت عينها وكالعاده يجي الأبو ويضربها ضرب والمصيبه ان هالبنت تدافع عن امها بشكل خيالي اذا جو حريم يهاوشون امها:(
ومره خواتها ارسلوها للبقاله بالليل تجيب لهم اغراض منها((طبعن هي تصير اصغرهم لأن امها ماحملت بعدها احد)) وقفلو الباب عليها وخلوها بالشارع يوم جت من البقاله وتطق الباب وتطق وهي تصيح وترتجف لأنها كانت تسمع صوت تفحيط وشباب وتطق اخذت لين الساعه 12 بالليل ومن رحمة ربي يجي ولد جيرانهم توه جاي من الأستراحه وقالت له السالفه وينط ويفح الباب قالها أذا قام ابوتس من النوم قولي له اللي سونه خواتس..
ويوم دخلت وتمسكها امها قالت من اللي فتح لتس وقالت لها قالت وش قالتس بعد وعلمت امها وش قالها ولد جيرانهم وترووح من بكره لهم وتهزء جارتها وتقول فكينا من شر ولدتس:mad:<<<على شينه قويه عينه..
طبعن هذا على غير الأعياد اللي تجي وترووح محد يشري لها شي ألا ابوها الله يخليه لها وتعرفون ذوق بعض الأباء مهوب زين بس والله تفرح به وتستانس وخواتها يدخلون بغرفهم ويسكرون الباب دونها ويخلونها قاعده لحالها هذا بوقت فضاوتها لأن يومها كله تشتغل:09:
ومواقف هالبنت ماتخلص..:(
وامها لها الحين سنوات كثيره كل ماتحمل وتكتشف انها بنت تسقط لدرجة مره سقطت بنت في الشهر الثامن وقالت لزوجها ان فيها تشوهات!!!
والحين صارت كل ماحملت يطيح من حاله وربي اللي يطيحه وكل اللي يطيحوون عيال!!!

ياربي وين الرحمه بقلوب البشر ام تسوي كذا ببنتها حتى الحيوانات ماتسويها كل هذا عشان الغيره ليش زوجتك تجيب ولد وانا لا؟؟!!!
حسبي الله ونعم الوكيل على القلوب اللي مافيها رحمه