السالفه ومافيها ابيكم ترشحون لي وحده من ثنتين
شغاله فلبينيه أو سيرلانكيه
ولحد يقول لي اندونيسيه تكفووون....ترى عندي حساسيه منهم :(
بشرح لكم السالفه وبحطكم في الصوره وكل وحده تقترح علي وتشور علي
طبعا الشغاله بتكون حق بيت اهلي والظروف حقهم صعبه شوي بس الحمدلله على كل حال
اول شي الوالده الله يطول بعمرها تعبانه الله يشافيها قولوا آآمين...ويبيلها من يلازمها طول الوقت حتى بالأكل
والله يعزكم حتى بالحمام...والحاله صعبه عندي اخوان 2 صغار وشغلتهم شغله غير انهم حركيين...وعارفين الام هي اساس البيت ولا هالاساس اهتز ولو شوي...راح التوازن وتلخبطت الظروف والاوضاع... :icon33:
والله الحاله صعبه والمسؤوليه كبيره وتخيلوا البيت مافيه شغاله؟؟؟؟ صحيح احنا مابنقصر انا وخواتي المتزوجات بس بالاخير فيه عندنا بيوت ومسؤلياات وعيال؟؟ تدرون بين نارين عايشين مانبي نقصر بحقها
ومانبي نقصر بحقوق بيوتنا ؟؟
يعني البيت يبليله من يطبخ وينظف ويرتب ويهتم بالعيال وهذا كله كوم
ورعاية الوالده والاهتمام فيها ذي مسؤليه ثانيه يبيلها من يتفرغ لها؟؟
الوالد ماشاالله عليه الله يحفظه لنا على كذا وحاط الوالده بعيونه ولا لو واحد غيره من زمان تزوج عليها
بس الحمدلله مو مقصر وطول الوقت جنبها ومتحمل مرضها
بس معاند ومعيي ورافض فكرة الشغاله....وبطلاع الروح وبعد عدة مناورات وجلسات اقناع
اخيرا اقتنع....ان نجيب الشغاله...وان شالله لاجات ماراح تلمس الوالده ولاتسوي لها شي لان
احنا موجودين ومافيه يد بترعاها غيرنا بس نبيها تعين بشغل البيت من تنظيف وطباخ وغيره..
وشرط الوالد الوحيد انه مايبي يشوف الشغاله بالبيت من يصحى الين الضحى خبركم المتقاعدين
يحبون جلسة الصبح والفطور والاخبار والجرايد
فطلعنا بحل اني احطها عندي من تصحى الين الضحى ...وبعدها تروح بيت اهلي الين وقت النوم
وساعدتنا ظروف اني عايشه جنب بيت اهلي ان هالاقتراح يكون سهل ويتنفذ بدون صعوبه
من جد يابنات راسي انفجر من التفكير ابي كل شي يكون مضبوط وماابي اسوي شي ويفشل
فأيش ترشحون جنسية شغاله تتحمل مثل هالظروف اللي شرحتها؟؟وماتتذمر وتكون متعاونه؟؟
وحنونه ؟وفاهمه ومو عنيده؟؟
وبعد وش ترشحون افضل جنسية سواق يعتمد عليه ؟؟وكم العمر؟؟وهل ببتلش لاجبته نفس جنسية الشغاله؟
صحيح احنا مابنحطهم مع بعض....بس لابد وبيشوفون بعض ولو بمشوار او طلعه ونكون ماخذينها؟؟
ادري بتقولون متفرغه تفكر بأدق التفاصيل....بس ابي كل الشغل يكون مضبوط
والله الحال صعبه ومحتاجه شوركم ماعندي غيركم اشكي له لاتخلوني بروحي :icon33:
وكل اللي ترد لها دعاء بظهر الغيب........وصدقوني على كثر ماقلبي محروق والله العالم باللي فيه على كثر ما
بدعي لكل اللي بتساعدني بقلب صادق
فليبينية أو سريلانكية .. أهم شي السخرة من الله ..
إدعي إن ربك يرزقكم وحدة فيها خير ويعطيكم خيرها ويكفيكم شرها .. آمين