يارب أشوف حقي قدام عيني عاجلاً غير أجل

يارب تورني في أهل زوجي وأخواته بالذات عجائب قدرتك عايشين حياتهم بالطول والعرض وجماعات واستراحات وعزائم وأنا بس يبوني خدامة لأمهم طلعوني من شقتي الواسعة الى ملحق صالة وحمام وغرفتين نوم ضيق يجيب الاكتئاب بس علشان أقوم في امهم صح رفض بس في حرقة على نفسي من دخلت هالملحق وحياتي جحيم جاني قولون وسكر وغدة درقية بسبب التفكير والحزن مااقول الا الشرهة على زوجي ضعيف الشخصية اللي مايقدر يقول لا ادري لامه حق يقوم فيها بس مو على حساب راحتي انا وعيالي حنا عايلة وسط ذبحنا الضيق أصلا وحنا بعيد ماكان يقوم فيها الا حنا بس طمعوا ان نكون معها علشان ترتاح نفسيتهم من ناحية ذنب امهم كل يوم يتصلن متى تسكن عندها الين سكنا الله يفرجها وياخذ حقي منهم الي حتى سلام مايسلمن اذا شافني وإذا جلست قامن للغرفة الثانية بس لي سنتين خلاص قطعت العلاقة تماما بس أمهن اقهويها من فترة لثانية بالشهر مرة بس هي أشغلتني دايم تدخل عندي وانا لبسي عاري قصير او بدون كوم ماتعرف الخصوصية للمرأة في بيتها وبعد تقهرني أمها بلقافتها تبي تعرف كل شيء عنا لدرجة تفتح باب الشارع تشوف سيارة ولدها فيها ولا طالعين احس مررره تهتم لامري تبي تعرف كل شيء وولدها ساعدها اي سؤال تسأله عني مايعرف يصرف يجاوب وبضمير كل شيء يقوله والمشكلة الأكبر امه معروفة بعينها الحارة الله يفرجها تكفون ادعولي الأمراض حصرتني من التفكير والهم ماعاد اعرف طعم السعادة