له يرزقك يا اختي عاجلا غير اجلالا والله حالنا من حالك ...انا كل ما اطلع مكان يسالوني كم ولد عندك اقولهم لسه الله ما راد يقولو شكلك عروس جديدة اقولهم لا والله لي سنه متزوجة ..وما يعدي يوم الا وانا ابكي ودمعتي ع خدي ونفسي بولد او بنت اضمها لصدري ...بس امسك نفسي قدام زوجي لانه الي يصير مو بيده هذا شي من ربنا ...خايفة انه ما يكون عندي صبر مع زوجي وانا قلبي متمسك فيه

حاسه فيك ومجربه شعورك وجلست سبع سنوات في بيت كبير مافيه الا انا وزوجي بس الحمد الله على كل حال غير السنوات الي قبل والي بعد بالحسبه خمس طعشر سنه لاكن لايأس من رحمة الله الله يرزقنا ونملى البيت عيال عليك بالدعاء دائما ادخلي قوقل واحفظي ادعيه في المحفوظات في جوالك وكل وقت فراغ اخر الليل صلي وادعي وادعي وخلي ايمانك بربك ولا تيأسين من رحمة الله

ياما سمعت قصص عن اقارب لي ولا نروح بعيد اختي جابت اربع بنات وبعدها ماعاد حملت تعالج تعالج ماصار لها حمل وبعد سنتين من العلاجات صار خلافات مع ابو بناتها وتطلقت وجلست سنتين ثلاث وتزوجت ومن بعد اربع شهور زواج حملت وجابت بنت خامسه بدون علاجات ولا ادويه ولا دكاتره ماشاء الله وبعدها تحمل بس سبحان الله عندها ضغط يرتفع عليها الضغط يسقط الجنين بس الحمد الله خمس بنات نعمه وقريبتي ماحملت خمس طعشر سنه والانابيب ماتنجح معها حملت انابيب وبعدها جابت اثنين من غير علاجات ولا مستشفى والثانيه سوت ست مرات انابيب نجحت المره السادسه وجابت ولد بعدها جربت يمكن ثلاث مرات اربع ولا تنجح بس ربي رزقها بولد نعمه
وبنت عم زوجي ربي مارزقها تزوجت مره الاولى وجلست مع زوجها سبع سنوات ولاجابت اطفال وبعدها تطلقت وتزوجت واحد جلست معه سنتين وتطلقت تزوجت للمره الثالثه وقعدت سنه وحملت وجابت بنت وبعدها علطول حملت وجابت ولد وكثيررررر اعرفهم حملو بعد سنوات وبعضهم تأخرت سنوات وحملو والي جابت توءم والي جابت واحد الحمد الله اهم شي لاتتركين نفسك روحي عالجي روحي لمراكز المساعده على الانجاب ولا تخلين ابد الصلاة والدعاء

ياقلبي وربي قلبي وجعني لما قريت كلامك لانني مريت بنفس شعورك واحساسك .. حبيبتي ادعي في سجودك 40 مره (( ربي لاتذرني فردا وانت خير الوارثين )) وهذي ترى وصية الشيخ صالح المغامسي ..

اسأل الله لي ولك ولجميع الاخوات بالذرية الصالحه الباره بنا

اسأل الله ف ذالساعه ان يرزقك ويرزق كل محرومه بالذريه الصالحهلأتيأسون ابدآ ربي قادر ع كل شي الله يقر عينك بشوفة ضناك قريب ي رب

حاسه فيك وفي كل كلمه قلتيها
وعايشه دا الشعور نفسيتي مدمرهه
وكارهاا الناس ياربي تعبت نفسي في بيبي
نفسي اصير ام ااه يارب ارحمنا واكرمنا بكرمك
الله يرزقك ويرزقني ويرزق كل محرومه الذريه الصالحه
ربي لا تذرني فرداً وانت خير الوارثين
الحمدلله ع كل حال اللهم لا اعتراض