يارب اجبر كسري ساعدوني لو بكلمه جبر خاطر

كيفكم يااحلي عالم بالدنيا مالي بعد الله غيركم افضفض له واشكي له همي
زي ماتعرفون وابثرتكم بسالفتي اني متاخره بالحمل من سنين والحمدلله تاقلمت وصرت اعرف اتعامل كيف مع ضعاف النفوس والناس المرضى الي تجرح فيني بسبب شي بيد رب العالمين والحياه ماشيه وزوجي مش مثالي ولكن الحمدلله اهم شي عندي انه يعرف ربه ويخاف الله فيني باقي الشغلات ماتهمني
الي صار يااخواتي انه الجرح كبر كثير لانه صار من اقرب الناس اختي تخبي عني ان بنتها حامل واسمع من الغريب وانا خالتها اخوي مسافر يرسل لي صور رحلتهم وانا انبسط له وادعي له وبالاخير يطلع يرسل لبنت اخوي الصغيره صور عياله بس مايرسلهم لي يرسل لي المناظر بس الله يشهد علي انه عيالهم زي عيالي اعاملهم من كثر ماانا مبسوطه فيهم لا رحت السوق انسي نفسي بدال لا اخذ أغراض لي اخذ العاب وشكلاتات لهم وبالاخير صرت انا الي اهلي يخافو مني علي عيالهم لا احسدهم ليش طيب افكر الف مره وش صدر مني موقف عشان يحسسهم اني حسوده او بضر عيالهم والي كسر قلبي من كم يوم رايحه زياره لبيت واحد من اخواني وهذا زوجته يوم انا بنت بالمتوسط تقط عيالها عندي اذا صار عندها ضرف وانا اعرف للأطفال وحتي اغير لهم واسوي مراضعهم وكنت جالسه معاها اسولف ولدها وصخ وطلعت ريحته وحسيتها منذمجه بالكلام قلت لها مرتين شكل فلان موصخ قالت اوك وعادي ومو مشكله انا حسيت الطفل تضايق وصاير مايقعد كله واقف فقمت شلته بغسل له علي طول قالت لي لا لا انا اغسل له انتي وش عرفك للأطفال لاتطيحينه او شي نست انها كانت تقط عيالها عندي بالساعات كسرت قلبي الله يسامحها وبنت خالتي يوم ولدت الكل راح لها وانا مااروح لولدانات لا يخافون مني علي عيالهم تعرفون تخلف بعض الناس بس هذي بنت خالتي وخفت تزعل كلمتها بعد أسبوع اني بجيها اول مره قالت عندي موعد بطهر البيبي ثاني مره قالت والله رجعت شقتي اجيب أغراض ثالث مره مارفعت عاد انا مو عبيطه فهمت وماعاد دقيت عليها يارب صبري قلبي علي هالناس
وربي تعبت واعتزلت غالب الناس مااقدر اقطع اهلي وش اسوي بنفسي صرت زي الجرب الكل يتحاشاه والله العظيم ماني حسوده وكل ماشفت طفل بمكان قلت ماشاء الله حتي لو مااعرفه حتي لو مو جميل واتمني الله يرزقني فقط لا غير وش الغلط الي سويته ياناس ليش كل هذا انصحوني وش اسوي هل اغير معاملتي مع الأطفال انا دلالي لهم كثير اصير معاهم عاديه او اطنشهم هم لا شافوني كلهم يجون علي ويحبوني هل هالشي سلبي عند أهلهم ماادري وش الغلط الي سويته ياريت أي وحده مرت بموقفي تعطيني نصيحه
ويارب الله يحقق جميع امانيكم ويرزق كل محرومه يارب ادعو لي اخواتي احنا بنخش بايام الحج باقي علي دورتي أسبوع ياااارب مااشوفها الا بعد 9 شهور وحتي لو ربي عطاني وحملت محتاره هل اعلمهم او اعاملهم بنفس اسلوبهم وربي الحيره بتذبحني مخي مشوش وتعبان مع انه اهلي مره يحبوني بس ماني شايفه تفسير لافعالهم
اجبرو خاطري لو بكلمه ياكثر ماانكسر هالخاطر وش بتحمل اكثر