والله الناس ما يعجبها شيء
ما حملنا يضلون يتكلمون ليش ما حملت وشو فيها ومنها ولا من زوجها واذا حملنا قالوا شوفوا اتخبلت ما صدقت حملت و .. و ... و ...

حبيبتي لا تحزنين والله هذا كله مكتوب عند الله وكل شي بحسابه .. خليني اقول لج تجربتي اللي اتمنى انها ما تتكرر لأي أحد ..

انا لما تأخر حملي سمعت كلام جارح من القريب قبل الغريب ساعات كان بقصد وساعات لا وياما سمعت كلام يذبح جدام زوجي ومن وراه
مرة كنا نتكلم عن وحده بالعايلة بنتها كان فيها جديري وما خبرت أحد علشان لا احد يلومها انها جايبتها بيت العايلة وقت التجمع العائلي في بيت زوجي كل أسبوع .. لكني اكتشفت الموضوع ويوم لمتها قالت لي : اشش الله يخليج لا تيبين سيرة بياكلوني
فكنا نضحك انا و زوجات اخوان زوجي ونحن نتذكر هالسالفة ..الا وحده طبت فيهن علي وقالت لي وهي تبتسم بخبث اتعرفين ليش قالت لج انتي بالذات هالكلام ؟ قلت لها وانا اضحك : ليش ؟ قالت : لانها عارفة ان ماعندج عيال !!! طبعا ما تتخيلون الصعقة !

وياما قالت لي أم زوجي - على الرغم من انها طيبة - جدام زوجات اولادها و بناتها : روحي روحي عالجي احسن انتي مربوطة !!

ومرة بنت عمي اللي هي اقرب الناس لي قالت لي : انتي شكلج ما بتحملين ليش تتحملين مواعيد و ادوية اذا الله كاتب بتحملين ... طبعا هالكلام كفيل انه يحبطني و يكرهني في العلاج !

ومرة عتي قالت لي بعد جدام الناس : انا خايفة ان العيب من زوجج !!! وكأن المسألة خالية من الخصوصيات !

وياما ياما سمعت اللي تقول عني كسلانه واللي تقول عني مافيج عيال واللي تقول اني مربوطة و .. و... و ...

ويوم حملت قلت خلاااااااااااااااااص ارتحت بس لا والله كلام ثاني محبط بدأ ..!

خوات زوجي كل شوية يذكروني بأي اجهاض صار لهم مع ان لهم تجارب حلوة مع اطفالهم .. ووحدة من زوجات اخوانه كل ما تشوفني تقولي لي جلسي انتي ظهرج لين سرعة بيتضرر الجنين !!! و اللي كان يدعي لي بالذرية الحين لما يشوفني يضحك علي اذا مديت رجولي بالجلوس او اتساندت و يقول : ما صدقت حملت !!

والله ما بنخلص من الناس و بلاويهم و أمراضهم النفسية اللي تتحذف علينا من كل جهة .. بس مالنا الا علاج واحد وسر واحد للراحة منهم ... عارفين شو ؟
الطنــــــــــــــــــــــــــــــااااااااااااااااااااااااااااااااااااش

ربي يرزقكم الذرية الصالحة حبيباتي والله انكم تستاهلون كل خير ربي يبعد عنكم كل حاسد وحاقد

اختي الله يصبر قلبك ويفرجها علينا وعليكي :(

انا يقولون مااايقولون الي يقول محب لي فربي يوفقه ويجزززززززززاااااااااااااااه مليون خير ويخليه

والي يقولها لقافه وشفاحة حريم تتلايط ههههههههههه

ومستحييييييييييييييييل احدد العيب من مال احد خص بهذا الشيء

بس انا حافظه جمله للي يتفلسف علي تفلسف بايخ وبدأ يتنحنح يبي يهرج

اقوله كلمة تسكته سكوت لا رده بعدها

اقول





























ماعندالله قريب


والله يرزقنا اجمعين هالشهر يارب

ياختي ابغى اقولك بالاول هذا هم الناس بيتكلمون وبيدورون اي شي حتى يتكلمون
ولا انتي اول وحده ولا اخر وحده ماتحمل وبالعكس اذا كان من زوجك طيب يكون اخف عليك
ولا تضيقي صدرك لكل داء دواء انا اختي اخذت فتره ماحملت وكلن يسال ليش وماليش ماحملت وكنا نقولهم تاخذ مانع واحنا نكذب بس وش نسوي من كلامهم
والحمد لله حملت الحين على انه كان العيب بزوجه بس تعالج
وحتى بنت عمي تخيلي مابهم اي شي لا هي ولا حتى هو بعد اكثر من 8سنين
راح لمطوع وقالهم خلي زوجك او انتي يسافر برا وراح تحملين ان شاء الله
مااخذ 3شهور وهم برا الا والله حملت يعني اذا كان العيب بزوجك خليه يتعالج وانتي عارفه الطب تطور والله رحمتك بس انتي ماعليك منهم واهم شي دراستك وتوكلي على الله وتصدقوا بسبب الانجاب وربي يرزقك ان شاء الله وراح ادعيلك ان شاء الله

يا من أمره بين الكاف والنون .. وإذا أراد شيئاً قال له كن فيكون

أرزقني و ارزقها بذرية ‏صالحة طيبة تقر بها العيون ..

و ارزق كل محروم .... آآآآآآآمين يارب العالمين..