يااختي ترى الرجال حتى لو ربي معطيه مايهدون الا نادرا انا ذكرى زواجي الخامس بتجي بعد شهرين ولا عمره عطاني حتى ورده :) مايهتمون بها الاشياء ونفسهم يسددون ديونهم ويوفرون منزل لعايلتهم واشياء كثيره انتي عارفتها وترى الجوال مو ضوروى تاخذين اخر موديل انا معلمه وماعندي اخر موديل لانه احس حاجه للاتصال اهم شي تؤدي الغرض وبنفس الوقت شكله مقبول يكفي بالجوال ..

ياعزيزتي لاتخسرين زوجك دامه يحبك وطيب واكبر دليل بيبيع جواله عشانك ادعي ربك يرزقكم وخليه يقدم على الجمعية الخيريه بمنطقتكم ويشرح وضعه وكم راتبه وتعريف يجيب وان شاء الله يساعدونكم لو حتى باغراض للبيت ..ويمكن البيبي اذا جاء يكون وجهه سعد عليكم ويرزقكم ربي ترى بعض الاطفال وجه خير على اهله سبحان الله ..

حبيبتي زوجك شكله طيب وابن حلال، وإن شاء الله يا رب يفتحها بوجه ويرزقكم برزق المولود الجديد، ودام الحال من المحال والدنيا دوارة وربك قادر يغير الحال بيوم وليلة، إنتي بس قولي الحمد لله وحافظي على زوجك لإنه معدنه طيب.. وإن شاء ربنا يسر يجبر خاطرك وخاطر زوجك.

الله يهديك ويصلحك انا مع امك لاتخسرين زوجك عشان وسخ دنيا اصبري عليه وراح تنفرج بإذن الله حزنت عليه يوم يقولك ببيع جواله عشان يشتري لك اللي نفسك فيه شوفي كيف يبغى يسعدك وانتي تنفاخين عليه المسكين الله يغنيه ويرزقكم من اوسع ابوابه سجلي بحافز وساعدي زوجك والله يوفقكم

اصبري مع زوجك ولاتحمليه فوق طاقته تخيلي لو كان اخوك فقيير وزوجته مبهذلته اكيد ماراح ترضين التعاسه لاخوك والله يعينك ويرزقكم من واسع فضله

فقر فقر فقر فقر
ادري فيه فقر بس من بعد خالي عرفت ان الانسان يقدر يعيش بنعمه

في البدايه خالي عايش بالجنوب وتعرفون الجنوب بس جرد فلوس من كثر العزايم والمناسبات والواجبات
متزوج وزوجته ولود بسم الله عليها ويرعى أمه الكبيرة في السن الله يعطيها العافية

كان يشتغل في وظيفة حكومية براتب زهيييد

جاه نقل للشمال؟؟!!!!!

تخيلوا بيترك بيته واهله وعياله عشان راتب زهيد
استقال من شغله

وصار يشتغل هو وزوجته باليومية
وذي على ذي (((( نسيت مااقولكم هو عنده بيت ملك من الاراضي اللي توزعها الحكومه تسلف شوي من اهله وبنا بيت على قده شوي شوي )

وقت الاوف يروح يشتغل بالحراج اي شي يشتغله

اذا فيه احد من جماعته يبي يبني هو المسؤول عن العمال يروح يجيب من هالعمال اللي بالشوارع بس يكونوا نظاميين ويروح يشغلهم
يدخل في جمعيات مع ربعه

بعده بفترة طويله تثبت براتب ألفين فقط

عياله بسم الله عليهم كثيييير بالنسبه لراتب 2000 >>> وراه أم وزوجة واطفال وجمعيات وقطيات ومصاريف تخيلوا هذا كله

مااقول لكم انه مايتسلف بس يتسلف للضرورة القصوى


يشتفل في وقت الاوف ويكد مايقعد ومراتاح ع الاخر

الحين شوفوا حاله

عنده فله من أروع الفلل في الحي اللي عايش فيه بييييت كبير بسم الله الله عليه تصميم ياخذ العقل لاإله الا الله

عياله الاثنين يشتغلون الله يوفقهم توظفوا على طول الله يحفظهم

بنته تو مزوجها بالاجازة


الحمد لله
فالله مبارك له في ماله وعياله
اقدر أقول انه هو الوحيد من اخوانه اللي راضي أمة وقايم فيها

وراتبه 2000 الحمد لله



في بدايه زواجي كان زوجي على قده
لكن مايقصر معي في شي وانا كنت في هالفترة أدرس في ديرة أهلي

فتحت دولاب السيارة لقيت ريالات واااااجد
سألته انت تجمع ؟؟؟؟

قال هذا الصبح اطلع بدري قبل دوامي بساعه او ساعتين واكدّ أخذ معي ناس واوصلهم على ريالين على ثلاث ريال

تجي للمصاريف اليوميه


وفي ناس رواتبهم 10 ألاف وتطير في اسبوعين وبيت ملك ماعندهم


الشغاه هي رضى الله ثم رضى الوالدين
وتقوى الله في ماله


الله يوفقكم
وقولة زوجي المعتاده .... وراء كل رجل عظيم أمرأة .... اصبري وعيني زوجك وربي يحقق لكم أمانيكم