حبيبتي بسالك انتي كنتي عارفه عن راتب زوجك قبل الزواج واذا ايه يعني كنتي راضيه بكذا فاصبري وحاولي مع زوجك انه يكمل دراسته انتساب اذا ماكملها او يشوف دخل ثاني وطبعا موبالزن بالطيب وقبل كل شي الدعاء وبالصدقه لو بريال مع كل راتب وباذن الله ربي قادرانه يغير حالكم لحال افضل ونصيحه لاتكثرين على زوجك ولاتحملينه فوق طاقته وربك الرزاق والله اني كنت مع اهل زوجي ساكنه بغرفه منفصله مع مطبخ وحمام والحمدلله ربي فرجها من عنده اصبري وانا اختك

ياحبيبتي الله يسهلها عليك ويرزقك من واسع فضله
استغفري واكثري من الصدقه وراح يجي الفرج بأذن رب العالمين
شوفي حالتي انا موظفه ولله الحمد وكل شي موفر لي وزوجي بعد موظف
بس تخيلي لي تسع سنوات اتمنى اني اكون ام واسمع كلمة ماما
لدرجة اللي حولي اشوف حالتهم ميسوره بس عندهم اطفال
واقول ليتني مثلهم حالتي عاديه جداً بس اسمع كلمه ماما واحمل
بطفل بأحشائي بس الحمدلله على كل حال
الله يسعدنا وياك يارب ويفتحها علينا ياكريم 

حبيبتي لا تكدرين على نفسك واصبري ان الله مع الصابرين
اهم شي لا تجيبين اطفال على بعض وترى هذا اغلب حال الناس
اسأل الله ان يجعل لكي من كل هم فرجا ومن كل ضيق مخرجا

الله يفرجها عليكم حبيبتي
شوفي أول حاجه لا تهتمي بموضوع ذكرى زواجنا وما أدري وشو دامه طيب ومحترمك ومقدرك فوالله إنها أكبر نعمه أحمدي الله وأشكريه وأنتوا ظروفكم صعبه شلون تفكري بجوال بغالي الثمن أنتي تزوجتيه وعارفه وضعه فلازم تتحملي وتصبري حتى تكسبي رضا الرحمن ..
ثاني حاجه وحده من قرايبي والله إن بنتها مره من المرات تكلم جدتها وتقول أنا ماتعشي لأن ماعندنا أكل وتعبت كثير زوجته وتحملت وصبرت لين الله أفرجها عليهم وماتتخيلي كيف كانت حياتهم والله ماتتخيلي ..

عليك بالإستغفار وصلاة الليل ...

انا تقريبا نفس وضعك بس اقول الحمد لله
واقول في نفسي يكفي انه يحبني ويداري خاطري
واقول ربي بيفرجها ان شاء الله قريب
بس حطي ببالك انا اشوف ناس كثير من خواتي من صديقاتي
وكثير يكون زوجها مغرقها بالفلوس بس مايحبها
اويكون يشك فيها اويضربها اويكون له علاقات محرمه
اويكون مايحبها
انا متزوجه لي 3 سنين واول ماتزوجت كانت حالتي كذا
وياليت كان راتبه 2000 لا بعد ماتزوجته ب6 شهور فصلوة من دوامه
قعدنا 5 شهور بدون مصروف وامه كانت تقضي للبيت وهي كانت تدفع اجار الشقه
مع كذا كنت اقول يكفي انه يحبني ومداريني
وراكم الديون ورا ظهرة علشاني لاني كنت ادرس بالجامعه اوبي لابس وشنط وساعات
كنت اضغط عليه وكان يتسلف علشان مايضيق صدري بس الحين تخرجت الحمد لله
وتوظفت صح باهليه وراتبي 1600 بس صرت اساعده وهو الحمد لله راتبه رفعوة
بطلبك طلب اذا ضاق صدرك روحي توضي وصلي واطلبي الله بسوجدك ان ربي
يفرجها عليكم ويرزقكم
وبطلبك طلب ثاني لو عطاك 50 ريال تصدقي لو ب5 ريال والله العظيم ربي يفرجها عليكم
وسبحان الله الله يغير الحال من فقر الاغنى بدقيقه بس انتي استغفري واحتسبي الاجر
بس لاتخسرين حب زوجك وحنيته لك وعطفه غيرك كل شي متوفر لهم بس الحب والحنان
والاحترام فاقدينه وترا الفلوس تروح وتجي بس حب زوجك اذا راح معاد يجي واحتسبي الاجر
ترا ها هاذا كله من الشيطان يحاول يفرقكم بس انتي داومي على الاستغفار وربي
ان شاء الله بيفرجها عليكم يارب