يارب اشفى ولدي من السكــــــــــري

السلام عليكم ورحمة **** وبركاته

أخواتي ابني عمره خمس سنوات ونص ودايم احس يتردد على الحمام وجهه مصفر

ويتعب اذا ركض وعصبي مرررره الله يهديه يعني اذا ماخذ الي يبيه يصيح بصوت مزعج لما ياخذ حاجته

عاندته بحجه ابي اربيه ودايم ازعل عليه ومراات اطقه طبعاا زاد وصرت بالهداوه اراضيه والحمدلله خف صياحه مع العلم ابوه مايعرف الا الضرب على انه هو اللي دلعه بالااول لان انحرمنا من الاطفال ثلاث سنوات لان يموت بسبب الولادة المبكره

الحمدلله ولدت وتمت فرحتنا به دلعناه وكان اغلى البشر عندنا وكان ولدي له رأيه ولا يرضى احد يضربه من الصغار ( اعيال عمامه وخالاته ) مع العلم والله مايضرب نهائي يعني طفل مو ناقصه شيء ولا تعبان نفسيئاً
شره على نفسه بس بالصوووت صيــــــــــــــــــاح

الحين ولدي حللت له السكر وطالع عنده عالي قبل الافطار 150 وبعد الاكل 350 او 400 والله انا في دوامه وكل يوم اوديه للمشفى قبل الفطور وبعد الفطور بساعتين عشان قياس السكر

دكتورالاول قال هذا عرضي يروح ان شاء الله بس يمكن انه مكثر حلى هالااسبووع طنشت الموضوع وسويت لودي حميه عن الحلويات ووديته للشيخ يرقيه والحمدلله تمام تركته سنه ( هذا الكلام العام )

السنه هذي رجع له السكر

لان حقيقه احس حنا نتغيرنا عليه ماعاد نلبي متطلباته كل شي جبته له ويخرب ولا عاد الحين اشري له وصرنا نضربه اذا ضرب اخوه
وكمان الله يهدي عمته مطلقه عندها اطفال ... وحاطته بين اعيونهاا مافي يوم يمر الاا يا قارصته والا ضاربته
والا مطردته على انه والله العظيم مايغث ولا يضرب اعيالها بالعكس هم اللي يطقوا علي الباب ويطلوه يلعب معهم
وهو يستانس مهم ... غيره حريم الله يكفينا شرهن متى ما قالوا اعيالها نبي نلعب معاه خلته واذا لقوا احد غيره اطردته الله حسيبهااا على انه بيت جده

المهم الحين الدكتور ثاني يقوول لاازم ابر انسولين انا هنااا ( انهرت ) لااااا ماقدر مابي ولدي يتعذب مع الابر وتوه صغير خمس سنوات ونص والسنه الجايه بيدخل المدرسه وبغيب عن عيوني اخاف عليه من الهبووط بالسكر
يقول الدكتور انتي المسؤوله لو جاته غيبوبه قلت ايه مسؤوله بس ابر لااا
ابوه سكت يقول والله مدري وش الحل

تكفن هل انا خاطئه بقراري اخاف ولدي يصيبه شيء بعدها
ماسامح
نفسي
قلت لا ابوه تاخذه لشيخ ويقرأ عليه وان شاء الله ينخفض بسم الله عليه جميل بالمرره
و لان حاسه ولدي من الحشره بالبيت وانا تغيرت وانشغلت باخوه والبيت وابوه انشغل عنه ولا عاد يدلعه واهل زوجي يهاوشونه والولد انقهر وارتفع السكري صح والاا لاا
صح بعائلتهم السكر بس السكري مايجيهم الا بعد الاربعين من العمر واهلي الحمدلله مافيهم شي