يارب اصوم عرفه في بيتي

السلام عليكم
يارب يبلغنا وياكم العشر ذي الحجه ويبلغنا صوم عرفه
اسالك يارب ان تكتب لي هالمره اصوم عرفه في بيتي..
لي 4 سنوات عرفه ما اصومها في بيتي ..اصوم في بيت اهل زوجي ويمر على يوم عرفه مااحس بطعمه
حتى الدعاء ادعي فيه وانا مكتومه بغرفه وزوجي وعيالي نايمن فيها..اظطر اني اجلس ادعي وانا مقفله انوار الغرفه عشان مايحسون فينا..اصلي الفجر وانام واصحى ..الضحى وهم يدرون عني ابغى احس بطعم عرفه ..واجلس صاحيه لين العصر وانا محبوسه بغرفه لاني ماقدر اطلع..ويروح يوم عرفه وانا بغرفه واظطر اقرء القران من الجوال عشان زوجي نايم ولو اشغل انوار الغرفه يصحى ..ويجلس يقول طفي وطفي بنام
زوجي من 4 سنوات الله يسامحه يجبرني ع سفر لهله قبل عرفه بيومين..
واتعب فيها ويجي يوم عرفه وانا خلاص مهدود جسمي من تعب
اكيد بتقولين عادي صومي وخذي راحتك في بيت اهل زوجك بقولكم مستحيل مااقدر ..اهل زوجي عائله شباب وبنات.وكلهم بنفس البيت..ووانا ماقدر اطلع من غرفتي الا اذ اخوانه شباب برا البيت..
وحلاوة يوم عرفه نفتح القناه الاولى ونشوف حجاج بيت الله ونسمع خطبة عرفه ..وانا لي 4 سنوات محرومه من هاشي
بتقولون استاجرو برا..بقولكم مستحيل عيب عند زوجي يستاجر وبيت اهله مفتوح..وبتقولون قولي لا مابسافر ودني عند اهلي..بقولكم بتصير مصيبه ..
بس يارب هالمر مايقول هيا نسافر ..واصوم عرفه في بيتي..يارب يارب
ادعولي جعل ربي يفرج همومكم