يارب اكتب لي مثل أجر كل وحده تقلدني

يارب وإن انقطع نفسي فلا تجعل عملي ينقطع












اللي جربت فيكم الصدقه أكيد تعرف اسرارها ولمست فوائدها في تغيير حياتها

أنا انسانه تعرضت لمشاكل وابتلاءات والحمدلله على كل حال فاكتشفت سر الصدقه ولمست أثر ها في شفائي وحل مشاكلي

فعرفت أن قيمة الصدقه لا تكمن في قيمتها الماديه بقدر ماتكمن في نفعها للناس فلا تحقرن من المعروف شيئا فكل معروف صدقه و(اتَّقُوا النَّارَ وَلَوْ بِشِقِّ تَمْرَةٍ)





هل سمعت عن فوائد الصدقة مقطع مدته دقيقتين رائع جدا ومحفز











الأفكار كثيره جدا والنت مليان منها

لكن أنا بقولكم أفكاري اللي نفذتها من فتره قريبه و بمبالغ زهيدة من المال





(1)





أول شي اشتريت علاقات للعبايات والشنط مثل هذي































وماتحتاج لتثبيتها على الباب الا تنزعين الورقه وتلصقينها على باب الحمام أو الجدار






تعرفون معاناتنا حنا النساء في تعليق العبايات لما ندخل الحمامات العامه ومانلقى مكان نحط عليه عباياتنا وشنطنا خصوصا اللي تضطر تدخل حمامات المحطات والمساجد وقت السفر أو حتى حمامات الأسواق والمطاعم رغم نظافتها إلا ان أكثرها مافيها مكان تعلقي عبايتك وشنطتك

هذي القطعه قيمتها ريال أو أقل خليها في شنطتك إذا بتروحين مشوار وعلقيها على الباب وراح تكون صدقة جاريه لك تكسبين اجر كل وحده استفادت منها بعدك






(2)

تعرفون صابون الجيب الشرائح











هذا رفيقي دائما في شنطتي لاني اتنقل دايم بين مدينتين واضطر اصلي في مساجد المحطات وتعرفون كيف تفتقر حماماتها للخدمات مع انها دايم مليانه بالناس

اشتري منها مجموعه قيمتها ريال واحد فقط وفيها 15 شريحة

استخدم شريحة واحده فقط واترك باقي العلبة في دورة المياه يستفيد منها اللي بعدي وانويها صدقه جارية





والحين جتني فكره أفكر انفذها مستقبلا

تعرفون صابون الايدي السائل اللي يجي في جوالين كبيره ؟مثل هذي









فيه انواع رخيصه تلقونها في محل التخفيضات على 7 ريال

اشتريها ولما تخلص عندك علب الصابون الصغيره اللي مثل هذي





http://files2.*******.com/2013/4/13672767125194.jpg





لا ترمينها جمعيها وعبيها من الصابون السائل وخذيها معك لو كنتي مسافره وحطيها في الحمامات العامه وانويها صدقه جاريه تكسبين اجر كل واحد استفاد منها وماراح تكلفك اكثر من ريال





ولو تضعين معها علبة مناديل من النوع التوفيري يكون أفضل






(3)

أحيانا أرغب بالصدقه بس ماعندي احداعطيه أو ودي انها تكون بشكل سري محد يدري عنه فارسل رسالة جوال لبعض الجهات اللي تخصم من رصيدي هذي الرسائل قيمتها بس عشرة ريال

كل مره افتح قوقل وابحث عن الجهات وارقامها

هذي بعض الجهات اللي ارسل لها

للتبرع لـ ( جمعية كلانا ) الخاصة بمساندة مرضى الكلى المحتاجين ومساعدتهم - رقم ( 5060)

للتبرع لـ ( جمعية إنسان ) الخاصة برعاية الأيتام وكفالتهم - رقم ( 5055)

للتبرع لـ ( جمعية رعاية مرضى السرطان ) - رقم ( 5070)

للتبرع لـ ( جمعية الأطفال المعاقين ) - رقم ( 5050)

للتبرع لـ ( جمعية تحفيظ القرآن ) - رقم ( 5090)

للتبرع لـ ( جمعية الأسكان الخيري ) - رقم ( 5040)





وهذي الطريقه حلوه بشرط ان الجهة اللي نرسل لها تكون فعلا موثوقه

وهذي الطريقه بعد حلوه للي تشحن جوالها بمبالغ كبيره مثل 100 ريال مافي مانع لو تخصم منها 10 ريال للتبرعات






(4)

لما كنت مريضه وشهيتي مفقوده وما اكل احيانا ادوخ او اتعب وانا خارج البيت فصرت دايما اخلي قطعة شوكلاته او بسكوت في شنطتي واكلها اذا حسيت بتعب ومره وانا في السوق شفت طفل يبكي واعطيته الشوكلاته وحسيته فرح مره وشفت في عيون امه الامتنان لان طفلها سكت واعجبتني الفكره وصرت كل ما اروح مكان اخذ في شنطتي اي شي حتى لو حبه علكه بربع الريال واتعمد اجلس جنب الاطفال في اوقات الانتظار واعطيهم وقصدي صدقه عني وادخال السرور على قلب الاطفال






(5)

اشتريت مجموعه سيديهات القرآن كامل الواحد بعشره ريال







ولو تبغين مجموعه كبيره بسعر غير مكلف اشتري السيديهات الفاضيه وانسخي القرآن عليها عن طريق اللاب توب وصممي لها استكرات جذابه أو بدون












كيف راح نوزعها؟ الأقربون أولى بالمعروف إذا ركبتي في سيارة زوجك ولا اخوك خذي معك واحد وشغلوه وبعدين اتركيه في السياره وكل من استمع له بعدكم بتكسبين اجره

أو خذيه معك عند أي احد تمونين عليه وشغليه عنده وتناسيه واعتبريه صدقه جاريه كل واحد بيستمع له لك اجره

أو اعطيها عامل يوزعهاعند أحدالإشارات للشباب ربما يتوب على يدك شاب أبتلي بسماع الأغاني

أو اعطائها محلات تأجير السيارات وتركها في سيارات التأجير لتمكين المستأجر من الاستماع والانتفاع






(6) إذا اعتمرت اخذ معي مقص صغير وبعد التقصيراتركه للي يطلبونه مني وكل واحد يستخدمه للتقصير بعدي اخذ اجره وقيمته زهيده ماتتعدى ريالين من محلات التخفيضات






(7) اهم نقطه لما تنفذي وحده من هذي الأفكار أنوي انها عنك وعن والديك وتضربين عصفورين بحجر تكسبين فضل الصدقه وتكسبين فضل بر الوالدين

ولو تنوينها عنك وعن اخوانك أو اقاربك بتكسبين أجر الإحسان للأقارب ولو تنوينها عن الموتى إن شاء الله ربي يسخر لك من يتصدق عنك إذا متي وإذا نويتيها عن كل مسلم ومسلمه ان شاء الله بتتضاعف حسناتك ففضل الله واسع ويضاعف لمن يشاء بغير حساب ولا تستقلي هذه الاعمال البسيطه مع صلاح النيه