يارب الاقى حد يساعدنى

هلا بيكم اخواتى العزيزات
كنت عايزة اخذ رايكم فى مشكله مش عارفة اوصل فيها لحل
المشكلة هى كيفية التوفيق بين بيتى وبنتى وجوزى
انا متزوجة من حوالى سنتين وعندى بنت عمرها 10 اشهر مشكلتى هى ان دوامى يبدا من الساعة التاسعة الى الخامسة غير طبعا المواصلات لان شغلى يبعد عن بيتى حوالى ساعة ونصف بمعنى ان كل يوم بنزل من بيتى 7.30 وبرجع حوالى 6.30 وطبعا كان عندى مشكله اعمل ايه مع بنتى طوال الوقت ده فكرت امى انها تاخدها عنده وفعلا سيبتها عند ماما وبخدها منها كل يوم خميس وجمعة وسبت
المشكله انى كل يوم لازم اروح عند انى اشوف بنتى واقعد معها وبالتالى بتاخر جدا على جوزى وكمان مش اقدرة اهتم ببيتى ولا بجوزى حاسة انى مقصرة حتى فى صلاتى مش عارفه اضبط مواعيدها
المشكله انى خايفة اسيب الشغل لانى اولا بساعد اهلى فى المصاريف ثانيا مرتب جوزى مش كبير قوى وجوزى بيقولى انا حاسس انك لو سيبت الشغل ربنا هيوسع رزقى غير انك كمان بتصرفى كتير على مواصلاتك واكللك برة البيت يعنى رايح من مرتبك جزء كبير
مش عارفه اعمل ايه اتكل على الله واقعد فى بيتى وادبر نفسى بمرتب جوزى .طيب واهلى اعمل معهم ايه ولااستمر فى شغلى وتفضل حياتى طول الوقت كده :06:
يارب الاقى حد يقولى لو كان مكانى يعمل ايه :44::( فى انتظار رايكم :time: