يارب الصبر من اهلي

السلام عليكم ورحمة الله وبركاته

حبيباتي ابي استشيركم بمعاناتي مع اهلي هل انا غلطانه او لا ،، انا اكبر اخواني وكل مسؤولية البيت فوق راسي يعني لو احد غلط من اخواني انا اتحمل غلطه والعقاب يشملني معاهم وان جيت نصحتهم امي تدخل تقول مالك شور فيهم ذولي عيالي ،، اسلوب امي معاي الله لايوريكم سب وشتم ع الصغيره والكبيره وغير الدعوات علي اللي تقطع قلبي وتحريش ابوي اللي صار يكرهني بسبتها الله يهديها ويصلحها ،، والله العظيم اني ادللها واقوم بشغل البيت عشان ماتشتغل وتجلس تصارخ طول اليوم علي واسألها اول ماتصحى من النوم بعد الدوام اعملها شاي او قهوة وذي امي اخدمها من عيوني
بس والله تحملت ذل واهانة حتى اخواني ماصاروا يحترموني وتشيشهم علي ،، اذا سويت شغله وخلصتها تقولي اكيد في شي ناقص اعرفك شغلك بدون نفس واقولها والله خلصتها ،، ابوي صار يكرهني يحسسني اني عدوته معاملته معاي بالذات انا غير عن اخواني اذا دق علي يقولي وش ناقص البيت واعلمه ويجلس يدعي علي واذا حتى مريت في البيت من جمبه يتأفف وكله ينتقدني ويهزأني ع الطالعه والنازله صرت اتحاشه جمعاتهم مابي اسمع كلام واتكدر طول اليوم اقسم بالله اقاربي كلهم يشهدون لامي بتربيتي واني قايمه فيها وبالبيت بالرغم اني ادرس ،، ابوي يهاوش اخوي اذا ماجاب درجات زينه وبس يطلع ابوي من البيت امي تمسكني تهزيء وخصام وان اللي يسويه ابوي في اخوي المفروض يصير فيني طبعاً غير التفرقه في المعامله واقول مايخالف اهلي مهما طلع منهم ،،اخاف من دعواتهم علي على اني ما اغلط واحاول افهمها اذا صارت تصارخ علي وتعلي صوتها لين يجي ابوي ويسحبني كأني خدامتهم ويرميني بغرفتي ،، تعبت وانا احااااول ارضيهم ومايملي عينهم شي ،اتمنى اتزوج عشان اطلع من البيت وارتااااح من التوتر والهواش وقلبي مو متعلق بالزواج قد ما اني ودي اكمل الماجستير وتخرجي قريب والجو مايأهل لدراسه مليتتتت يارب الصبر ،، ولله الحمد انا ملتزمه ودايم ادعي ربي يهديهم لي تكفون ادعولي بالفرج والله حياة صعبه بجو توتر وكله مشاكل وتحسين عايشه مع ناس تكرهك