بالنسبة للفساتين الجاهزة

مجمع الموسى عندهم فساتين حلوه وأسعارهم معقوله ...

وعندهم محل اسمه البرت .... هذا اغلى شوي من باقي المحلات


................... لاتنسينا من دعواتك:26:

ماشاء الله عليك اختي بسبوسة كفيتي ووفيتي:26:

:24: :24: :26:

صبحك الله بالخير<<<<<<جايه طايره بس شافت الطلب بترد وتطلع:)

شوفي الفستان اذا تبي تفصل تطير طيران لااسواق مكه الدور الاثني بتلاقي محلات يفصلون
ويخلصون لها الفستان بااسبوعين

الشنط والجزم الدو لاتفكر واتدور

التيورات مري الفيصليه فيها اشياء حلوه

الالماس من ماركيز بصحارى ميزته بغرابته

والساعه الدهام ولا الحميضي

اممممممم الفوط والمفارش شوفي الفراج

والشنط السفر اقصد بالعقاريه

الدخون يالماجد او العربيه

القمصان والبيجامات الريس او نعومي تلاقينهم بصحارى بعد:)

الملابس الداخليه لاسنز لايعلى عليهم برضو صحارى

واذا احتجتي شي تحت امرك:)

تحياتي والله يوفقج

اهلاين رااااوية

اول وقبل كل شئ تدعو الله البركة بزواجها ومهرها

تتصدق من مهرها لو بالقليل وتدعي لنفسها بالتوفيق من رب العالمين


بعدين يجي دور التجهيز اول شي تشوف جسمها وبشرتها بشكل عام يبغالها علاج حبوب اواثار حبوب تعالجها حتى يمديها تروح قبل الزواج بفترة كافية ، ولا تنسى تهتم بشعرها حمام زيت تدليك تقص حواف شعرها كل شهر علشان يمتن الشعر ويثقل وطبعا تهتم بالأغذية اللى تفيد البشرة والشعر ...


نجي للمهر تقسمه حسب الميزانية
اول شي فستان الزواج ولوازمه جزم وانت بكرامه مسكه ورد طقم عطرخاص بهالليله وتحسب التسريحه والمكياج ، اذا بتفصل عندها محلات الاقمشة بالاندلس حلوة وفيه مشغل بالاندلس اسمه ريم الفلا على ما اعتقد صديقتى فصلت فستان زواجها عنده وتقول خياطها مضبوط ، واذا كانت بتشترى جاهز مثل ما قالو البنات في اسواق مكه انا ما شفتها بس كثير اسمع عنها ، وملابس الخاصة ((قميص النوم)) عندك الريس والبنات ذكروا لك بعض المحلات اللى عندها ملابس خاصة بهالليلة، ولا تنسى تسئل على مشاغل اوكوفيرات علشان تحجز عندهم ، وبعدين فستان الصباحية تفصل او تشتري جاهز عندك محلات ميموزا وفيه محل بالفيصلية بالدور الارضي بس مادري وش اسمه ومحلات اسواق مكه وفية محلين او ثلاث با سواق العثيم مول وتشترى جزمه مناسبه له وعطر ،،


وفساتين على حسب مناسباتها لان في ناس عزايمهم كثيرة وناس لا فهى تشوف وضعها بس افضل انها تفصل فستانين كحد ادنى واذا احتاجت تقدر تشترى جاهز او تفصل لانك من كلامك انها بالرياض والرياض الحمد لله فية كل شئ ..



التيورات واطقم الخروج تشريلها كذا طقم او ممكن تنسق مع جزم مناسبة له ولا تكثر منها لانها راح تمل منها بسرعه واحتمال يتغير جسمها بسبب الحمل او انهاوودها تغير بسرعة ، بعدين السوق ينزل فيه كل فترة اشياء جديدة ، عندك صحار وصحارى بلازا وخريص والفيصيلة ..

ملابس البيت فيه محلات كثيرة عند جنفر فيه محلات بالعثيم احيانا تلقين عندهم وعندك صحارى بعد وصحارى بلازا ومحلات تامي تلقين عندهم اشياء نعومه اذا كان مقاسها بناتى صغير..

قمصان النوم والملابس الداخلية اتام لانجرى لاسنزا نعومي الريس وفية مجوعه محلات بالاندلس فوق وفيه محل تريمف بخريص بلازا ،، طبعا لاتكثر بزود حتى تشوف ذوق زوجها ..

العطور طبعا عطر يوم زواجها يكون طقم ، وتشريلها كذا عطر من كذا نوع يعنى عطور فرنسي ، على دهن عود ، وعندك عطور شرقية بعد ، انا ارشحلك عطور شانيل ليوم الزواج وباقي العطور على ذوقك ، على فكرة قريت مرة بالجريده انه فيه مركز متخصص بالعطور بالمعيقلية ويبعونها بسعر الجمله بعد خليها تشترى منهم اوفر لها، على فكرة اجمل عندهم فرع بالمعقلية و خريص بلازا تشترى منهم العطور الشرقية ودهن العود وبعد عندك الماجد والدخيل والعربية ، وعندك زهور الريف ونكتار وبودي شوب00 ونصيحة لا تكثر منها مرة بعد لانها احتمال تحمل (( يارب )) وتكرههم بوحامها، ويمكن تمل منهم ، وعلشان ذوق زوجها بعد ..

والمكياج تشوف اللى يناسبها وتشترى وحلو تروح لمملكة المراة وتجرب هي بنفسها
الااذا كانت عارفة وش تبغى بالضبط ..


والشنط والجزم وانت بكرامة عندك الاندلس فيه محلات كثيرة ، وعندك صحارى بعد
ومحلات الدو بالعثيم مول ..

والمفارش عندك الفراج بالمجد ، وليفس بالعثيم مول ويمكن البنات يذكرون لك اكثر
هذا اللى جاء بالى هاللحين ..

على فكرة بتجهيزها تخلى اخر شي تشترية العطور والمكياج علشان ما تخرب من الحر وتسيل ولا العطور تبخر ..

واخيرا

ما اقول الا الله يوفقها يارب ، ويسخر لها زوجها ويرزقها بالذرية الصالحة وعقبالك يا رواااية
والبنات كلهم 000


سلام :32:

وقولى لصديقتك لاتنسى تعزمنا علشان نرقص بعرسها :23: