يارب الي تدخل ارزقها الفردوس الاعلى

السلام عليكم ورحمة الله وبركاته


بنات طالبتكم اقروا الموضوع للنهايه.. وجزاكم الله خير

انا عندي خالي مرض بسرطان الدم من اكثر من خمس سنين خالي متزوج وهو رجل متدين ماشاء الله عليه عنده بنت وحده عمرها تقريبا 11 سنه وولدين اصغر من البنت... خالي اكثر من خمس سنين يتعالج من المرض ماشاء الله عليه صابر وراضي بقدره ومايقول غير الحمدالله من بعد مامرض خسر شغله في المكان الي كان يشتغل فيه هو اصلا قاضي.... وتم كل فتره والثانيه يدخل المستشفى ويتم شهرو يتعالج كيماوي ويطلع واطفاله وضعهم الله يعلم والله من الحزن الي عليهم... وزوجته ماشاء الله عليها والله لو وحده ثانيه كانت تركته وراحتماتقول غير الحمدالله يوم نروح عنده نبكي من حالته تقول لاتبكون قولو الحمدالله والله يشفيه... خالي صرف كل الي عنده على علاجه لين ماصار ماعنده شي يتعالج فيه... بعد كم سنه قالو الاطباء انه الحمدالله صار احسن بس محاج عمليه زراعه نخاع قالوله روح مصر...زوجته دكتوره كانت راحت قبله بفتره تحضر امتياز لانها تعبت تدور شغل ومالقت.. واخذت العيال معاها يدرسون هناك لما راح مصر سوا علميتين بس مانجحوا قالوله علاجك في المانيا او السعوديه وطبعا خالي لانه خلاص صرف الي وراه والي قدامه ماعرف شو يسوي بعد سنه الله فتحها وقدر راح المانيا.. قبل لايروح زوجته جاها مرض ماادري شو الاطباء احتاروا جسمها ماتقدر تلبس شي كله يسبب لها حساسيه بس لفوها بقطن وتمت شهور في المستشفى كل يوم ابر في العين وضعف نظرها وماعرفنا السبب والمسكينه ماتقول غير ماشاء الله والحمدالله.... قالولها علاجك في امريكا اخواتها جازفوا لين جابولها مبلغ وسافرت امريكا وخالي سافر المانيا.. اخذت معاها ابنها الصغير عمره ثمان سنين تقريبا والبنت والولد الثاني تمو في مصر مع خالاتهم وابوهم بروحه في المانيا... العايله تشتت والاب مازال يعاني من المرض والام نفس الشي


طالبتكم بس الله يخليكم ادعولهم كل ماتذكرتوهم لحوا في الدعاء الله يشفيهم يارب ويعيد شملهم عاجلا غير اجل والله انهم ناس صالحين ماشاء الله حتى في مرضهم ماتركوا صلاه وذكر الله دوم على لسانهم من قبل المرض... دعواتكم لهم بالشفاء العاجل ويارب يارب يارب يارب ادعوا لكم بالفردوس الاعلى كلكم يارب..


حالة اولادهم في مصر تبكي الاب ماعنده شي يبعثه لاولاده غير اقاربهم يساعدونهم والام لاحول لها ولاقوه سنتين بعيده عن اطفالها ماشافتهم ولاتدري شو صاير معاهم ولاهم شافو امهم او ابوهم... دعواتكم الله يخليكم







اللهم اشفيهم عاجلا غير اجل برحمتك ياارحم الراحمين


والله العظيم مرة دخل المستشفى وتم سبع شهور ماطلع منها الا يوم العيد عطوه اذن عشان يعيد يوم واحد مع اطفاله لانه يخافون عليه مناعته تلقط اي جرثومه ماعنده مناعه فا عطوه يوم واحد بس من بعد سبع شهورر قعده مع اطفاله في البيت ورجع المستشفى وهناك مانعين الزيارات ولو ضروري الزياره له لازم كمامات واجراءات لانه ماعنده مناعه ومافي مصافحه واكل من برا لازم فحص وسوالف يعني نفسيته تعبانه من الاجراءات ويقولنا لاتسوون جي ترا عادي بس مو عشان عادي عشان اكيد هو مجروح كانه هو بيعدينا مو احنه بنعديه بس صابر قدامنا... الله يشفيه ياارب ياارب... والمستشفى الي كان قاعد فيه في قطر والله لو شفتوه هاادي تدخلون وله كانه في حياة ومافي جمبه منظر او شي يشوفه كله شارع ظلام في ظلام شي يسد النفس سنين قاعد فيها...


ادعوله الله يخليكم