يارب الي تقرأ قصتي وتدعيلي ربنا يرزقها الذرية الصالحة والحمل عن قريب

يعطيكم العافية والرزق الواسع يارب انا جديدة هون وحبيت أشارك معكم اوجاعي واتمنى انكم تتقبلوني وحابة افضفض واحكيلكم قصتي
انا اتزوجت من سنتين ونص واول زواجي ربنا رزقني الحمل والحمد لله وغابت عني الدورة شهر وماراجعت الدكتورة بسبب ظروفي المادية وبيوم حكيت لازم أزور الدكتورة واتفقت مع زوجي اني اروح الدكتورة وسبحان الله قبل لاروح الدكتورة بيوم جاني احساس غريب ماكنت مرتاحة وبنفس اليوم الي كنت ناوية اروح الدكتورة نزل علي أجلكم الله دم بني وأخ على كمية الوجع والخوف الي صابني😭😭😭 المهم رحت الدكتورة خلتني اعمل فحص حمل الحمد لله في حمل فحصتني عالسونار مافي كيس حمل وعملت فحص حمل رقمي كل يومين الحمل بيكبر بس مافي كيس حمل ويجيبني مغص قوي وكتل دم ومازال الحمل يكبر ومافي كيس حمل بالرحم والدكتورة الله يسامحها ماطلعت شاطرة ورحت عدكتورة ثانية مع انها حكتلي غيبي اسبوع وتعالي بس انا ماصبرت اخذتني حماتي عدكتورة ثانية ولما فحصتني الدكتورة عالسونار واول ماحطت الجهاز اتفاجئة وخوفتني الدكتورة وحكتلي انتي عندك الماسورة منفجرة ولازم عملية فتح بطن ليش متأخرة عحالك هيك انتي عندك حمل خارجي ولما حكتلي هيك انا انفجرت من البكا ومش عارفة شو حمل خارجي 😭😭😭😭 وطلعت من عند الدكتورة وانا منهارة بالشارع وابكي ااااخ بس المهم عملت العملية وماشالَو الماسورة وماطلعت منفجرة واقسم بالله يابنات طلعت من العملية وانا اردد لا اله الا الله واسمع الدكاترة يقولو محمد رسول الله وانا لسة تحت تأثير البنج حسيت ربنا كان معي وبعديها بشهرين حملت وماكمل الحمل ونزل والان الي سنتين ماشفت الحمل لانو الماسورة تسكرت وبدي عملية بس الحمد لله عكل حال وانا استنى فرج ربنا حتى اعمل العملية واحتاج دعواتكم الي 😭😭😭