السلام عليكم عساكم بخير الغاليات..:27:
الله يسلمكم بنتي عمرها 6شهور اول بيبي لي و مسويه حس فالبيت صرآآآآآآآآآآخ وصيآآآح مب طبيعي:04:.. يعني راسي صدآع24ساعه وانا متعوده "ع" الهدوء وهي ماشآءالله عليهابشووشه..وزوجي عنده كل شي ولابنتي وياويل اللي يسوي فيها شي يعني لو ايش صار لو الموضوع مايستاهل بيعصب عليه ويسويها سالفه:mad: المهم كنت اسوي الغدآ وحطتها فالمشايه عند باب المطبخ وانا اعرف انها ماتقدر تتحرك فيها وكل شوي اطل عليها كان عندي شغل وآآآيد وانا بطبعي ما احب الخدم والمشكله نظام بيوتنا المطبخ بره البيت وثوآآآني بس الا اسمع صيآآآحها طليت عليها :44:إلا اشوفها طآآآآآآآآآآآآيحه من فوق الدرج وهي منجلبه فالمشايه وراسها منحشر عند زاويه الدرج.. يآآآآويلي على بنتي قلبي طآآآآآآآآآح مكانه ركضت لعندها وشليتها والغدا اللي على النار طبعا باي باي عليييه .. ماعرفت شو اسوي محد فالبيت إلا انا وهي وجيرآن ماعندي احد اعرفه وزوجي دوآمه بعيد ولودقيت عليه بيتم يحآآآتي المشكله كان رايح للدوآم بسيارتي ولا كان وديتها المستشفى دخلتها غرفتي وهي تصييح وفصختها ملابسها وتميت اشوف لو فيها شي وجسمي يرتجف بالحييل رجولي مب قادره تشيلني تمييت اصيح معاها:icon33:شوي ونامت انا خفت اغمى عليها اخذت الفون ودقيت على ابو زوجي وانا اصيح بنتي طاحت الله يخليه ماقصر ورحت المستشفى تصويير واشعه يا حياتي يابنتي وانا اقول فخاطري لو حطيتها دآخل المطبخ ماكان صار اللي صار والمصييبه تلاقيت مع امه فالمستشفى كان عندها موعد وحلفتها ماتقول لولدها شي وحبيب القلب ماعنده اي خبربس الحمدالله ماصار فيها شي بس مفظوحه لأن وجهها فيه رضه"ماراح نشرد من الهوآآش" طلع من الدوآم ودق طبعا فالبدآيه مهدت للموظوع عشآآن ماينفجع عالبنت وهو يقولي متأكده انج سرتي المستشفى و منو ودآج؟ وكيف طاحت؟ انتي اصلا مب أم ..وانتي وين كنتي..؟ ومن هاي الأسئله صدق اني صغيره فالعمر وماأعرف شلون اتصرف فهاموآقف بس قهرني اسلوبه؟ وسكر وطرش مسج يقول لي حافظي عالبنت ربج ستر هالمره لاتهملينها انتو أغلى شي عندي.. حسسني اني بالعماد مطيحتها واللي قهرني اكثر لمن وصل البيت جآ يشيك عليها..ويقول لي شو اتعلمتي من اللي صار اليوم وانا فخاطري لو انا اللي صاير فيني شي ما اتوقع تهتم لي هالدرجه..بس عجبه اني كلمت ابوه ومادقيت عليه يعني اني عرفت اتصرف.. ومن يومها ماصرت اخليها بحالها صح واللي يسئلون "ع" الغدآ ترانا طلبنا من بره:39:
غــــ الروح ـــلا @gh_alroh_la_17
عضوة جديدة
يلزم عليك تسجيل الدخول أولًا لكتابة تعليق.
امواج الامس
•
الحمد لله على سلامتها وانتبهي لها
الحمدلله على سلامتها والله يحفظها لكم من كل شر
معليش حبيبتي طولي بالك يااااااااااما حاتشوفي منه دامها اول بنوته
اكيد بيكون جل اهتمامه فيها وبيخاف عليها من نسمة الهوا
وانتي بعد حاااولي ماتخلينها بروحها لو مهما صار
وتأكدي انه ماقال هالكلام بس عشان يقلل من قدرك والا انك ماهميتيه
لا بالعكس هو قالك كذا عشان يكون لك درس هالمره وتحذري من المرات الجايه
الله يجعله ااخر المكروه
معليش حبيبتي طولي بالك يااااااااااما حاتشوفي منه دامها اول بنوته
اكيد بيكون جل اهتمامه فيها وبيخاف عليها من نسمة الهوا
وانتي بعد حاااولي ماتخلينها بروحها لو مهما صار
وتأكدي انه ماقال هالكلام بس عشان يقلل من قدرك والا انك ماهميتيه
لا بالعكس هو قالك كذا عشان يكون لك درس هالمره وتحذري من المرات الجايه
الله يجعله ااخر المكروه
الصفحة الأخيرة