السلام عليكم
عندي مشكله وابغى لها حل والرجاء تعطوني حلول لاني بنجن فعليا
عندي توائم أعمارهم سنتين ونص مزعجين وصعبين بشكل مو طبيعي صياح على توصيخ على خراب كل شي متعبيييين راسي شيب منهم وجاتني انهيارات عصبيه ماقدر ازور احد ماقدر اروح سوق ماقدر ارتاح اليوم كله مطارد وراهم احسني كرهت اليوم اللي جبتهم فيه تعقدت من الاطفال وحتى خلفه مافكر اخلف بعدهم وعمري مو صغير اصلا مدري متى يهجدون عني تعبوني مره حتى نفسي اهملتها وصحتي
صرت اخاف من فكرة الحمل مره ثانيه لان اثنين طلعو عيوني كيف لو احمل بعدهم ايش بيسير وبنفس الوقت مابغى عمري يروح واكبر ومايمدي لي اخلف
يروحون اماكن خطيره يطلعون على الطاولات كل شي يسوونه تعبت
الاونه الاخيره من كثر مايعصبون فيني اوقات اصرخ عليهم واضربهم واندم لان حرام اخاف يتعقدون
تعب لااخر مراحل التعب
Bedo.o @bedoo_5
عضوة
يلزم عليك تسجيل الدخول أولًا لكتابة تعليق.
يجزيكي الله عليهم جنه الفردوس اختي
اكيد تربيه التوائم صعبه خاصه اذا كنتي وحدك ما معك حدا من اهلك
اشوف ان اقتراح غيمه نجد حلو خصصي لهم غرفه يجلسون فيها حتي لو تسكري عليهم وحطيها فيها اشياء تسليهم ويحبونها وبالنسبه للخروج معرف ان الاولاد وخاصه في هالسنه صعب الخروج معاهم
اخرجي بيهم عند الضروره فقط ويكون حدا معك بالطفل الاخر
اعتقد سنتين ونص يفهمون عليكي من كلامك صحيح ؟
اكيد تربيه التوائم صعبه خاصه اذا كنتي وحدك ما معك حدا من اهلك
اشوف ان اقتراح غيمه نجد حلو خصصي لهم غرفه يجلسون فيها حتي لو تسكري عليهم وحطيها فيها اشياء تسليهم ويحبونها وبالنسبه للخروج معرف ان الاولاد وخاصه في هالسنه صعب الخروج معاهم
اخرجي بيهم عند الضروره فقط ويكون حدا معك بالطفل الاخر
اعتقد سنتين ونص يفهمون عليكي من كلامك صحيح ؟
حلا☕
•
قناة طيور الجنه هي الحل تخليهم يهجدون كذا ساعه حتى ترتاحين+جيبيلهم ألعاب بالحوش زحليقه ومرجيحه وألعاب تركيب ولوحات يشخبطون عليها +إذا تقدرين جيبي شغاله تكرف ف البيت وانتي تفضين لعيالك والله يعينك ..
سهاد🤍
•
طبيعي الام لو عندها طفل واحد تمر بحالة الانهيار هذي فكيف لو كان تؤام اكيد اصعب
ضروري زوجك يساعدك فيهم او اي احد من اهلك بين فترة وفترة
الله يحفظهم ويصلحهم لك 🌷
ضروري زوجك يساعدك فيهم او اي احد من اهلك بين فترة وفترة
الله يحفظهم ويصلحهم لك 🌷
الصفحة الأخيرة
واذا ظروفك تسمح جيبي عاملة ارخص شي تساعدك
يقولون أول كانت الدولة توفر عاملة للي عندهم توائم يعني هذا الشي معروف ان الي عندها كذا تحتاج مساعدة
فيه فكرة بعد انا اسويها لينتي مع انها توها ماتمشي بس تحبي عندي غرفة فاضية تماما بس موكيت وفيها ألعابها وخيمة الكور اذا بغيت آكل او اتسدح اجلس فيها اضمن ماتتعبث بشي ولاتتعلق وتتكرفس
فحاولي تهيئين غرفة بشقتك او بيتك تكون امنة تماما وخلي الوقت الي بتسترخين فيه فيها
اقري عن اشياء تفرغ طاقة الأطفال اذا تقدرين تحطين لهم حوض رمل مرة حلو ايضا الحين الجو يساعد خصصي وقت للبانيو لو ماعندك مكان عادي طشت جنب الحمام يطرطشون يفرغون طاقة