يارب ترزقني بولد

السلام عليكم ورحمة الله وبركاته
اخواتي .........سئلتكم بالله كل من قرات موضوعي ان تدعي لي ان الله يرزقني بولد
فربما دعوة واحده منكم تستجاب
انا حبيت اقولكم تجربتي والله العظيم كل يوم قلبي يتقطع الم....... واملي بالله كبير
انا وللله الحمد قبل شهر رزقت بالبنت الرابعه.....الحمدلله زوجي مو محسسني بانه زعلان
ويقولي البنات احسن من العيال
وان الرسول كان عنده بنات وهو افضل خلق الله..انا كلام زوجي يطمني ويريحني
بس ..انا بفترة نفاسي مرة علي حاله نفسي سيئة جدا.......انا راضيه بقدرة الله بس كلام الناس
الي تقولك والله فرحنا انك ولدتي بس والله انا زعلت يوم جاك بنت
لالالالالا نسيت اقولكم موقف اخت زوجي .وابي منكم تقولون لي موقفكم لو انكم مكاني
تراني غريبه في البلدالي انا فيها وما عندي احد اسولف معاه.اهلي.........بالرياض
المهم....
انا كان نفاسي عند اهلي ....وزارتنا اخت زوجي تخيلوا ايش قالت لي يوم دخلت على وانا توني والده
هي طبعا قالتها تمزح.......بس والله العظيم مزحتها .لو تدري قطعت قلبي
قالت لي طيب انا بزوج اخوي شكلك ما تجيبي الا البنات
انا عاد سكت. امي الله يحفظها لي ..شافت الموقف.....


والله طاطات راسي كانت دموعي تسبقني واخت زوجي ما كانت منتبه لي انا اصيح
قامت امي وقالت لي يام فلانه كلمي خالك ابو فلان روحي له يبيك تسلمين عليه
انا قمت .ومسكتني امي .قالت لي ليش تبكين...هذا انسانه جاهله ......والبنات رزق من الله

ومن ذاك اليوم كل ما اتذكر كلمة اخت زوجي ابكي ابكي.واقول ياربي ذا الشي غصب عني
انا ايش اسوي بعمري؟
حتى بنتي من حالتي النفسية السيئة ما صار في لبن وهي الحين عندها شهرين.بس والله ان غلاتها بالدنيا كلها.وانا من يوم ولدتها كنت فرحانه فيها
بس بعض الناس الله يهديهم كلامهم.يسم البدن
الله يرحم والديكم
الي تدش موضوعي تدعي لي وتتذكرني بصلاتها
تحياتي