هلا حبيباتي
تقريبا كل رواد القسم يعرفوني
بقولكم قصتي من البدايه
بديت رحلت علاجي بالكلوميد والابر التفجيريه لمده 4 شهور تقريبا والشهر الرابع من العلاج ما خذيت ابر تفجيريه وحده من زميلاتي نصحتني بكذا
وفعلا ربي كتب وحللت بالبيت وطلع خط واضح وخط خفيف يابنات وربي من الفرحه قمت ادور بالبيت وارجف ( استغفر الله ياربي )
ورحت ويا السواق وحللت دم وطلع حمل
رجعت البيت وجهزت شموع على شكل قلب وحطيت صندوق هدايا صغير داخلها ورقه مكتوب عليها سوف يتم اسلام الهديه بعد 9 شهور
انا حااامل
وجهزت عشا ووصل بو الشباب
عباله سهره عاديه كنوع من التغير
عقب العشا
رحت يم الغرفه اللي جهزت بها المفاجاءه وولعت الشموع وناديته وللان مو فاااهم شنو السالفه بالضبط ضحك وفتح الصندوق
يوم فتح انا قمت اصيح طالع بالكرت وبكا وسجد بمكانه والحمدلله كنا طايرين من الفرحه
بعدها خذيت من الدوام اسبوع راحه
ورديت الدوام والامور طيبه بعد شهرين بالضبط وتحديدا بدوامي خرجت من حصتي حسيت بافرازات رحت الله يكرمكم يم دورة المياه
وما اشوف الا مويه ودم وربي يابنات ضميت رجولي مابيه يطيح وقمت اصيح
ودقيت على زوجي وجا خذاني للمستشفى وفي الطريق كله بكا واستغفار
رحت لدكتورتي وعملت سونار وقالت كيس الحمل باااقي فيه طبعا فرحت وتغيرت ملامحي 180 درجه
بس قالت لازم عمل تحليل نسبة هرمون الحمل
ورحت سويته نفس اليوم وسويته بعدها بيومين وللاسف النسبه نزلت
ورحت للدكتوره قالتلي الله يعوضك خير لازم توقفين المثبت
ولازم تنظيف
بس تصدقون يابنات ربي نزل على صبر وهونها
ياليت كل من تقرا قصتي تدعيلي بالحمل الثاااااااااااااااااااااااااااابت في القريب العاجل
بس في سوال محيرني الكلويد يسبب اجهاااض في بعض الحلات
لاني سويت بحث وقريت اكثر من موضع يقولون فيه كذا
اللي عندها خبر اكيد ياليت تفيدنا فيه
والله يرزق كل محرومه
رشة عود @rsh_aaod
محررة برونزية
يلزم عليك تسجيل الدخول أولًا لكتابة تعليق.
يارب ترزقنا الذرية الصالحه
انا متزوجه لي ثمان سنين ولاحملت ابد 0000
بس عند الله خير كثير ****لله
انا متزوجه لي ثمان سنين ولاحملت ابد 0000
بس عند الله خير كثير ****لله
رشة عود
•
يارب ترزقنا الذرية الصالحه انا متزوجه لي ثمان سنين ولاحملت ابد 0000 بس عند الله خير كثير ****للهيارب ترزقنا الذرية الصالحه انا متزوجه لي ثمان سنين ولاحملت ابد 0000 بس عند الله خير كثير ****لله
اللهم امين
الله يرزقج يالغلا
اللهم ارزق اختي روح سلطانها بالحمل العااااجل اللهم امين
الله يرزقج يالغلا
اللهم ارزق اختي روح سلطانها بالحمل العااااجل اللهم امين
الصفحة الأخيرة
يارب امين
اللهم لا تذر اختي رشة عود فردآ وانت خير الوارثين
يارب يارب يارب
ويرزقنا ويرزق كل محروم