السلام عليكم ورحمة الله وبركاته

هلا بيك اختي راضيه وكل الاخوات

بصراحه انا مع الاخت شلهوبه بكل كلمه تقولها وتسلم وما قصرت الله يعطيها العافيه

حبيبتي انا لي متزوجه 25 سنه وشفت بلاوي والحمد لله

انصحك حبيبتي بالدعاء بكل ركعه تركعينها وان شاء الله تولدي بالسلامه ومثل ما قالت لك شلهوبه فترة الولاده خليك عند اهلك وهذا شي طبيعي انه لمى الوحده تولد ما تروح الاعند اهلها والناس الي تخافي من كلامهم مستحيل راح يتكلموا ووقتها تفاهمي معه وصارحيه بكل شي ولا تخافي شيلي الخوف احكي له كل الي بقلبك وشوفي وقتها وش راح تكون ردة فعله

مع اني متأكده انه ان شاء الله راح يرجع لك ويرمي كل الي يعرفهم ورى ظهره ان شاء الله

الله يصخره لك ويهديه يا كريم

وعليك بدعاء (( وجعلنا من بين ايديهم سدا ومن خلفهم سدا فاغشيناهم فهم لايبصرون ))

والله يفرج همك ويريح بالك اختي الكريمه

شوفي عزيزتي
اتذكر مرة الشيخ البسام الله يرحمه كان بالتلفزيون واتصلت عليه اخت مصرية وجلست تشكي وتشكي وش رد عليها الشيخ ؟
قالها ساحريه :)
انهبلت المصرية قالت اسحره يا شيخ ودا يجوز وازاي وعند مين وماادري وشو
وقام المذيع اللي مع الشيخ صلّح الوضع وقال ساحريه يعني بالاسلوب والتدليع والحركات

ما عمرك سألتي نفسك هو وش يبي بالبنات اللي حوله ذولي ؟
انتي مو ناقصك شي طيب ليش يطالع غيرك؟
اذا هو في دمه وطبعه كذا من قبل ما يتزوجك يمكن البعد عن الله والوحدة والرفقة السوء قبل الزواج خلته كذا واستمر بعد الزواج في باله ان الوضع عادي
واذا ان هذا الشي بدا بعد الزواج فمعليش اقولها لك الغلط منك انتي
حبيبتي ابنك على ما تربيه وزوجك على ما تعوديه

اول حاجة لفت نظري كلامك انكم سألتم عليه وسيرته زينه وكلن يمدح فيه
معناها ان اللي بيسويه هذا طيش شباب مو عربدة في دمه (اسفة عالالفاظ)
وبعدين اذا كان ماتهميه انتي ما كابر وانكر ولا كان اصلا صبر عليكي
اذا هو راعي بنات ولف ودوران ليش مبقيكي عنده الا انه لك بالنفس معزة
بالذات رجال الايام هذه عندهم تغيير الحريم زي تغيير الجزم تكرمون الا ان كان حاط لك اعتبار في نفسه
لو ما لك اعتبار في نفسه ما قفل جواله
حبيبتي انا وحدة من صديقاتي زوجها يكلم قدامها ويقولها بتغيري يا بطة؟
هو طيار وكل ما سافر يقعد يحكيها عن بنات لبنان وماادري مين الرومانية وماادري مين المضيفة ؟ زوجك يسوي كذا ؟
لا طبعا إذن في بقلبه احترام وان ما كان احترام فهو خوف انتي وحدك تعرفي هالنقطة
تدري الحين طنشي الموضوع وربنا يمتعك بالسلامة وتجيبي لنا ولي العهد اللي يملى عليكم دنيتكم وطبعا النفاس كله اقعديه عند الوالدة وشوفي وش بيتغير فيه ؟
هل حيفتقدك والا بيستغلها فر صة؟
وخلصي من النفاس من هنا وعلى اقرب كوافير من هنا وهاتك يا قص على صبغ على تكسير دهون على مانكير على بديكير على فتلة على حلاوة والذي منه
ومري بالطريق نعومي وربعه وطقي لك كم قطعة يطيروا العقل
وارجعي بيتك اميرة زمانك
اقلبي كيانه بجد
كوني جديدة كل يوم حتى لو اساء لك تحملي وكافحي واصبري
فاجئيه
سوي حركات ما تخطر على باله
خليه كل ما دخل بيته يشوف حرمة غير اللي كانت يوم يطلع من البيت
خلي بيتك يوم صيني ويوم هندي ويوم امريكي ويوم فرنسي ويوم مصري والبسي واكشخي
واهديه وطيري البرجين اللي في نافوخه بحركاتك
اذا كان قاعد لوحده او مشغول حتى لو يكلم بالتلفون روحي سوي لك ذاك العصير اللي يدووووووخ وجيبيه له اياه واطبعي على خده بوسة
شوفي هو وش يحب حتى بعلاقتكم الخاصة حاولي تجددي وتغيري خليه يحس بالتغيير وان شاء الله يتغير هو
حاولي بكل طاقاتك
والله الغنج والدلع يجيب اقدعها شنب

وفي شي بعد حاولي تخليه يتقرب من الله اكثر واكثر
اضغطي عليه
اذا كان بالبيت ممكن تشغلي المجد او اذاعة القرآن خليه يسمع آيات الله يمكن تجي آية في قلبه وتغير حياته

وايااااااااااااااك اياااااااااااااااااااااااكي من فتح موضوع انا ابكلم شباب والا انا ابسوي اولا انتي بنت ناس ومحترمة ما ترضي تنزلي مستواك لهذه الاشياء وثانيا اصحك ابدا تثيري غيرته حتى لو مزح
الرجال ما ينسوا ابداً
واياكي اياكي بعد انك تزعقي وتتهاوشي صدقيني الرجال ما ينفع معهم الهواش دايم بيطلعك انتي الغلطانة وانتي حتنسي وهو يعايرك فيها خذي كل شي كول
وربنا يسخر لك هوا يارب

------------
وأولاً واخيرا انتي ادرى الناس بوضعك ؟
هل في امل والا لا؟
هل هذا عيبه الوحيد والا في غيره؟ هل يسئ معاملتك ومبهذلك والا بس اذا رفعتي صوتك هاج وماج؟
ربي يوفقك ويهدي سركم يا رب ومافي بيت يخلى بس هي الحرمة اللي بيدها تعمر عشها والا تدمره
تحياتي لك

الله يكون بعونك وعوني

حالتي مثل حالتك

تدرين وش سويت ؟؟

عرفت ان له علاقه من 3 سنوات

وكنت وقتها حامل .. في الشهر الساادس .. عصبت وتنرفزت وتهاوشت معه وهو ينكرر .. اصريت اروح لامي .. شافني اخوي وزعل قال غبيه غبيه احد يترك بيتها بهالسهوله .. وهذي اول مره اترك بيتي من حياتي كلها او احد من اهلي يشوفني متزاعله من زوجي..
رجعت للبيت باامر من اخوي وهو الي رجعني وقال حليها بهدوء ولاتخسرين حياتك .. نزوه وتعدي .. رجعت تكلمت معه وتأسف وقال ماتسوى ظفرك ونزوه وجاب لي هديه ومشت امورناا .. بعدين فكرت اكلمها ابرد حرتي اتصلت على البنت من جواله وهو نايم وتكلمت معها ..

تاسفت وقالت مادري انه متزوج ... قلت اسمعي

زوجي متزوجته من 16 سنه وعندي اربع عيال والخامس في بطني ... وترى اعرف علاقتكم وساكته ولا قلت له شي .. ترى اقراء مسجاتك وامسحها قبل يشوفها ... ترى اقراء ايملاتك وامسحها قبل يشوفها ... تبينه للحين ؟؟

قالت لا مادريت ومن هالكلام وياليت تعطيني رقمك عشان ابيك .. قلت اسمعي لاتقولين اني كلمتك ولاشي وخافي ربك ومن هالكلام

قفلت من جواله ورجعته لمحله ولاكن صار شي

بعدهاا وآآآآآه من الي بعدهاا

سقطت ومات الطفل في اخر الساادس وتعبت نفسيتي

جلست بعد هالسالفه وفي بالي انهاا صدقت في كلامها وتركته... طبعا ماشوف مسجاتها ولا اشوف ارقامها

وتطمنت ... بعد سنه ونص حملت للمره الثانيه الي هي الحين
واكتشفت انه للحين على علاقه فيهاا

بس بنت اللذينا حرصته وصار يمسح ارقامها لاكلمها ويمسح مساجاتهاا

مره شفت مسج مامداه يمسحه الظاهر نساه .. اخر المسج كاتبه لاتنسى تمسح المسج بعد ماتقراه... شوفوو قواة العين

وطول هالسنه والنص وانا غافله ومتطمنه

خاصه ان زوجي قلليل الطلعه من البيت.. ولاهو راعي سفريات .. ودايم يم عياله ويهتم فيهم

هالفتره اكتشفت انهم للحين مستمرين وهي من دوله خليجيه
بس اتصالاتهم وهو بالعمل ولا اذا طلع شوي من البيت

وانا معطيته الامان افتش من وراه بهدوء اقراء ايملاته بهدوءء اعرف وش تخطط وش يبي منها وانفذها بنفسي عشان املي عينه خاصه وان مو ناقصني شي والحمدلله

ومازال الوضع

يمكن كثير بيقولون شلون صابره ؟؟
اول شي اني حامل
ثاني شي اهتمامه فيني فوق ماتتخيلون
وحياتنا روعه
يطالع خاطري قبل اقول وش ابي
ماخذني وانا عمري 17 ومن اول شباابه وانا معه

بسس هالغصه في حلقي مو راضيه تروح
احيانا اقول يمكن ساحرته .. الله يكون بعوني وعون كل الي مثلي
لحد يحسبه هينه صبري وسكوتي والله انه مثل النار تشب في قلبي
بس اخرب بيتي ؟؟ اروح لاهلي واشتت عيالي ؟؟ مافيه غير الصبرر والدعاء كل ليله

والله يفرج همي وهمك ياا اخت راضيه

هلا الغاليه انا ويا الاخت تنتوفه ويا كل كلمة قالتها لازم ينحط حد للموضووع لان ها شي مب هين يعني هاي سنتين جي ويين لو 10 سنيين ؟؟ لا تسكتيين عنه والريال مب اهم شي فالحياة بس انتي اصبري لين تقومين بالسلامه وبعديين ان ما اعتدل حاله قولي لاهلج هم عزوتج والله يوقفوون وياج يعني حرام تعيشن معذبه طول حياتج يبيض شعرج وتنهميين وانتي صغيرة ..................... الله يعينج والله اتنرفزت ابصراحة:(

شايب او رجل متزوج يقدرك افضل الف مره من رجل زي كذا