السلام عليكم ورحمة الله
الله يعينك ويصبرك ويفرجها لك يارب ويقومك بالسلامه هذااول شي

ثاني شي يابنات وش فيكم ردودكم سلبيه كذا بالله لو هالشي لوحده منكم صار كنتوا كذا بتقولون نصبر وندعي والله يعين وبس ؟؟؟؟

شوفي اختي .. اول شي انتي ماقلتي لنا كيف زواجكم تم

يعني قريبته مثلا او احد اجبره عليك؟؟

كيف علاقتكم اول الزواج..يعني تحسين انك من اخذتيه وهو كذا ولا بعد فتره تغير ؟؟

ثاني شي اسألي نفسك هل لو كان هو فمكانك بيقول اصبر عليها وادعي الله يصلحها وبس ؟؟

وربي ان يقتلك ويشرب من دمك... اه بس من هالمجتمع الظالم

ثالث شي .. انتي لما تولدين لاترجعين البيت هذا اذا كان عندك كرامه

انتي صغيره ومو ناقصك شي منتي مضطره تصبرين على واحد مثله

اذا كانت ظروف اهلك تسمح انك ترجعين عندهم لاتقعدين عند واحد زي كذا ولا دقيقه

مابتستفيدين شي وذيل الكلب عمره ماينعدل

مرة خالي كانت مثلك خالي الله يصلحه كان يكلم قدامها ولايهتم وهي تقول اصبر الله انشالله يمل انشالله يعقل

وكانت النتيجه ان لاعقل ولامايحزنون بالعكس خسرت اكثر واكثر فلوسه ورواتبه كلها على البنات .. وهي كل سنه جايبه ولد لحد ماجا اليوم اللي فعلا طقت من وضعها وقالت خلاص مابستمر تعبت

فهذا الوقت لقت عندها سبع اطفال ان طلعت من بيتها هي الخسرانه لان محد بيتحملها هي وعيالها وان قعدت بتستحمل قلة ادبه واسلوبه

والحين وربي ما اكذب عليك انها مريضه نفسيا وجتها امراض عضويه كثيره كله منه


فاذا انتي ماتحبينه وتقدرين على فراقه اطلعي من بيته فاقرب وقت

لانه ماعزك وانتي توك متزوجه كيف بيعزك بعدين .. اللي مثلك يعتبرون عرايس وعايشين احسن عيشه... لو كانت المشكله ماديه كان قلت اصبري عليه ولو كانت مشكله من اهله قلت لك اصبري عليه

لكن المشكله فزوجك وانتي عارفه ان عندنا الوحده مالها الا زوجها اذا انصلح انصلحت حياتك واذا خرب انسي تعرفين طعم الراحه والسعاده

اطلعي وكلمي ابوك بالموضوع بكل قوه واحسبيها صح ونادوه فبيت اهلك وصارحيه بكل شي قدام ابوك وقوليله يا اما تصير رجال زي الناس ولا الله الغني عنك
بكرا تقعدين وتصبرين ويضيع شبابك ويصير عندك بدل الولد عشره ومابيتغير شي

انتي وضعك هذا ماينفع لانك ساكته لا انتي اللي صارحتيه ولا انتي اللي اشتكيتي لاهلك

الحل مو بيدينا الحل بيدك انتي لما تمر السنين وتتعبين وتروحين تشتكين بيقولون لك توك تتذكرين لبيش ماقلتي من زمان خلاص استحملي واقعدي عند زوجك وعيالك

هذا االلي اقدر اقولك اياه لان رجال هالزمن ماينفع معهم لاصبر ولا غيره
فكري بمستقبلك وبحياتك ولازم تكلمين احد لاتسكتين سكوتك بيخليه يتمرد اكثر واكثر

الله يصبرك ويعينك
ويهدي زوجك

انا مع تنتوفه بكل كلمه قالتها

كيف قادره تتحملين و احد يكلم غيرك لا و يقابلهم بعد ؟؟

ماتدرين بكرا وش البلا اللي بيجيبه ؟؟؟

الحل مثل ماقالت تنتوفه ..
بس اصبري لبعد الولاده لانه بكرا بيغلي الولد و يمكن هدايته تكون بشوفة ضناه
و يستقيم لاشافه



ام محمد

انا رايي من راي تنتوفه والله يعينك يارب