شوفي حبيبتي خوذيه معك لسوق وأشتري ألعاب هو يختارها وبعضها أشتريها بدون مايشوفها جيبي كارتون كبيرعلى حسب كمية الهدايا دخلي فيه الهدايا ثم غلفيه بتغليفه حلوة وأفتحي فتحه مربعه صغيرة تطلع معها الهدايا وعلى جهه حطي ورقه كبيرة فيها النقاط إذا أخطى أخصمي عليه نقطتين وأذا سوى حاجه حلوة أربع نقاط بكذا يتحمس خليها منافسة بينه وبين أخته وإذا جيتي من أهلك خلهم يأخذون هديه من الكرتون إذا أخطى هو أو أخته خليك صارمه معاهم أعطى من فاز في جمع النقاط وبكذا بأذن الله راح يتحسن
أسأل المولى أن يقر عينيكي بصلاحه ولاتنسي الدعاء له في مواطن الأجابة

اختي حاولي يكون عند الاطفال شي يسليهم في بيت اهلك مثلا العاب او مسبح
انا عند اختي ولد عمره سنتين والله مجننا وينكد علينا في اجتماعاتنا مايخلي شي مايسويه السفرة ويسحبها وترامس الشاهي ياخذها ويرميها على ابوي وامي وحتى لاصارت بنتي الصغيرة وبنت اختي الانية يرضعون على طول يشوتهم ويسحب الرضاعات منهم ويرميها عليهم (كل ماطلعت من عند اهلي شريت رضاعة جديدة لبنتي لانها تنكسر عندهم) وهذا غير انه يضرب ولدي اللي عمره خمس سنوات واخوي الصغير وتكسير الفناجيل المهم انه صار مرعب واختي صار يضيق صدرها منه واحيانا تصيح من القهر والبهذله من ولدها ففكرنا في فكرة حلوه بدل هالنكد الدائم صرنل كل فترة نشتري شي جديد مثلا اشترينا نطيطة كبيرة وفيها العابهم وكورهم صاروا يجلسون فيها فترة طويلة يلعبون وبعدين صرنا نشتري دايما العاب مشتركة بينهم والحم لله ارتحنا شوي

بس انتي ولدك كبير شوي المفروض انه يفهم يعني حاولي اولا ماتأخذينه كثير عند اهلك عشان ممكن يخجل شوي
وخليه مع ابوه وبعدين خذي معك العاب الكترونية مثلا قيم بوي او غيره من الاجهزة بحيث يقضي وقته فيها

بس ابتعدي عن الضرب وخذي عهد على نفسك ماتضربيه والله ماله فايده
والله يعينك

الله يعينك ويصلحه ويهديه
ويفرح عينك فيه ياكريم

معليش لا تضربينه والله حرام كلنا امهات ونعصب انا ولدي
امس عمره ثلاث سنوات الله يحفظه قال صبي لي عصير
وصبيت له ويقول لاء زيدي عصير واصب له قلت خلاص و
قعد يصيح بأعلى صوته يقولي زيدي عصير وامتلاا الكاس بغيت اكفخه وتعوذت من ابليس وطلعته برا المطبخ لين عقل وتأدب وعطيته كمن كلمة مدح وسكت يا عمري لازم تصبرين معليش الله يهديهم ويسخرهم

والله كانك تتكلمي عن ولد اخوي
والسبب هوالضرب من امه وابوه
والله يوم يجي بيت اهلي بس يضرب ويخرب
وماله الاحل وحيد عامليه بهدؤوتطنيش
صديقني الضرب يولد العدوان
والحل خليه مع ابوه
الله يهديه لك يارب