يارب تفرج همي وهم جميع خلقك

لا أله ألا الله
انا مجهوله الابوين ومطلقه وربتني حرمه فاضله ووربت بعد بنت وهي تصير اختي في التربيه
امي(الحرمه الفاضله) مطلقه وعايشه مع 2 من اخوانها
بيتنا مكون من امي+اختي+خاله كبيره فيالسن غير متزوجه+3من بنات خالي ابوهم منفصل عن امهم
يا خواتي ضاربتني ضيقه من الخميس الى طاف مب عارفه السبب والنفسيه زفت زفت، مع اني الحمدلله ملتزمه ومحافظه على كل فروضي ومااسمع اغني خير وحياتي من البيت لين الشغل والطلع لضروره (خياط او عياده او جمعيه)
والحمدلله بفضل رب العالمين توفيقه مسباحي صديقي وين ماروح
تعبت من التفكير في الموضوع ابي ارتاح
عندي اسباب وبعرضها عليكم احسها جزء من المشكله:
1-قله الصديقات: للاسف حظي مع الصديقات ربي يعدله اقل شي يوم صارت سالفه طليقي اول من وقف في ويهي وعاداني صديقتي 5 سنوات وكانت تعرف كل شي صاير بحياتي والله العظيم مت من القهر حتى مافكرت ترفع السماعه تقول شسويتي بلعكس قال بلحرف( اكيد امه_تقصد ام طليقي_ ساعدتني على خراب عرسه) وربي شاهد علي لاناقه فيه ولاجمل ،تدرون كنت اشتري عطور على 700 ريال واذا عجبها عطيها، طلعات ودخلات معاها وكله على حسابي تقريبا، كنت اقول معليه (الزاد يفنى والرفيق يدوم) وقاطعتني تقولون مرتكبه جريمه، والحين مقر شغلي برج والانصنصير مختلط فصرت البس عبايه راس واتغشى يوم تشوفني تضحك بااستهزاء تقولي انتي شمسويه بنفسج،اقول في خاطري انتي اشعليج،ولدي عمر سنتين و4شهور. اقولها بدخله حضانه خاصه وبعدين بنقله مدرسه دينيه لان حلمي اشوفه حافظ كتاب ربه واامام مسجد تقولي لاتعقدين الولد.احس يوم بنفجر فيها ،الحمدلله عمري ماغثيتها بكلمه مع انها كبيره عمرها 45 سنه،صرت مااحب اشوف ويها خير شر كل شي تنتقده، ماعرف ليش تعاملني جذيه خاطري اعرف وماابي اسئلها
والله قبل اي سفره اتصل لها اشوفها تبي شي ،مرضتني
هذا جزء من تصرفاتها معاي
والثانيه مطوعه وملنزمه والعشر الاواخر في مكه.ويوم بس عندها شي فس عقلها_يارب لاتلبينا- يعني البنت تقول بنت قبيله عادي قليله ادب بتحترمها غير كذا لا.كانت اقرب وحده كنت قبل الشفر اكلمها يا فلانه تبين شي من السفر حزات تطلب وربي ماقصر معاها.تبي الوحده فاضيه 24 ساعه تكلمهت في التلفون طبعا بعد مانرجع من الدوام. ماتخلي شي ماتسئل عنه, يوم ربيت سوت تحقيق فلانه شجابت وعلانه شجابت: وللاسف هي مامدت يدها بريال لابنب ولابصينينه حلاوه، وتنتقد خلق الله،والى يقهر انها معاي بنفس الشغل. مرات ادخل مكتب المسئوله اسلم حتى السلام ماتسلم واذا دخلت مكان اطلعت او صدت الصوب الثاني-يارب لاتلبينا
وفيه بنات يبوني اطلع مجمعات وسينمات واشل الغشوه واقل شي احط روج
انا كيفي محد له شي عندي والله ماتركت هذا كله الا رضا لربي والا الحمدلله اقدر اسوق واطلع ليسن واسوي كل شي.بس الحمدلله على نعمه العقل والدين
يومي بين امي و ولدي والعباده
هذا جزء من تصرفات الصديقات
2-عندي اختي اصغر مني 24 سنه وانا 36سنه وهي تشتغل مثلي لكن للاسف لاصلاه ولا ديانه عايشه حياتها نفس البهايم اكل وشرب وطلعات ولبس وبس ،قلبي يعورني عليها حاولت معاها الله يهديها بس مافيه فايده،والى قاهرني انها ماتذكر امها بريال خير شر:امي فديتها كبيره بالعمر 75 سنه وبدت تخرف ويبي لها طوله بال وصبر.وهي ماتدري عن امها تغدت او تعشت. والحمل كله علي تعبت وتعبت وصرت عصبيه. (امي مطلقه ويمشي لها راتب من الشوون 3000)مايكفي لان عندها خدامتين غير مصروفها الخاص،والله احبها و ودي اعطيها اعيوني، ابيها تكون مرتاحه وابي اشيلها في كبرها نفس ماشالتني في صغري،حرام على اختي يوم فصلت جلابيه او شرت شي لامي،وامي يوم كانت بصحتها كانت تقولي خاطري اختج اتحط 50 ريال في فاين وتعطيني،تعبت من المسئوليه زهقت وتمللت
وخوالى ماشاءالله عندهم الخير وزيلاده مايحطون ولا ريال في البيت (المطلقه عندنا يعطونها بطاقه تموين 2كيس رز+2كيس سكر+1كرتون حليب+1كرتون زيت وانا اجيب التموين) خالي الكبير ماخذ بطاقه تموين امي ويقولي انتي اصرفي على ابيت( خالي 75سنه وغير متزوج وعنده ملايين الملايين وبخيل علينا
3-انا: هاديه وفي حالي مااحب السهر والكلام والفاضي مثقفه وملتزمه وواحب اساعد الناس (اشتري اكل وماي اوزع على عمال الشوراع اقول ابير ربي يرحمني مثل مارحمتهم)مااطلع من البيت:مطلقه ظلم وافتراء وبهتان للاسف حظي في الدنيا قليل لاصديقات ولا شي، الكل ينتقدني خصوصا البنات وخالي الكبير لاني ملتزمه وماحط مكياج ومادور في المجمعات بدون سبب،وطلعتي قليله مررره يعني خياط عياده مرات اودي ولدي الالعاب في الشتا نروح مع امي العزبه.نسافر لاهل امي في الامارات غير كذا مافيه وانا اصلاماحب الطلعات ولااحضر زواجات لاني مااسمع اغاني وماحب التفصخ الى اشوفه فيها
احب اراعي امي واشوف طلباتها وانام من وقت لصلاه قياام الليل والفجر والحمدلله مسباحي مايطيح من يدي. حاجه ماخذتها بفلوسي ربي موفقني فيها صديقات عدم. كرهت الصداقه.افضل اقعد بدون صداقه من الى شفته. عندي صديقه مصريه في الاربغين من عمرها هي ملتزمه مثلي الحمدلله مرتاحه معاها بس في الشغل لا اقعد بروحي اغلب اليوم.
كل ماسويت خير لانسان ينقلب شر، حتى ام طليقي والله حاطتها امي الثانيه عمرها مااتصلت تسئل عنا,تتصلي اذا تبيني ادفع فاتوره جوالها واقول حرام بدفع بريحها بدل ولدها الى طردها وفي الاخير هاوشتني وطردتني عشان تبي زوجه ولدها اهلها عندهم خير ونعمه
ماعرف تعبت وتعبت وتعبت مليون مره ادور رضا ربي في كل شي
ضايقه وايد وايد
الحمدلله استغفر واذكر الله طول الوقت،، ماعرف ليش نفسيتي زفت هل من ظروفي او من قله الصديقات او من قله الحظ.
اليت الى عندها حل تساعدني جزاها الله خير
اسمحولي كلامي ملخبط
يارب بعد هضيقه فرج