عزي نفسك
الطلاق ارحم مليون مره من وضعك ذا
خلي لك كلمه مع اهلك
خلاص الضمان يجيب لك مقطوعه تكفيك انتي وبنتك النص بالنص
وانتبهي تحملين انتبهي عشان مانجيبين ثاني وهنا كل شي بيصير على راسك

اول شي
وقبل كل شي اقراي الرقيه الشرعيه وكثفي منها
واذكار الصباح والمساء بعد صلاه الفجر وبعد صلاه المغرب لازم تقريها كل يوم
صلاه الضحى 4 ركعات مهمه جدا جدا
الاستغفار 100 مره باليوم
صلاه في ثلث الليل الاخير ولو 3 ركعات
الدعاء بتيسير الحال

حاولي بقدر الامكان تستمري على هالجدول اقل شي شهر
ان شفتي نفسك ماتاثرتي بالرقيه يعني ماطلع عليك علامات الرقيه ( بروده بالاطراف او حراره او تنميل او دوخه .. الخ اعراض االمس اوسحر او العين كثيره ان شفتي نفسك تاثرتي وانتي تقرينها
فاعرفي انه فيك شي وانه المشاكل حلها بالرقيه الشرعيه ان شاء الله

ان مر اكثر من شهر والحال نفسه ولاحسيتي في شي وانتي تقرينها فاستخيري ان كان الطلاق خير لك
ولاتشيلي هم انك بتتزوجي شايب قد يكون شايب يعزك افضل شباب يهينك

الله يفرج همك وهم كل مهموم

الله يجزاكم خير خواتي احبكم والله
من ناحيه الصلاه والدعاء والاستغفار ياربي لك الحمد مستمره عليهم
مو عشان مشكلتي عشان الاخره بعد
والوظيفه لاوالله ماتوظفت للحين انتظر
ومن ناحيه زوجي صح غثيث ويكرهني وهمه اخوياه ووناسته بس والله
بس يوديني لاي مكان ماعنده مشكله بس اهلي مستحيل يودىني مكان عشان كذا انا صابره
حتى يوم كنت بالكليه اهلي مايودوني يرفضون اروح مع نقل حكومي اطلع العصر
اموت من الانتظار بس مع زوجي لاوالله يجي اول ماخلص بنات هو مرات يجيب لي اللي ابي
ومرات يحلف انه يكرهني لو ماسويت شي ويضربني ويهيني ومرات ياخذني يومين اسافر اغير جو ويسولف علي عجزت افهمه اليوم اهله جو يتعشون عندنا وسويت العشا وخلصت يوم تعشو ارسلي بالواتس ماقصرتي يعطيك العافيه وامس كان يهاوشني ويقول اكرهك

اذا قال اكرهك قولي انا احبك هههه استهبلي معه

اذا قال لك اكرهك اسأليه السبب يمكن يتوقع منك شيء وانتي ماتدرين ماهو هذا الشيء

ولا تطلبين الطلاق دام انه احسن من عيشتك عند اهلك ومافيه شيء كامل : (

والله يفرج همك