بنت زايد! @bnt_zayd_29

عضوة فعالة

يارب رحمتك اعمالي ما ترفع

ما اعرف في المقدمات

بس قبل اكتب بقول شكرا بنت زايد هي اللي اعطتني عضويتها
وامانه وبذماتكم انصحوني ولا تهزؤن ولا تسبون لاني كنت غيرانه وكل الحريم اللي متزوجين عليهم ازواجهم يكونون بوضع غير الا من رحم الله مالي غيركم تكفون

كنت قبل امس افكر اصوم بس جاتني الدوره وخربت عليه ومره تذمرت ورحت انام وحلمت حلم مفجع حلمت اني رحت بوادي طويل كله شوك بس اني مره اكون حافييه ومره اكون لابسه نعال الله يكرمكم وكان في يدي مخيط اخيط به فمي وشفت خالتي وبنتها (بنتها كانت زوجة زوجي بس طلقها ) بعدين شفت جدتي ام امي الله يرحمها كانت مره حلوه بس يوم شافتني عبس وجهها ومال للسمار قالت ليش يابنتي متزاعلات اعمالكم لها سنه ما انرفعت قلت والله ياجده انها من الغيره هي ما لقيت غير زوجي قالت هذا زواج وكتبه الله ونصيب وكل واحد يكتب الله نصيبه وهو في بطن امه بكيت وصحت ياجده والله انها من الغيره والقهر وقلت انا مسامحتها قالت والله يا اعمالك الثنتين ما انرفعت لاصوم ولا صلاه ولا غيرها وقولي لخالتك ان اعمالها ما انرفعت وخليها تعتذر لفلانه هذي كانت جارتنا زمان وصار خاصام بينها وبين خالتي بسبب العيال وخالتي سبتها و راحت ورسلت لها مرسال انها ما تحللها ليوم الدين خالتي حاولت تتواصل معها لكن الحرمه سافرت ولا نعرف مكانها
وانا طليقة زوجي اللي هي بنت خالي متزاعله معي وقالت لي الله لا يحللك لا دنيا ولا اخره والله ما ابيحك
ويوم دقيت عليها صكرت التلفون في وجهي ورجعت دقيت وكلمتني خالتي وقلت يا خاله انا غلطت ومنكم السموحه واذا تبغى ترجع لزوجي ترجع بس حللوني قالت خالتي انتي ما قصرتي ولكن يابنتي الله يوفقك وبنتنا طابت نفسها وقمت صارحت زوجي بكل شي وان كل الكلام اللي قلته كذب واني ظلمتها قال هي راحت في سبيلها وانتي الله يقتص منك ولا يحللك صارت مصيبتي مصيبتين وزوجي الين الان ما يطالع في ويقول ظلمتي خلق الله عشان رجال انا ما بنقذك يوم القيامه وبيكون همي نفسي وهي اتصلي عليها تسامحك ودقيت عليها البارح في العصر وردت وقالت انتي طعنتيني في شرفي وقلتي كلام ما ينقال وانا والحمد لله ما عمري جبتك بشي اما اني اسامحك فبقول الله لا يحللك ولا يبيحك ولا يحلل من ظلمني وشوه سمعتي وصكرت بوجهي

والله ان الدنيا اظلمت بوجهي المهم قلت ما عليه منها بسال مفسر احلام ورد علي برد يصعق قال اعمالك معلقه بين الساء والارض وفمك هذا وشايه منك في البنت وهي غافله والشوك هذي حياتك ماهي مستقره وبيرجعلك عملك اللي سويتيه تسامحي وحاولي تتسامحين قلت اتصلت وما رضت تحللني قال هذي مصيبه قلوبنا اذا قست قست قلت طيب لو انا قلت الله يحللها ويبيحها ترفع اعمالي قال بالحرف الواحد اسالي منهو افقه مني واعطاني رقم يقول انه لكبار المشايخ واتصلت وتكلمت معاه بس الخبر نزل علي كالصاعقه لان اعمالي لا ترفع حتى نتقابل ويفشي كل منا السلام للثاني ايش اسوي تكفون اعطوني حركه اقنعها فيها والله انا تبت واستغفر الله كل صبح ومساء الف مره وادعي الله انها ترجع له ولا ادخل النار دخيلكم يا بنات ساعدوني

يلزم عليك تسجيل الدخول أولًا لكتابة تعليق.

تسجيل دخول

miss-lovely • 12 سنة

والله يا حبيبتي ما اعرف وش ارد عليك
وﻻ ادري انتي وش قلتي عنها وﻻ كيف اصلا تزوج بنت خالك

حاولي تكلمي احد هي تعزه وما ترد له طلب وانه يصالحكم على بعض
وكل عام وانتي بألف خير

العضوة المتميزة • 12 سنة

وعليكم السلام

وضعك مره صعب

لاكن فرصه بما اننا عيد روحي عندها واخذي معاك هديه وخذي معاك حرمه تعرف تتكلم وتصالحوا والله الدنيا فانيه
وانتي استغفري ربك واستغفري لها انتي طعنتي بشرفها وهذا من اكبر الكبائر
واحمدي الله الي ارسلك الرؤيا هذي

والله يصلح امركم يارب

نسمهـ جنوبيهـ • 12 سنة

الله يالف ما بين قلوبكم و يصلح ما بينكم ويهديك

خالة الحبايب • 12 سنة

الله المستعان صدق زوجك عشان ايييش خسرتي اخرتك
عشان رجال!
ليت الكثير يتعض ويعرف ان الظلم عاقبته شبنه وغضب من الله
ادعي دائما بهذا الدعاء
اللهم ايما مسلم ظلمته فجعل ذلك قربة له عندك
واستغفري بنية ان الله يلين قلبها عليك وتسامحك.واتصدقي على نيتة هالشي ونيتها
هي

هناك السماء • 12 سنة

خالة الحبايب :

الله المستعان صدق زوجك عشان ايييش خسرتي اخرتك عشان رجال! ليت الكثير يتعض ويعرف ان الظلم عاقبته شبنه وغضب من الله ادعي دائما بهذا الدعاء اللهم ايما مسلم ظلمته فجعل ذلك قربة له عندك واستغفري بنية ان الله يلين قلبها عليك وتسامحك.واتصدقي على نيتة هالشي ونيتها هي

الله المستعان صدق زوجك عشان ايييش خسرتي اخرتك عشان رجال! ليت الكثير يتعض ويعرف ان الظلم عاقبته...

مع انها مظلومه لكن مارفعت اعمالها
يالله والله ضاق صدري عليها <<
لازم تسامحك لازم هذي جنة ونار مافيها لعب موضوعك خلاني احسب حساب لكل كلمه
وخلاني اعرف ان الظلم شيء مو سهل ابدا لاحول ولاقوة الا بالله
الله يرحم حالك وحالنا بس