السلام عليكم
بنات الله يخليكم محتاجه دعواتكم يمكن وحده منكم يمكن ربي يستجيب لها ..
من نهاية رمضان وعايلتنا محتاسه من طيحه لطيحه..حسبي الله ونعم الوكيل ..
وجدتي كل ماصحت من شي ..وقلنا الحمد لله الا وتطيح بشي ثاني وعندها تليف بالرئه..
ونقص بالصفائح الدمويه
طاحت علينا قبل اسبوع ونقلناها للمستشفى وحطوها في العنايه
الاكسجين نازل مره والضغط والسكر مرتفعه
والرئه كلها مويه والحمد لله سحبوا الماء وضبط وضعها وطلعوها بعد 3 ايام ..
ورجعت للبيت وانتكست نفسيا ماندري وش فيها
بس ساااكته واذا حكيتيها تهز براسها وترد كلمه ولا ثنتين..واذا سألناها وش فيك .. تقول انا خاطري مكسور وتصيح ..
قطعت قلوبنا..
اخ بس ياقلبي الله يقومها بالسلامه ..ويشرح صدرها ..مدري وش فخاطرها ..
بس تسرح ولا كنها معك ..
انا مره خايفه ...
وقبل امس جالسين معها وقالت لنا قبل شوي احاكي نفسي واقول انا من جا العيد وانا تعبانه بروح اوسع صدري عند ام محمد ..؟؟وجيت بقوم بعدين انتبهت لنفسي ..
(وهي ماتقدر تقوم من نفسسه لازم اجد يقومها..)
قلنا لها من ام محمد قالت مدري ..ما اعرفها ..
ااااخ بس الله يستر عليها...ويطول بعمرها..
الحين مدري كنها امس تحسنت يمكن 10% عن قبل بس الظهر انفجعنا بخبر
عمي الكبير طاح على عياله جته جلطه بالمخ ..
ونقلوه اسعاف على طول..
هو كان بوعيه وصلوا الطوارئ
واجتمعو الدكاتره وركبوا عليه التخطيط والاجهزه وعطوه ابره عشان التجلط اللي في المخ ..
ومن اول ما عطوه الابره اظطرب القلب وجته جلطه ثانيه خلال ساعه وحده جلطتين في المخ والقلب
وتوقف النبض وتوقفت كل الاجهزه وااااه اجتمعوا تقريبا 30 دكتور
قالوا ماااات وقاموا يسوون له ضربات كهرب ويحاولون ينعشون القلب والله 20 او 25 دقيقه ..تقريبا وقالوا مافيه امل مات بس بنحاول
والحمد لله دقايق رجع النبض ورجعت الاجهزه ولعت ..
سووا له اشعه للمخ والصدر يشوفون فيه نزيف او لا والحمد لله مافيه..
بس الحين مايحس في اللي حوله..ونقلوه للعنايه المركزه اليوم وقالوا مافيه اي تطور راح يبين لنا خلال 48 ساعه وضعه ..واذا فيه مضاعفات من الجلطات ولا لا..
والله امس محتاسين وجدتي ماتدري ..
واول ماجانا الخبر انه قلبه توقف وقلنا خلاص مات وخفنا وبس نروح ونجي من عندها وتسمعنا نتهامس
هي ماتسمع زين الا اذا قربتي لمها .. وكل ما جينا نحاكيها نشوف وش اخبارها
قالت وشو وش فيكم من الصبح على هالسؤال كنها حاسه ..
وخايفين عليها يجيها شي لو درت
الله يستر ..
الله يشفيه ويقومه بالعافيه لعياله
مساكين بس يصيحون طاح قدامهم بناته الصغيرات يصيحون
وواحد من عياله كان مسافر مع خواله ورجع للبيت بعد الظهر يوم الجمعه والدنيا مختبصه وصياح كانوا يحسبونه خلاص مات وانفجع الولد يارب رحمتك..
ابيكم يابنات تدعوان لهم جدتي وعمي ان الله يشفيهم ويخليهم لعين ترجيهم ..
اللهم ياشافي يامعافي ..يارب أسألك بأسمك الاعظم اللذي اذا دعيت به اجبت واذا سألت به اعطيت ..اللهم اني اسألك انتشفيهم بشفائك شفاء لا يغادره سقما ..يارب العالمين ..اللهم ارحمهم برحمتك واكشف الضر عنهم ..يارب يارحيم ..
يلزم عليك تسجيل الدخول أولًا لكتابة تعليق.
بين احبابي
•
الله يشفيكم ويكشف عنكم الضر
الله يشفيكم ويكشف عنكم الضرالله يشفيكم ويكشف عنكم الضر
لاحووووول ولاقوة الابالله اسال الله العلي العظيم ان يشفيهم ويفرج همكم عليكم بالصدقه واكثرو من الاستغفار:44:
اللهم ياشافي يامعافي ..يارب أسألك بأسمك الاعظم اللذي اذا دعيت به اجبت واذا سألت به اعطيت ..اللهم اني اسألك انتشفيهم بشفائك شفاء لا يغادره سقما ..يارب العالمين ..اللهم ارحمهم برحمتك واكشف الضر عنهم ..يارب يارحيم ..
لاحول ولاقوة الابالله
الله يشفي مرضى المسلمين ومرضاكم
وعليكم بالصدقه بنية الشفاء
الله يشفي مرضى المسلمين ومرضاكم
وعليكم بالصدقه بنية الشفاء
الصفحة الأخيرة