يارب ريح قلبي وقلب امي

بنات انا مضايقه وحزينه وقلبي واجعني
صح حتشوفو السبب تافهه وسخيف
بس انا خلاص ماني قادره اتحمل كلام الناس ونظراتهم ليا
والله تعبت سرت اخاف اروح العزايم والمناسبات عشان مااسمع كم كلمه ومااشوف نظراتهم ااخ يابنات لي كدا العالم ايلي انا عايشه فيه
لي همهم الزواج بس وايلي ماتتزوج تعتبر عاله وشي غلط في الحياه
ياربي ايش اسوي قولولي
والله صليت واستغفرت والله والله انا لله تعالي بس مع كلامهم سار دا همي المهم اتزوج ويحلو عني
ياريت الكلام ليا انا لوحدي انا اتحمل واشكيلكم لاكن امي مسكينه ايش ذنبها لمن يقولولها بنتك عنست بنت ماتزوجت بنتك كبرت بنتك خلاص محد يباها بنت راحت عليها بنتك وبنتك وبنتك طيب هيا ست كبيره واكيد تزعل وتحط في خاطرها بس ماتبين لي
ياربي زوجني عشان امي ترتاح من كلام الناس
ياريت الكلام من ناس غرب
الكلام من القرايب من الاهل
طبعا هم مرتاحات لانو بناتهم اتزوجو وخلفو
ياربي ساعدني وساعد امي
دي فضفوضه وماقدرت اخليها في قلبي سامحوني ازا ازعجتكم