اكمل لكم قصتي يااخوات انا ماحبيت اجيبها مره وحده مرت تقريبا اربع سنوات من الالم والحزن على نفسي من تجريح واهانات وعلى ولدي اللي فتره عندي وفتره عند ابوه في منطقه ثانيه وقلبي يتقطع حزن لكن حكم القوي على الضعيف تصدقون أن مره كان ولدي يلعب مثل الأطفال وبعدين فتح درج من الإدراج وطاح وهو خاف وبكى وكان ثاني العيد وسمعه ابوي وانا رحت أجري وشلت ولدي بعدين جى ابوي معصب وفي ايده قارورة عطر وقالي ليش تخلينه يسوي كذا وضربني بها على راسي ورحت شايله ولدي ومااشوف الا نقاط من الدم تسيل على رجل ولدي وخفت وقاعده امسك رجوله احسبها تعورت ومادريت ان الدم هذا يصب من راسي جلست ابكي وانظف رجل ولدي من الدم وجات امي تواسيني وتربط على راسي وبعدين كلمت اخوي يجيب من الصيدليه شاش ومطهر وسويته على الجرح ونمت هذيك الليله ودموعي على خدي.اكملكم معاناتي في وقت آخر.

الله يفرج همك ويوفقك ويسعد قلبك

مساءالخير عليكم جميعا اكمل لكم القصه وبعد هذي المعاناه اربع سنوات تقدم لي رجل وسالنا عنه وتحرينا وانا استخرت الله ووافقت وتم الزواج في البيت طبعا ولاعلمنا أحد خوفا على ولدي لكن واحد من الجماعه عرف السالفه ونقل الخبر لواحد يعرف طليقي وبعد شهرين جى على اساس يأخذ الولد زياره مثل كل مره من عند امي وبعدها ماعاد شفت ولدي لي تقريبا اكثر من سنتين وانا وامي رايحين جايين على المحكمه ومااستفدنا شيء جلسه ورى جلسه إلى الآن ولاتهنيت بزواجي ابدا مع ان زوجي الحالي إنسان يخاف الله وتعامله طيب بس هي ظروفه الماديه متواضعه وإلى الان ماكتب الله لي بأولاد منه وابوي يطالبه بمبلغ باقي من المهر وكم مشكله حصلت بسب ان وضعه صعب وهذا انا صابره ماضغطت عليه باثاث جديد كله مستخدم وامشي أموري على أبسط مايكون حتى تصدقون اني بعت من ذهبي عشان اساعده وهذا هو وضعي الان فقط اتمنى من الله وادعوه يرزقني بطفل يسليني ويعوضني ربي عن كل الألم والعذاب اللي شفته ويعوض كل مظلومه انه على كل شيء قدير.لاتنسوني من دعواتكم الخالصه بظهرالغيب.أحبكم.

الله يصبرك حبيبتي ويجبر قلبك
ياويله من ربي اللي يحرم أم من أبناءها في الدارين

شكرا لكل اللي قرا قصتي ولكل اللي ردو واسال الله تعالى ان لايريكم مكروه ابدا وان يجعل السعاده ترافقكم وين ماكنتم انه على كل شيء قدير.