يارب ساعدني وهون علي خلاص تعبت من حياتي

السلام عليكم ورحمة الله وبركاته


انا بقولكم قصتي واتمنى منكم المشوره والنصح

انا مادري شلي صايرلي جااني اكتئاب وضيقه ماتفارقني والدنيا ماتسوى شي عندي وكان صاير عندي زي التعطيل نوم

بالنها ولا اقدر اقوم وباليل سهرانه وضيقه وتعب نفسي ودي اقوم زي الحريم بدري الصباح مااقدر تجيني ضيقه اقول وش اسوي
اقوم ولاتحلالي القومه الا الساعه 2ونص او 3لاكن اقوم اصلي بوقتها وتاركه المسلسلات والاغاني والحمدلله تبت لاكن سبحان الله

وانا كد جاني اكتئاب مابعد الولاده بحملي الاخير وبما اني على وشك ولاده اخاف يرجعلي

وجاني وسواس قهري بعد وانا خااايفه موت انه يجيني وزود على كذا كلمت امي وانا ساكنه بعيد

عن اهلي ولاجتي الشغاله للان كلمتها وقلتلها اني بجي اتنفس عندكم ورفضت بححجة اني

مااقدر اسوي لك شي وانا قلتلها انا مابي يايمه تسوي لي شي بجيب شغاله ايجار وبس اقعد انا وياك

ولاتسوين اي شي وقالت وين بتجلسين قلت باجلس وحددت الغرفه الي ابيها مشالله بيت اهلي كبير

وسكتت وهي امي اذا خواتي ولدو تناديهم وتقولهم تعالو واذا ماجو عااادي مو مثلي تقولي لاتجين واشياء كثيره من

التفريق بيني وبين خواتي يعني مااحس ان لي ام حتى شعور الام والله يبنات ماعمري حسيته واذا قريت قصة يتيمه

هنا وماعندها ام انا احس فيها لان ماعمر امي احتوتني ابدا من صغري وبعد فتره اتصلت علي اختي وقالت ترا امي

ماتبيك تجين مرره والغرفه الي تبينها اخذتها وحطت اخوي معها

وقفلت غرفتها وانا قلتلك علشان ماتنصدمين اذا جيتي مالك مكان انا انصدمت وقلت خلاص بدبر نفسي

وجلست ابكي لان مو اول مره ماتبيني حتى بنفاسي الاخير نفس الشي وجيت لالقيت لي مكان ولاشي

وقلت لزوجي ابي شغاله ايجار ورفض لانه دافع دم قلبه بشغاله بس تاخرت ماجت للحين وانا تورطت عندي طفلين

وبعيده وبتنفس لحالي وماعرف شي ابدا حتى الادويه ماعرف وزينت لي غرفه ببيتي لاكن ملاحظه زوجي مايبيني

اجلس عنده مايدري عن شي وش اسوي انا حتى ولاده زي الناس ماتجيني لازم اروح للمستشفى يولدوني

ماتجيني طلوق ولاشي الله المستعان ومدري ليش تجمع كل شي علي صاير بيني وبين زوجي فتور وملل ولاعاد اني طايقه
اجلس معه وهو نفس الشي بس يبي يطلع من البيت وصاير يناظر الحريم الي ماكان يناظرهم ابدا وبس يتكلم عن زواج المسيار
وانا تعبت خلاص حمل وتعب وامي وزوجي احس اني ماعاد اقدر على هذا كله

يارب الي تساعدني بساعة هالجمعه ان الله يفرج عليها