يارب عفوك ورحمتك....تعبت من هالكتمان!

السلام عليكم...

كيفكم ياغوالي...

بنات بختصر عليكم وعلي...

لي فتره احس بأرهاق فضضضضضضضضضضضضيع ..احس بصداع والم برقبتي..

عانيت من فقر الدم وتحسنت ولله الحمد.. وبعدها اهملت نفسي ماادري نزل الهيموجلوبين ولا ؟

واعاني من هبوط الضغط...

كل وقتي بفراشي ماابي اكل ولا اكلم احد..نوم وتفكير مب في ولادتي ولا نفاسي.. وفوق هذا تعب الحمل وثقله!
احس حتى هالامور انشغلت عنها مع اني قبل شهرين كنت ارتب جدول نفاسي ومتحمسه ..ووين بولد.. ووين بقضي نفاسي.. و..........و........و...ومشتاقه للمولود وشوفته
الحين هالامور ذي ماافكر فيها ابد.. والحين تقريبا بنصف الثامن ولا جهزت اغراضي ولا صلحت شيئ ابد!

يارب رحمتك وعفوووووووووووك...

بس
هالاربعه ايام الاخيره مرت علي و يعلم الله اني مرضت حيل..حيل.. حيل....

من شهر وشوي وانا اعاني هالحاله
صمت عجيب اعيشه.. حتى بنتي تترجا اصحى اجلس معاها ولا كأن احد يكلمني.. مرات ارحمها و اجاملها شوي وارجع لفراشي:44:
ودي اطلع من هالجو ... اجلس مع الناس.. ادش نت واشارك وانسى شوي تعبي

مب قادره..

مالي خلق ابد لأي شيئ:09:


يعلم الله اني اشيل بقلبي همي.. واصبر.. حتى زوجي ماايدري عن معاناتي مع اني ادري ماراح احصل اصدق منه انسان يسمعني...
هو هالفتره واغلب يومه مشغول بمشروعه الجديد,, ويمكن من حسن حظي عشان مايحس بحزني...

يدخل وانا ابتسم .. ويطلع وانا ابتسم له....

واذا طلع وتركني يومي كله بفراشي ...:09:

هالفتره ماانكر اني امر بمشكله مع صديقتي ..بس معقوله هالمشكله تسوي فيني كذا؟

اعرف حلول هالمشكله ..بس مب قادره انفذها...

من فضل ربي علي عندي صديقات ينحطون عالجرح يبرى ...بس ماابي اقول لأحد اللي بصدري..
مابي اقول...

ماأبي....

وان كتب لي ربي طلعه لأهلي ولا جو عندي صديقاتي..

لما يشوفني احد يقول وش فيك؟؟ وش هالحزن اللي بعيونك وصوتك؟
كنت اكابر وابتسم واقلب المجلس ضحك وسوالف وانا بداخلي ابكي.. امووووووت من الالم ولا احد يدري!

صمت رهيب اعيشه... وأكتم حزني مهما كان الشخص اللي قدامي..قبل ماكنت اتحمل اخبي حزني بالعكس افضفض واحكي وادرس معاناتي واحلها...

على كثر مامرت علي مشاكل بس كنت اصبر واقدر اتجاوزها بس حبيت افضفض الحين.

انا ماجيت والله اشكي لكم كثر ماابي افضفض واطلب دعواتكم ان ربي يفرجها علي ويرد الفرحه لقلبي.. ويريحني...

حسبنا الله ونعم الوكيل و............كفى!