اختي انتي مكبرة الموضوع بزيادة الله يهديك تحسسين كثير يعني بالسعودية الكل خشومهم طويلة من اللي كاذب عليك عندنا سعوديات وسعوديين اصل وفصل وخالقهم ربي يشبهون الفلبين واليابانيين وماعندهم اي عرق ابداً مالا دخل وثانياً من قال لك ان الكل عندنا خشومهم طويلة اعرف ناس خشومهم كبار كثار ومو ذنبهم ترى ربي اللي خالقهم كذا !!!!
لاتتحسسبن وعيشي حياتك ورتبي نفسك وتعدلي وماعليك من كلام الناس يقولون اللي يبون اهم شيء انك تحبين نفسك وتكوني واثقة وماتهتزين لاي كلمة تجيك مهما حاول ا وتعمدوا يجرحونك ترى بعضهم من القهر يقولون كذا ويحاولون يستفزونك او يخلون الناس تتمسخر عليك !!!!!
دامك متزوجة احمدي ربك على هالشيء وحاولي ماتخسرينه ابداً دايماً كوني انيقة ومرتبة ونظيفة قدامها وهو يعرفك من قبل ومتقبلك ليش تشككين بنفسك !!!لو مايبيك ماخطبك من البداية ودور غيرك ولو بيتزوج كان تزوج من البداية من قال لك كل المتزوجات جميلات من لاعب عليك اعرف بنات ازواجهم ماشآء الله طايرين فيهم وهم مافيه اي جمال سبحان الله !!!بس اللي محليها بعينه اشياء كثيرة اولها المعاملة والأخلاق والأسلوب الخ مو شرط كل جميلة يحبها زوجها وكل وحده مو حلوه بيتزوج عليها زوجها او مايحبها اللي اشوفه بالعكس بصراحة!!!
ولدك فلبينو ولا مو فلبينو ذا ولده وحتى لو تريق او مزح تراه ولده بالاول والاخير مايرضى احد من الناس يغلط عليه او يستهزأ فيه !!!الضنى غالي!!!
عيشي حياتك ولاتلتفتين لكلام الناس لانك ماراح تخلصين الناس تقرقر كثير باللي يخصها واللي مايخصها فلاتهتمين وارميه وراك !!!
عندك زوج وطفل احمدي ربك اولاً وآخيراً وحافظي عليهم والله يوفقك ويسعدك ومالك دخل بااحد من الناس اللي مايطول العنب حامض عنه يقول !!!

سبحان اللهتو من امس بديت اقرأ قصة شما وهزاع لدكتوره ناعمهالقصه موجوده في المنتدىقصتها تشبه لقصتك كثيراقرئيها وبتستفيدين كثير منها

صديقتي نحيفة وصدرها صغير الأسبوع الماضي سوت العملية وفي صدد تركيب ثدي جديد عارفه ليه لأنهم شالوا ثديها بالعملية أضن فهمتي قصدي الحمد لله على الصحة " اللهم إني أسألك العفو والعافيه في الدنيا و الآخرة " لكن صديقتي حبيبتي عمرها ما تذمرت من شكلها أومن مرضها أو من أي شيء ثاني رغم أنها عااااانت كثييير بحياتها مسلمه أمرها لله تقول لي ليش أزعل وأنكد على حالي إش راح أستفيد الحياة حلوه نعيشها مره وحده الدنيا عبر والإنسان طماع والأساسيات بالحياة ما تشوفها العين وتقدرها لا تدورعلى الكماليات فقط قولي الحمد لله على النعمه ولا تخلي الشيطان يدمرك أختي .

سلام عليكم ورحمة الله وبركاته..
حبيبتي هوني على نفسك..أعرف أكثر من ثلاث نساء أنفهم تقريبا نفس وصفك و منهم موظفات والحمد لله ما شية حياتهم بشكل طبيعي ..
و وحدة منهم ما شاء الله تبارك الرحمن عليها جاذبية بشكل كبيييير و الكل يحبها و هي جدا واثقة بنفسها و مهتمة بلبسها ومكياجها وشعرها ..
والأهم من كذا إيجابية وروحها جدا جميلة ما شاء الله و ناجحة في حياتها..وفي كثير غيرها مثلها..و السبب أنهم متصالحين مع أنفسهم بغض النظر عن رأي الناس فيهم..
عزيزتي..ربي سبحانه وتعالى يقول :{ هُوَ الَّذِي يُصَوِّركُمْ فِي الْأَرْحَام كَيْفَ يَشَاء } يعني ربك سبحانه قادر يخلق أنفك طويل ودقيق لكن ربي اختار و أراد أن يكون بالشكل اللي وصفتيه الآن .. وبما أن ربي وربك سبحانه أراد أنفك يكون بهذا الشكل أنتي المفروض تحبين هالشكل اللي ربي اختاره لك؛ لأن ربي أراده لك أنتي تحبينه حتى لو ما أعجب الناس كلهم..
و بعدين أنتي خليك خاااارج قوانين الناس للجمال ! يعني و إذا كل اللي حولك ما يعجبهم إلا الأنف الطويل أنتي لازم ما يعجبك الا اللي يعجبهم؟! و هل مهم أنك تعجبينهم؟!طبعا لا مو مهم تعجبينهم لكن المهم أنك ترضين ربك ..ثم ترضين باختيار الله لشكلك، وأنا أكاد أجزم أن ملامحك كمجمل جميلة إن شاء الله لكن مشكلتك أعطيتي نقد الناس لك اهتمام أكبر من حجمه ..
غير كذا يا أختي "نبض22" أنتي الحمد لله متزوجة وعندك أطفال ما شاء الله و مسؤولة عن أسرتك و المفترض تكونين من أهم مصادر سعادتهم ، وإذا أنتي ما كنتي سعيدة أصلا كيف بتقدرين تسعدينهم! وهل الحزن و الهم بيغير شيء ؟ الملامح شيء مفروغ منه يعني ما تقدرين تغيرينها،صح تتجملين بالمكياج بس كخلقة ما تقدرين تغيرينها..
إذا تبين ترتاحين فعلا ارضي واقنعي بما كتبه الله لك ،و ثقي بنفسك بغض النظر عن رأي الناس فيك ،صدقيني اذا كنتي واثقة بنفسك ماراح يهمك نقدهم الى هذا الحد، ولو ماكنتي واثقة من نفسك حتى لوكنتي من أجمل النساء ما راح ترتاحين وحتى لو سمعتي مدح بتقولين مو صدق يجاملوني !
بالنسبة لخوفك على أطفالك من أنهم يعيشون مأساتك لو كانوا يشبهونك ، فهذا الأمر أنتي قادرة على إبعاد أطفالك عنه بإذن الله وتوفيقه..
الطفل يتأثر بشخصية أمه وأبوه،لذلك ابذلي كل جهدك لتقوية ثقتك بربك ثم بنفسك،حتى يكتسب طفلك قوة الشخصية و الثقة بالنفس من شخصيتك بإذن الله..
غير كذا ازرعي في أطفالك حب الله سبحانه وتعالى و حب الرسول صلى الله عليه وسلم و قصي عليهم من قصص الصحابة رضي الله عنهم بأسلوب يناسب صغر سنهم ؛حتى يكتسبون أرواح سامية و قدوات راقية و أهداف عالية وشخصيات قوية تكون لهم حصانة بإذن الله ضد الانتقادت السطحية و صغائر الأمور..
وأيضا امدحي الجوانب الجميلة في شخصياتهم و أشكالهم ، واذا أحد انتقد شكلهم قدامك لا تتضايقين بالعكس ابتسمي و احضنيهم و اظهري اعجابك بالشيء اللي انتقدوه بالذات حتى يعرفون أنك فخورة فيهم ومتقبلتهم مثل ما هم و حرصي أبوهم ما ينتقد شكلهم حتى لو بالمزح..
ودائما ادعي ربك يرضى عنك وعنهم و يرضيكم بما رزقكم..
بالنسبة لبشرتك ارقي نفسك بنفسك و النت مليء بالكتيبات الالكترونية للرقى الشرعية ،وابحثي عن دكتورة شاطرة تكتب لك علاج غير الروكتان و ادعي ربك داااائما بالشفاء و خليك على يقين بأن ربك قادر يشفيك بلمح البصر بقدرته ورحمته سبحانه و ألحي على الله بالدعاء و لا تستعجلين الإجابة..
و الحالة النفسية لها تأثير كبير على البشرة وعلى صحة الجسم بشكل عام لذلك رووووقي و تقربي من الله سبحانه و تعالى أكثر و أكثر و احرصي على الاكثار من ذكر الله و قراءة القرآن و التعلق بالله و أنا متأكدة أنك إذا سويتي كل هذا بإذن الله ماراح تحتاجين لطبيب نفسي ..
و حطي في بالك غاليتي أن الحياة جوانب كثيرة فلا تحصرين حياتك وتركيزك على جانب واحد و تهملين الجوانب الثانية رغم أهميتها ..
عزيزتي..احمدي ربك واشكريه على نعمه سبحانه و استمتعي بحياتك في رضاه سبحانه جل في علاه فالحياة أجمل بكثير مما تتصورين..
اعتذر جدا على الإطالة و أسأل الله الأحد الصمد الذي لم يلد و لم يولد ولم يكن له كفوا أحد أن يرضى عليك و يشرح صدرك و يجمل باطنك و ظاهرك بكتابه...اللهم آمين..

اذا انتي تشوفينها عيب وماثر ع نفسيتك
اسالي عن حكم العملية
ولاتهتمي بالردود السلبيه هنا انا مجربتهم قبل